ទំព័រដើម

  ភ្នំពេញ: បុរសម្នាក់បានដួលបោកក្បាលស្លាប់នៅនិងកន្លែងកើតហេតុនិងម្នាក់ទៀតរងរបួសស្រាល បន្ទាប់ពីជិះម៉ូតូឌុបគ្នាក្នុងល្បឿនលឿនបណ្តាលឲ្យទាក់ដៃចង្កូចនិងរថយន្ដមួយគ្រឿងដួលចូលក្រោមរថយន្តមួយគ្រឿងទៀតខណ:បើកស្របគ្នា កាលពីវេលា ម៉ោង៦និង៥៩នាទីយប់ ថ្ងៃទី២២ ខែកញ្ញា ឆ្នាំ២០២១ ស្ថិតនៅមុខអគ្គីសនីទួលសង្កែ ជាប់ផ្សារទួលសង្កែចាស់ តាមបណ្ដោយផ្លូវ៦៨ ក្នុងភូមិផ្សារតូច សង្កាត់ទួលសង្កែទី១ ខណ្ឌប្ញស្សីកែវ រាជធានីភ្នំពេញ។ សពជនរងគ្រោះមានឈ្មោះ ឆក ម៉េង លាប់ អាយុ២៥ឆ្នាំ ជនជាតិខ្មែរ មុខរបរអ្នកបោច មាន់ ស្នាក់នៅដីថ្មី ក្នុងសង្កាត់ក្រាំងធ្នង់ ខណ្ឌ សែនសុខ ។ មានស្រុកកំណើតនៅភូមិព្រែកតាប៉ែន ឃុំព្រះប្រសប់ ស្រុកខ្សាច់កណ្ដាល ខេត្តកណ្ដាល(អ្នកបើកម៉ូតូ)ចំណែកអ្នករួមដំណើររងរបួសស្រាលមិនស្គាល់អត្តសញ្ញាណនោះទេ។អ្នកទាំងពីរជិះម៉ូតូម៉ាកស៊ុយស៊ុគី លេត ពណ៌ក្រហម ពាក់ស្លាកលេខភ្នំពេញ1CK.1932. ។ តាមប្រភពពីបុរសម្នាក់ដែលរួមដំណើរជាមួយជនរងគ្រោះបានប្រាប់ឲ្យដឹងថា មុនពេលកើតហេតុពួកគេបានចេញពីក្នុងរោងចក្រដើម្បីយកមាន់ឲ្យបងប្អូនជីដូនមួយ ដោយជិះម៉ូតូ តាមបណ្ដោយផ្លូវ៦៨ ទិសដៅពីកើតទៅលិចក្នុងល្បឿនលឿន...

  ភ្នំពេញ: បុរសម្នាក់បើករថយន្តហាយលេនឌ័រមួយគ្រឿងលឿនដូចហោះជ្រុលទៅបុកថូផ្ការនិងរបងមន្ទីរសម្រាកព្យាបាល មួយកន្លែងបណ្ដាលឲ្យបែកថូផ្ការមួយចំនួននិងរបងបណ្តាលឲ្យទ្រេតរងការខូចខាតយ៉ាងដំណំ រួចចុះពីលើរថយន្តហៅកង់បីជិះគេចខ្លួនចេញពីកន្លែងកើតហេតុត្រូវសមត្ថកិច្ចតាមឃាត់បានមកវិញ។ ហេតុការបង្កឲ្យមានការភ្ញាក់ផ្អើលនេះកើតឡើងកាលពីវេលាម៉ោង ១០ និង ១០ នាទីយប់ថ្ងៃទី២២ ខែកញ្ញាឆ្នាំ ២០២១ នៅចំណុចមុខមន្ទីសម្រាកព្យាបាល នីអូឡាយហ្វ៍ តាមបណ្ដោយផ្លូវ ៥៩៨កែងនឹងផ្លូវ ១៩៨៦ ក្នុងសង្កាត់បឹងកក់ទី ២ ខណ្ឌទួលគោក រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តហាយលេនឌ័រពណ៌ក្រហមមួយគ្រឿងពាក់ស្លាកលេខភ្នំពេញ2BA-3892ធ្វើដំណើរតាមបណ្ដោយផ្លូវ ១៩៨៦ ទិសដៅពីលិចទៅកើត ក្នុងល្បឿនលឿនដូចហោះ លុះមកដល់ចំណុចកើតហេតុខាងលើកែងនឹងផ្លូវ៥៩៨ រថយន្តទៅត្រង់ មិនបង្អង់ល្បឿនជ្រុលថូផ្ការបែកអស់មួយចំនួននិងរបងបន្តទៅបុករបងមន្ទីរពេទ្យបណ្ដាលឲ្យទ្រេតឯរថយន្តផ្ទប់ជាប់រងការខូចខាតផ្នែកខាងមុខយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះដល់ ទីតាំងកន្លែងកើតហេតុ ស្រាប់តែម្ចាស់រថយន្តបានហៅម៉ូតូកង់បីជិះគេចខ្លួន ត្រូវបានប្រជាពលរដ្ឋរាយការណ៍ជូនសមត្ថកិច្ច នាំគ្នាជិះម៉ូតូដេញឃាត់ជាប់បានមកវិញយកមកកន្លែងកើតហេតុធ្វើការដោះស្រាយគ្នា បន្ទាប់មកម្ចាស់រថយន្តបានទទួលខុសត្រូវទាំងស្រុង ហើយប្រាប់ថាធានាខុសត្រូវចេញសំណងថ្លៃការខូចខាតដើម្បីប្រញាប់រឿង៕ដោយ កុសល់  

ភ្នំពេញ: បុរសម្នាក់បើករថយន្តកាមរីហាយប្រ៊ីតមួយគ្រឿងខ្វះការប្រុងប្រយ័ត្នបណ្ដាលឲ្យរេខង្កូចទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលឲ្យបាក់មួយកង់ ឯរថយន្តដាច់កាឡេកង់មុខទៅរួច។ ហេតុការនេះកើតឡើងកាលពីវេលាម៉ោង ៧ យប់ថ្ងៃទី ២២ ខែ កញ្ញាឆ្នាំ ២០២១ នៅចំណុចមុខវិទ្យាល័យ ជាស៊ីម សាមគ្គីតាមបណ្តោយផ្លូវ២៧១ ក្នុងសង្កាត់ស្ទឹងមានជ័យទី១ ខណ្ឌមានជ័យរាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តកាមរីហាយប្រ៊ីតមួយគ្រឿងពណ៌ទឹកប្រាក់ពាក់ស្លាកលេខភ្នំពេញ2T-1752ធ្វើដំណើរតាមបណ្តោយផ្លូវ ២៧១ទិសដៅពីជើងទៅត្បូងលុះមកដល់កើតហេតុខាងលើខណៈដែលផ្លូវកោងនិងខ្វះការប្រុងប្រយ័ត្នបណ្ដាលឲ្យរេចង្កូតមកខាងឆ្វេងដៃជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលឲ្យបាក់អស់មួយកង់ ឯរថយន្តខូចខាតផ្នែកខាងមុខខាងឆ្វេងដាច់ក្រឡេកង់ទៅមុខលែងរួច។ភ្លាមនោះម្ចាស់រថយន្តបង្កបានបើកទ្វាចេញពីកន្លែងកើតហេតុបាត់។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំម្ចាស់ចូលខ្លួនមកដោះស្រាយគ្នាតាមផ្លូវច្បាប់៕ដោយ កុសល់

  ខេត្រព្រះសីហនុ ៖ គ្រោះថ្នាក់ចរាចរណ៍មួយបានកើតឡើង រវាង រថយន្តដឹកដីមួយគ្រឿង បុករះជាមួយនឹងរថយន្តនិងម៉ូតូផ្សេងៗទៀត ជ្រុលទៅបុកចូលផ្ទះប្រជាពលរដ្ឋដែលនៅត្រង់ចំណុចផ្លូវ៨០១ ចំណោតវត្តលើ ស្ថិតក្នុងភូមិ២ សង្កាត់លេខ២ ក្រុងព្រះសីហនុ/ខេត្តព្រះសីហនុ។ កាលពីវេលាម៉ោង១២និង៣០នាទីថ្ងៃត្រង់ទី២២ ខែកញ្ញា ឆ្នាំ២០២១ បណ្តាលឲ្យមនុស្សយ៉ាងតិច៥នាក់រងរបួសធ្ងន់ស្រាល ត្រូវបានសមត្ថកិច្ចបញ្ជូនទៅកាន់មន្ទីរពេទ្យ។ ប្រភពពីសមត្ថកិច្ចនគរបាលចរាចរណ៍បន្ថែមឲ្យដឹងថា ក្នុងហេតការណ៍គ្រោះថ្នាក់ចរាចរណ៍មួយនេះ បណ្តាលអោយម៉ូតូ ៤ គ្រឿងបានរងការខូចខាត រួមជាមួយម៉ូតូកង់បីឥណ្ឌា មួយគ្រឿង និងរថយន្តម៉ាក NISSAN មួយគ្រឿង នឹងមនុស្សចំនួន ៥ នាក់រងរបួស ក្នុងនោះរបួសធ្ងន់ម្នាក់ផងដែរ។ សមត្ថកិច្ចបានឲ្យដឹងទៀតថា ជនរងគ្រោះទាំង៥ រួមមាន៖ ១ ឈ្មោះ គឹម ចន្ថា ភេទស្រី អាយុ ២៨ ឆ្នាំ...

ខេត្តព្រះសីហនុ៖ ប្រជាពលរដ្ឋចំនួន ៣១គ្រួសារស្មើនឹង ៣២ខ្នងផ្ទះ ដែលស្ថិតនៅក្នុងភូមិ៥ សង្កាត់លេខ៤ ក្រុងព្រះសីហនុ/ខេត្តព្រះសីហនុ។បន្ទាប់ពីទទួលបានលិខិតសេចក្ដីជូនដំណឹងរបស់រដ្ឋបាលខេត្តព្រះសីហនុ ចុះលេខ ៨៩១/២១សជណ នៅថ្ងៃទី៦ ខែកញ្ញា ឆ្នាំ២០២១ ឱ្យធ្វើការរុះរើចេញ ដោយទុករយៈពេលចំនួន ១៥ថ្ងៃគិតចាប់ពីថ្ងៃជូនដំណឹងខាងលើនេះ ដោយហេតុដូចនេះហើយប្រជាពលរដ្ឋចំនួន ៩គ្រួសារក្នុងចំណោមប្រជាពលរដ្ឋចំនួន ៣១គ្រួសារ ក៏បានលើកដៃសំពះអង្វរសុំ ក៏ដូចជាស្នើសុំ ការយោគយល់ពីរដ្ឋបាលក្រុង/ខេត្តព្រះសីហនុ ដោយជួយសម្រួលក្នុង ការបន្ធូរបន្ថយលើស្ថានភាពជាក់ស្តែងដល់ពួកគាត់ផង ដោយក្នុងនោះពួកគាត់បានរស់នៅក្នុងតំបន់នេះជាយូរឆ្នាំមកហើយ និងមានការទទួលស្គាល់ពីអាជ្ញាធរមូលដ្ឋាន ព្រមទាំងមានលេខក្បាលដីទៀតផង។ ហើយនៅកាលពីថ្ងៃទី២១ ខែកញ្ញា ឆ្នាំ២០២១នេះប្រជាពលរដ្ឋចំនួន ៩គ្រួសារ បានស្នើសុំឱ្យក្រុមអ្នកសារព័ត៌មានជួយធ្វើការសព្វផ្សាយជូនដល់ឯកឧត្តមអភិបាលខេត្ត និងសូមជួយរកដំណោះស្រាយណាមួយជូនដល់ពួកគាត់ផង ដោយនាពេលបច្ចុប្បន្ននេះស្ថានភាពការរីករាលដាល នៃជំងឺកូវិដ-១៩ បានធ្វើឱ្យជួបផលប៉ះពាល់វិបត្តិសេដ្ឋកិច្ចក្នុងគ្រួសារ និងជីវភាពប្រចាំថ្ងៃទៀតផង ហើយប្រសិនបើពួកគាត់ធ្វើការរុះរើផ្ទះចេញទាំងស្រុង គឺពួកគាត់គ្មានសល់អ្វី និងមិនដឹងទៅជ្រកកោននៅទីណានោះទេ...

  (កោះកុង)៖ អភិបាលខេត្តកោះ កុង លោកជំទាវ មិថុនថ ភូថង នាព្រឹកថ្ងៃទី២២ ខែកញ្ញា ឆ្នាំ ២០២១ បានអញ្ជើញដឹកនាំមន្ត្រីរាជការ ចូលរួមក្នុងពិធីកាន់បិណ្ឌវេនទី១ នៅវត្តទេពនិមិត្ត ស្ថិត នៅក្នុងភូមិ៣ សង្កាត់ស្មាច់មាន ជ័យ ក្រុងខេមរភូមិន្ទ ខេត្តខេត្ត កោះកុង ។ តាមមន្ត្រីរដ្ឋបាលសាលាខេត្តបានឲ្យដឹងថា ដើម្បីទ្រទ្រង់វិស័យព្រះពុទ្ធសាសនា អភិ បាលខេត្តកោះកុង លោកជំទាវ មិថុនា ភូថង បានផ្ដួចផ្ដើមគំនិតមួលមតិគ្នា ជាមួយនិងមន្ត្រីរាជការ មន្ទីរអង្គភាពជុំវិញខេត្ត ចូលរួមធ្វើពិធីកាន់បិណ្ឌវេនទី ១ នៅវត្តទេពនិមិត្ត ដោយបាននាំយកទៅជាមួយ បាយសម្ល នំចំ ណី និងគ្រឿងឧបភោគបរិភោគ ទៅប្រគេនដល់ព្រះសង្ឃទុកជាចង្ហាន់...

  ភ្នំពេញ: កម្លាំងនគរបាលប៉ុស្តិ៍ផ្សារដេប៉ូ៣ នៃអធិការដ្ឋាននគរបាលខណ្ឌទួលគោក បានឃាត់ខ្លួនជនសង្ស័យម្នាក់ដកហូតបានថ្នាំញៀន៦កញ្ខប់តច កាលពីវេលាម៉ោង១៥-០០ នាទី ថ្ងៃទី ២១ខែកញ្ញាឆ្នាំ ២០២១ នៅចំណុចផ្លូវលេខ ១៣២ក្រុមទី ៣៣ ភូមិ១០ សង្កាត់ផ្សារដឹប៉ូទី៣ ខណ្ឌទួលគោក រាជធានីភ្នំពេញ។ ជនសង្ស័យឈោ្មះ អាយ សុខហេង ហៅអូន ភេទប្រុស អាយុ២១ឆាំ្ន ជនជាតិខែ្មរ មុខរបរមិនពិតប្រាកដ ស្នាក់នៅចំណុះដីឡូលេខ១ ផ្លូវរថភ្លើង សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។ វត្ថុតាងដែលបានចាប់យក - ក្រាមពណ៌សថ្លា (សង្ស័យជាគ្រឿងញៀន ) ចំនួន០៦កញ្ចប់តូចនិងទូរសព្ទ័០១គ្រឿងម៉ាក់LGពណ៍ស ។ បច្ចុប្បន្នជនសង្ស័យ កំពុងធ្វើការឃាត់ខ្លួនជា បណោ្តះអាសន្ន នៅអធិការដ្ឋាននគរបាលខណ្ឌទួលគោក ដើម្បីធើ្វការសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់៕ដោយ កុសល់

  ភ្នំពេញ: រថយន្តតូយូតា ព្រូស មួយគ្រឿងបើកបំពានភ្លើងសញ្ញាស្តុបជ្រុលទៅបុករថយន្តឡិចសុីសត្រង់ចំណុចស្តុបបែកជាបួនបណ្ដាលឲ្យរថយន្តរងការខូចខាតយ៉ាងដំណំរៀងខ្លួន។ ហេតុការណ៍នេះកើតឡើងកាលពីវេលាម៉ោង១យប់ រំលងអាធ្រាត្រឈានចូលថ្ងៃទី២២ ខែ កញ្ញាឆ្នាំ២០២១ នៅត្រង់ចំណុចស្ថានទូតចិន តាមបណ្ដោយផ្លូវម៉ៅសេទុង កែងនិងផ្លូវ១៧៣ ក្នុងសង្កាត់ទួលទំពូងទី ២ ខណ្ឌចំការមន រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តតូយូតា ព្រូសមួយគ្រឿងពណ៌សពាក់ស្លាកលេខភ្នំពេញ2AP-5932ធ្វើដំណើរតាមបណ្ដោយផ្លូវម៉ៅសេទុងទិសដៅពីលិចទៅកើតដោយបំពានភ្លើងសញ្ញាស្តុប លុះមកដល់ចំណុចកើតហេតុខាងលើបានជ្រុលទៅបុករថរយន្តឡិចសុីសGS-300ពណ៌សពាក់ស្លាកលេខភ្នំពេញ2,BB-2181ធ្វើដំណើរតាមបណ្ដោយផ្លូវ១៧៣ទិសដៅពីជើងទៅត្បូង ចំផ្នែកខាងមុខចំហៀងខាងស្ដាំពេញទំហឹងបណ្ដាលឲ្យររងការខូចខាតយ៉ាងដំណំរៀខ្លួន។ ក្រោយកើតហេតុសមត្ថកិច្ចមូលដ្ឋានបានចុះដល់បានឲ្យភាគីទាំងាងខាងធ្វើការសម្របសម្រួលគ្នាក្រោយមកខាងរថយន្តព្រូសព្រមព្រៀងយករថយន្តឡិចស៊ីសទៅជួសជុលអោយស្អាតឡើងវិញដើម្បីបញ្ចប់រឿង៕ដោយ កុសល់

ភ្នំពេញ ៖ ស្ត្រីម្នាក់បានសម្រេចចិត្តយកខ្សែចងករសម្លាប់ខ្លួនក្នុងបន្ទប់ខ្លួនដោយមិនដឹងពីមូលហេតុបង្កការភ្ញាក់ផ្អេីលកាលពីវេលាម៉ោង៤និង២០នាទីរសៀល ថ្ងៃទី២១ ខែកញ្ញា ឆ្នាំ២០២១ ស្ថិតនៅចំណុចផ្ទះលេខ455ផ្លូវបេតុងភូមិថ្មគោល១ សង្កាត់ចោមចៅ២ ខណ្ឌពោធិ៍សែនជ័យ ជនរងគ្រោះឈ្មោះហុង សុខខឿន ភេទស្រីអាយុ៤១ឆ្នាំ មុខរបរធ្វើការរោងចក្រ បច្ចុប្បន្នស្នាក់នៅកន្លែងកើតហេតុខាងលើ ប្រភពព័ត៌មានពីកន្លែងកេីតហេតុបានឱ្យដឹងថា នៅមុនពេលកើតហេតុ តាមសម្ដីរបស់ឈ្មោះវ៉ា សុគន្ធធារី ភេទស្រីអាយុ៣៧ឆ្នាំត្រូវជាបងថ្លៃសពបានអោយដឹងថាជនរងគ្រោះមិនស្រួលខ្លួនហើយក៏មិនបានទៅធ្វើការដែរ នៅពេលវេលាកេីត កូនស្រីរបស់គាត់ឈ្មោះស្រីនូ អាយុ៩ឆ្នាំបានទៅបើកទ្វាហៅជនរងគ្រោះមកហូបបានស្រាប់តែឃើញជនរងគ្រោះចងករស្លាប់បាត់ទៅហើយ ទេីបបង្កការភ្ញាក់ផ្អេីលនិងរាយការណ៍ទៅសមត្ថកិច្ចចុះពិនិត្យជាក់ស្តែង។ បច្ចុប្បន្ន សពរងចាំក្រុមគ្រួពេទ្យយកសំណាក និងប្រគល់សពទៅក្រុមគ្រួសារយកទៅធ្វេីបុណ្យតាមប្រពៃណី៕ដោយ កុសល់

  ភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋដេញចាប់បានភ្លាមៗបន្ទាប់ធ្វេីជាខ្ចីទូរស័ព្ទពីស្ត្រីម្នាក់ខលទៅបងប្អូនពេលបានដល់ដៃហេីយព្យាយាមរត់គេចខ្លួន បង្កការភ្ញាក់ផ្អេីលកាលពីវេលាម៉ោង៩និង៣០នាទីព្រឹក ថ្ងៃទី២១ ខែកញ្ញា ឆ្នាំ២០២១ នៅចំណុចផ្ទះល្វែងមួយកន្លែង ក្នុងសង្កាត់ចោមចៅទី៣ ខណ្ឌពោធិ៍សែនជ័យ ។ ជនសង្ស័យឈ្មោះចន ចាន់ដា ភេទប្រុសអាយុ២៥ឆ្នាំ មុខរបរមិនពិតប្រកដ ស្នាក់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ ។ ជនរងគ្រោះឈ្មោះមាស សុផល ភេទស្រីអាយុ៣៣ឆ្នាំ ជាអាជីវករផ្សារព្រៃទា។ ស្នាក់នៅកន្លែងកេីតហេតុខាងលេី។ តាមប្រភពព័ត៌មានពីស្ត្រីរងគ្រោះបានឱ្យដឹងថា មុនពេលកេីតហេតុរូបគាត់កំពុងបោសសំអាតមុខផ្ទះភ្លាមនោះស្រាប់តែមានជនសង្ស័យខាងលេីដេីរចុះដេីរឡេីង ហេីយបានមកសុំខ្ចីទូរស័ព្ទម៉ាកoppoរបស់គាត់ខលទៅបងប្អូន ពេលនោះគាត់ក៏ឱ្យខ្ចី ខណៈបានទូរស័ព្ទដល់ដៃហេីយបែជាព្យាយាមរត់គេចខ្លួន ទេីបគាត់ស្រែកថាចោរៗបង្កការភ្ញាក់ផ្អេីលដល់បងប្អូនប្រជាពលរដ្ឋដេញចាប់បានភ្លាមៗ រួចប្រគល់ជូនសមត្ថកិច្ចនាំយកទៅសាកសួរនិងចាត់ការតាមច្បាប់៕ដោយ កុសល់