ទំព័រដើម

  ខេត្តព្រះសីហនុនៅព្រឹកថ្ងៃអង្គារ៍ ទី២១ខែកញ្ញាឆ្នាំ២០២១ វេលាម៉ោង ៧:០០ នាទី លោក ដេត សុវណ្ណាវុធ នាយករងរដ្ឋបាលក្រុង តំណាងឲ្យរដ្ឋបាលក្រុងព្រះសីហនុ បានសហការជាមួយ មន្ទីរសុខាភិបាលខេត្ត មន្ទីរអប់រំយុវជន និងកីឡាខេត្ត មន្រ្តីសាលាក្រុង និងក្រុមការងារសង្កាត់លេខ៣ បានយកសំណាកសិស្សានុសិស្ស និងលោកគ្រូ-អ្នកគ្រូ ចំនួន ០២ មណ្ឌល គឺ: មណ្ឌលអនុវិទ្យាល័យសម្តេចឪ និងមណ្ធលវិទ្យាល័យក្រុង មានដូចខាងក្រោម: I-អនុវិទ្យាល័យសម្តេចឪ សិស្សថ្នាក់ទី៩ ១០ថ្នាក់ ស្នើហ្នឹង ៣១៦ នាក់ ស្រី ១០៤ នាក់ ក្នុងនោះ គ្រូចំនួន ២៨ នាក់ ស្រី ០៤នាក់...

ខេត្តព្រះវិហារ.ស្រុក ជ័យ សែន នៅព្រឹកថ្ងៃទី២១ខែកញ្ញាឆ្នាំ២០២១បានធ្វើពិធីប្រកាសទទួលស្គាល់ក្រុមការងារយុវជនបក្សឃុំនឹងក្រុមសកម្មជនយុវជនបក្សភូមិពិធីនេះគឺប្រារព្វធ្វើឡើងក្រោមអធិបតីភាពឯកឩត្តមកង សៅគុណ ប្រធានក្រុមការងារថ្នាក់ខេត្តចុះមូលដ្ឋានស្រុកសង្គមថ្មីនិងឯកឩត្តម អ៊ុក គឹមសាន ប្រធានក្រុមការងារយុវជនគណបក្សប្រជាជនកម្ពុជាខេត្តព្រះវិហារនិងលោក រស់ ហេង ប្រធានគណះកម្មាធិការគណបក្សប្រជាជនកម្ពុជាស្រុកជ័យសែននឹងដោយមានវត្តមានអញ្ជើញចូលរួមពីសំណាក់អស់លោក លោកស្រីដែលជាសម្មជនសកម្មនារីក្នុងជួរគណបក្សប្រជាជនកម្ពុជាដោយចាប់ពីថ្នាក់ស្រុកឃុំនិងភូមិប្រមាណជាជិត១០០នាក់។ ឯកឩត្តម កង សៅគុណ ប្រធានក្រុមការងាគណបក្សប្រជាជនកម្ពុជាថ្នាក់ខេត្តចុះជួយមូលដ្ឋានស្រុកជ័យសែនបានអញ្ជើញមានប្រសាសន៏​ លើកឡើងថាថ្ងៃនេះជាថ្ងៃមួយដែលយើងបានប្រកាសទទួលស្គាល់ក្រុមការងារយុវជនគណបក្សប្រជាជនកម្ពុជានៅតាមបណ្តាឃុំនិងភូមិចំណុះអោយស្រុកជ័យសែនទាំងមូលពាក្យថាយុវជននិងសកម្មជននេះឯកឩត្តមថាវាជាទំពាំងស្នងឬស្សីហើយសកម្មជនៗនេះយើងប្រែមកវិញថាជាជនបង្គោលនឹងសកម្មក្នុងការងារផ្សេងៗក្នុងការចូលរួមបំរើបក្សអញ្ចឹងសរុបសេចក្តីមកវិញស្មារតីទទួលខុសត្រូវក្នុងនាមយើងដែលជាសកម្មជននេះយើងមានតួរនាទីមួយយ៉ាងសំខាន់បំផុតសម្រាបតបស្នងសងគុណចំពោះបក្សប្រជាជនកម្ពុជាព្រោះគណបក្សប្រជាជនកម្ពុជានេះហើយដែលជាបក្សតែមួយគត់ដែលបានស្វះស្វែងរកបាននូវសន្តិភាពរក្សាបាននូវស្ថេរភាពនយោបាយពេញលេញដោយមិនមានបក្សណាមួយមកប្រៀបប្រដូចជាមួយនិងគណបក្សប្រជាជនកម្ពុជាហើយគណបក្សប្រជាជននេះវាមានន័យទូលំទូលាយណាស់គឺជាបក្សរបស់ប្រជាជនបំរើផលប្រជាជនហើយថ្នាក់ដឹកនាំដែលប្រសូត្រចេញពីគណបក្សប្រជាជនគឺតែងតែនៅរួមសុខរួមទុក្ខចូលរួមដោះស្រាយរាល់ទុក្ខលំបាក់ជូនប្រជាជនហើយក៏មិនដែលឈអោបដៃមើលប្រជាជននូវពេលណាដែលប្រជាជនជួបផលលំបាកឬក៏មានទុក្ខនោះដែរ។ ក្រោមកាដឹកនាំរបស់សម្តេចតេជោហ៊ុន សែនដែលជាប្រធានគណបក្សប្រជាជនកម្ពុជាសម្តេចគឺជាមគ្គុទេសន៏ដ៏ឆ្នើមដែលបានដឹកនាំជួរគណបក្សក៏ដូចក្នុងជួរប្រមុខនៃរាជរដ្ឋាភិបាលកម្ពុជាសព្វថ្ងៃដោយសម្តេចលោកមានទឹកចិត្តជាកិតិ្តបណ្ឌិតរបស់សម្តេចនេះហើយទើបធ្វើអោយប្រទេសកម្ពុជាយើងមានសុខសន្តិភាពដោយមិនមានខ្មែរសខ្មែរក្រហមគឺមានខ្មែរតែមួយរស់ក្រោមដំបូលរដ្ឋធម្មនុញតែមួយទទួលបាននូវសិទ្ធធ្វើនយោបាយស្មើរភាពគ្នាទាំងអស់នេះវាជាសមិទ្ធផលដែលទទួលបានពីថ្នាក់ដឹកនាំក្នុងជួរគណបក្សប្រជាជនកម្ពុជាចាប់ពីថ្នាក់កំពូលរហូតមកដល់ថ្នាក់ក្រោមៗជាតិ។ ដើម្បីរក្សាឲ្យបាននូវភាពសំបូររុងរឿងនឹងស្ថិរភាពនយោបាយដែលកំពុងតែមានស្រាបនាពេលបច្ចុប្បន្ននឹងដើម្បីបន្តរឈានទៅការអភិវឌ្ឍប្រទេសឲ្យបានកាត់តែមានភាពរីកចម្រើនសំបូររុងរឿងបន្ថែមទៅថ្ងៃអនាគត់ទៀតនោះឯកឩត្តមថាចូរយើងនាំគ្នារក្សាព្រៃឲ្យបានហើយបើយើងរក្សាព្រៃឲ្យបានហើយនោះវាក៏មិនខ្វះនៅអុសដុតនោះដែរក្នុងន័យនេះសរុបសេចក្តីមកឯកឩត្តមថាបើយើងគាំទ្រគណបក្សប្រជាជនកម្ពុជានោះៗសន្តិភាពក៏ដូចជាអ្វីៗដែលនិងមានដូចសព្វថ្ងៃនេះវានឹងនៅមានទៅថ្ងៃខាងមុខជាអមតះតរៀងទៅហើយបើយើងមានសុខសន្តិភាពហើយនោះៗអ្វីវាក៏និងកើតមានដែរ។ចឹងសន្តិភាពដែលដែលថ្នាក់ដឹកនាំគណបក្សប្រជាជនកម្ពុជាដែលមានសម្តេចតេជោហ៊ុន សែនជាប្រធានគណបក្សដែលជាអ្នករកបានមកជូនបងប្អូនប្រជាពលរដ្ឋនេះគឺវាមហាសែនលំបាកហើយក៏មានតំលៃដ៏មហាសាលដែលមិនអាចនិងកាត់ថ្លៃបាននោះឡើយ ចឹងចំនុចទាំងអស់នេះយើងជាប្រជាពលរដ្ឋត្រូចូលថែរក្សានឹងអភិរក្សសមិទ្ធិផលដ៏មហាសាលទាំងនេះឲ្យបាននូវគង់វង្យហើយដើម្បីរក្សាបានសមិទ្ធិផលទាំងនេះឲ្យនៅគង់វង្សនោះឯកឩត្តមប្រធានក្រុមការងាថាគឺយើងត្រូវគាំទ្រគណបក្សប្រជាជនកម្ពុជាហើយបើយើងគាំទ្រគណបក្សប្រជាជនកម្ពុជានោះគណបក្សប្រជាកម្ពុជាគឺនៅតែជួយយើងជារៀងរហូតដោយមិនបោះបង់យើងចោលនឡើយ។ ជាចុងក្រោយឯកឩត្តមប្រធានក្រុមកាងារក៏បានចែកក្រម៉ារួមនិងថវិកាដល់យុវជនដែលជាសកម្មជនគណបក្សប្រជាជនកម្ជុជាដែលមានវត្តមានចូលរួមនាឨកាសនោះចំនួន៩៦នាក់ក្នុង១នាក់ទទួលបានក្រម៉ា១នឹងថវិការចំនួន២មុឺនរៀលផងដែរ។ដោយ សួនក្រែង

  ភ្នំពេញ: បុរសអ្នកបើករថយន្តlexus CT200H មួយគ្រឿងមិនប្រយ័ត្នបណ្តាលឲ្យរេចង្កូតទៅបុករថយន្តកុងតឺន័រចតស្ងៀមលើចិញ្ចើមផ្លូវពីក្រោយពេញទំហឹង បណ្ដាលឲ្យរងការខូចខាតផ្នែកខាងមុខយ៉ាងដំណំ សំណាងល្អមិនបង្កឲ្យមានរងរបួស។ ខេត្តការនេះកើតឡើងកាលពីវេលាម៉ោង២ ទៀបភ្លឺឈានចូលថ្ងៃទី ២១ ខែកញ្ញាឆ្នាំ ២០២១ នៅចំណុចមុខក្រុមហ៊ុនIZUZU តាមបណ្ដោយផ្លូវវ៉េងស្រេងក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តកុងតឺន័រមួយគ្រឿងក្បាលពណ៌សលាយខៀវពាក់ស្លាកលេខភ្នំពេញ3,B-4551ចតស្ងៀមលើចិញ្ចើមផ្លូវក្នុងទិសដៅកើតលិច ខណ:នោះក៏មានបុរសម្នាក់បើករថយន្តlexusCT200Hពណ៌សមួយគ្រឿងពាក់ស្លាកលេខភ្នំពេញ2BE-3016ធ្វើដំណើរក្នុងល្បឿនទិសដៅពីកើតទៅលិច លុះមកដល់ចំណុចកើតហេតុខាងលើខ្វះការប្រុងប្រយ័ត្នបានជ្រុលទៅបុករថយន្តកុងតឺន័រពីក្រោយពេញទំហឹងបណ្ដាលឲ្យរថយន្តlexusរងការខូចខាតផ្នែកខាងមុខយ៉ាងដំណំ ចំណែករថយន្តកុងតឺន័ររងការខូចខាតនៅខាងក្រោយបន្តិចបន្តួច។ ក្រោយកើតហេតុសមត្ថកិច្ចមូលដ្ឋានបានចុះមកដល់បានឲ្យភាគីទាំងពីរធ្វើការសម្រុះសម្រួលគ្នា។ក្រោយមកខាងម្ចាស់រថយន្តlexus បានស្គាល់ជាមួយខាងរថយន្តកុងតឺន័រ ហើយប្រាប់ថារងចាំថ្ងៃស្អែកសុំធ្វើការសម្របសម្រួលគ្នា រួចបានហៅរថយន្តស្ទូចយកទៅជួសជុលដោយខ្លួនឯង៕ដោយ កុសល់

  ភ្ភ្នំពេញ: កម្លាំងគណៈបញ្ជាការឯកភាពខណ្ឌពោធិ៍សែនជ័យបានចុះបង្ក្រាបទីតាំងខារ៉ាអូខេមួយកន្លែងដែលលួចបេីកល្មេីសនិងរដ្ឋបាលរាជធានីភ្នំពេញឃាត់ខ្លួនមនុស្សចំនួន៤៣នាក់ រកឃេីញអ្នកឆ្លងជំងឺកូវីដ១៩ចំនួន៦នាក់។ ប្រតិបត្តិការ នេះបានធ្វេីឡេីងកាលពីវេលាម៉ោង៨យប់ថ្ងៃ២០ ខែកញ្ញា ឆ្នាំ២០២១ នៅចំណុចហាងយីហោ ខារ៉ាអូខេគ្រួសារ ក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ។ តាមប្រភពព័ត៌មានបានឱ្យដឹងថា មុននឹងឈានដល់ការចុះបង្ក្រាបទីតាំងខាងលេី រដ្ឋបាលរាជធានីភ្នំពេញបានចេញសេច្ចក្តីសម្រេសបន្តបិទអាជីវកម្មផ្សេងៗ រហូតដល់ថ្ងៃទី២៣ ខែកញ្ញា ឆ្នាំ២០២១និងរងចាំសេច្ចក្តីសម្រេចត្រូវបន្តទៀតរឺយ៉ាងណា ដេីម្បីចូលរួមទប់ស្កាត់ជំងឺកូវីដ១៩ តែផ្ទុយទៅវិញទីតាំងខាងខាងលេីបែជាល្មេីសនិងបំរាមផ្គេីនលួចបេីកទទួលភ្ញៀវចូលផឹកសុីច្រៀងកម្សាន្តនិងមាននារីៗអង្គុយកំដរទៀតផង។ នៅថ្ងៃចុះបង្ក្រាបមានបងប្អូនប្រជាពលរដ្ឋបានរាយការណ៍ទៅអាជ្ញាធរដោយសម្ងាត់ទេីបកម្លាំងចុះពិនិត្យជាក់ស្តែងឃេីញថាទីតាំងខាងលេីពិតជាមានលួចបេីកទទួលភ្ញៀវពិតប្រាកដមែនទេីបធ្វេីការឃាត់ខ្លួនមនុស្សប្រុសស្រីចំនួន៤៣នាក់ ក្នុងនោះមានប្រុស១១នាក់ ។ ក្រោយពីឃាត់ខ្លួនក្រុមគ្រូពេទ្យបានចុះយកសំណាកជាលទ្ធផលរកឃេីញអ្នកវិជ្ជមានកូវីដ១៩ចំនួន៦នាក់។ បច្ចុប្បន្ន ទីតាំងខាងលេីត្រូវបានបិទជាបណ្តោះអាសន្នចំណែកអ្នកជំងឺត្រូវបានយកទៅព្យាបាលបន្ត៕ដោយ កុសល់  

  ភ្នំពេញ: បុរសម្នាក់បានស្លាប់ពេលបញ្ជូនទៅសង្គ្រោះនៅឯមន្ទីរពេទ្យ និងបុរសពីរ នាក់ទៀតបានរងរបួសធ្ងន់ត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ បន្ទាប់ពីរថយន្តពេទ្យមួយគ្រឿងបានជ្រុលបុកជាមួយរថយន្តហាយលេនឌ័របណ្តាលឲ្យរថយន្តហាយលេនឌ័រវិលមួយជុំបោកផ្ទប់នឹងបង្គោលភ្លើងថ្មពេញទំហឹង កាលពីវេលាម៉ោង ១១ និង ២០ នាទីយប់ថ្ងៃទី ២០ ខែកញ្ញាឆ្នាំ ២០២១ នៅចំណុចស្តុបវត្តអង់តាមិញ មុខការ៉ាស់សាំងតេលា តាមបណ្ដោយផ្លូវ២០០៤ កែងនិងផ្លូវបេតុង ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ សពជនរងគ្រោះស្លាប់អ្នកបើកបររថយន្តហាយលេនឌ័រមានឈ្មោះ រឿង សារ៉ាយ ភេទប្រុស អាយុ៤២ឆ្នាំ មុខរបរគក់ចេដី មានស្រុកកំណើត ភូមិបឹងក្រចាប់ត្បូង ឃុំព្រែកតាមាក់ស្រុកខ្សាច់កណ្ដាល ខេត្តកណ្ដាល។ចំណែកអ្នករងបួសធ្ងន់បើកបររថយន្តពេទ្យនិងអ្នករួមដំណើរមិនស្គាល់អត្តសញ្ញាណនោះទេ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តហាយលេនឌ័រពណ៌ខ្មៅមួយគ្រឿងពាក់ស្លាកលេខភ្នំពេញ2X-4505ធ្វើដំណើរតាមបណ្ដោយផ្លូវបេតុងទិសដៅពីជើងទៅត្បូង លុះមកដល់ចំណុចស្តុបបែកជាបួនកន្លែងកើតហេតុខាងលើ ក៍មានរថយន្តមន្ទីរសុខាភិបាលរដ្ឋបាលរាជធានីភ្នំពេញពណ៌សគ្មានស្លាកលេខ មួយគ្រឿង បើកបរដោយបុរសម្នាក់រួមដំណើរនឹងបុរសម្នាក់ទៀត ធ្វើដំណើរតាមបណ្ដោយផ្លូវ ២០០៤ទិសដៅពីលិចទៅកើត ដោយមានបំពាក់ភ្លើងសញ្ញាសូមផ្លូវត្រឹមត្រូវ បានជ្រុលចង្កូតទៅបុក បញ្ឆិតគូទរថយន្តហាយលេនឌ័រផ្នែកខាងស្ដាំ...

  ភ្នំពេញ: រថយន្តស៊េរីទំនើបម៉ាកSSAM YONG STAVIC មួយគ្រឿងបោះពួយក្នុងល្បឿនលឿនរេចង្កូតទៅបុកចូលផ្ទះលក់ចាប់ហ៊ួយនិងលក់កាហ្វេ ពេញទំហឹងបណ្តាលឲ្យក្មេងប្រុសអាយុ៦ឆ្នាំម្នាក់កំពុងញាុំមី រងរបួសជើង និងខូចខាតសម្ភារៈមួយចំនួនធំ រួចព្យាយាមបើករត់គេចចេញពីកន្លែងកើតហេតុបាត់ស្រមោល បន្សល់ទុកស្លាកលេខ។ ហេតុការណ៍បង្កឲ្យមានការភ្ញាក់ផ្អើលនេះកើតឡើងកាលពីវេលាម៉ោង ៩ និង ៣០នាទីយប់ថ្ងៃទី ២០ ខែកញ្ញាឆ្នាំ ២០២១ នៅតាមបណ្តោយផ្លូវបេតុង ចូលវត្តសំរោងអណ្ដែត ខាងលិចក្លោងទ្វាជិត១០០ម៉ែត្រ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។ តាមការរៀបរាប់ពីម្ចាស់ផ្ទះបានប្រាប់ឲ្យដឹងថាមុនកើតហេតុរូបគាត់បានបិទទ្វារផ្ទះដើម្បីរៀបចំចូលសំរាក ដោយកូនប្រុសរបស់គាត់អាយុ ៦ឆ្នាំកំពុងញ៉ាំនៅខាងក្នុងផ្ទះ លុះដល់ម៉ោងកើតហេតុខាងលើ កូនប្រុសគាត់មិនទាន់ញ៉ាំមីអស់ផង ក៍មានរថយន្តរីទំនើបម៉ាក,SSANG YONG STAVICមួយគ្រឿងពណ៌សពាក់ស្លាកលេខភ្នំពេញ2BG-5188ធ្វើដំណើរទិសដៅពីលិចទៅកើតក្នុងល្បឿនលឿនដូចហោះ បានរេចង្កូតមកខាងស្ដាំដៃជ្រុលបុកចូលផ្ទះពេញទំហឹងបណ្ដាលឱ្យកូនប្រុសរបស់គាត់រងរបួសជើង និងខូចខាតសម្ភារៈមួយចំនួនធំដូចជាទូរលក់កាហ្វេ ទ្វារផ្ទះនិងសម្ភារៈផ្សេង!មួយចំនួនទៀត។ ភ្លាមនោះរថយន្តបង្កមិនបានឈប់ទទួលខុសត្រូវនោះទេ។បានព្យាយាមបើកត្រឡប់ក្រោយរត់ចេញកន្លែងកើតហេតុ ខណ: ក៏មានប្រជាពលរដ្ឋនាំគ្នាជិះម៉ូតូដេញរហូតដល់ក្បែរវត្តសំរោងអណ្ដែត ទើបរថយន្តបង្កបានជ្រុះស្លាកលេខ រួចបានព្យាយាមបើករត់គេចខ្លួនបាត់ស្រមោល។ បន្ទាប់មកប្រជាពលរដ្ឋបានយកស្លាកលេខរថយន្តមកទុកនៅកន្លែងកើតហេតុវិញ។ បើតាមការអះអាងពីម្ចាស់ផ្ទះបានបន្តទៀតថាសម្ភារៈដែលរងការខូចខាត ទូរកាហ្វេ១មានតម្លៃជិត១ម៉ឺនដុល្លារទៅហើយ...

  ភ្នំពេញ ៖ អគ្គីភ័យឆាបឆេះផ្ទះប្រជាពលរដ្ឋជាច្រេីនយ៉ាងសន្ធោសន្ធៅបង្កការភ្ញាក់ផ្អេីលដល់អ្នករស់នៅជិតខាងព្រមទាំងសមត្ថកិច្ចមូលដ្ឋានចុះមកជួយអន្តរាគមន៍ កកាលពីវេលាម៉ោង៩ និង៤០នាទីយប់ ថ្ងៃទី ១៩ ខែកញ្ញា ឆ្នាំ ២០២១ នៅតាមបណ្ដោយផ្លូវសហព័ន្ធរុស្សុី ទល់មុខក្រសួងការពារជាតិ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។ តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុនោះគេសង្គេតឃេីញផ្សែងហុយចេញពីក្រោយផ្ទះល្វែងមិនដឹងមូលហេតុអ្វីនោះទេ ភ្លាមៗស្រាប់តែកេីតមានអណ្ដាតភ្លេីងឆាបឆេះយ៉ាងសន្ធោសន្ធៅ និងបង្កេីនផ្សែងហុយខ្មួលខ្មាញ់ពាសពេញមេឃ ។ ក្នុងអំឡុងពេលនោះប្រជាពលរដ្ឋដែលរស់នៅក្បែរក៏បានរាយការណ៍ទៅសមត្ថកិច្ចមូលដ្ឋាន ទាំងមន្ត្រីជំនាញបង្ការពន្លត់ អគ្គីភ័យ និងសង្គ្រោះ ឲ្យចុះមកជួយអន្តរាគមន៍ភ្លាមៗផងដែរ ។ ក្នុងរង្វង់ប្រតិបត្តិការណ៍បង្ការពន្លត់អគ្គីភ័យ និងសង្គ្រោះ ខាងលេី នេះ គឺអាជ្ញាធរមានសមត្ថកិច្ច មូលដ្ឋានដូនពេញជាច្រេីននាក់ បានសហការជាសមត្ថកិច្ចជំនាញបង្ការពន្លត់អគ្គីភ័យ ជាច្រេីនអង្គភាព ដែលចុះមកអន្តរាគមន៍បាញ់ពន្លត់យ៉ាងញ៉ាប់ដៃញ៉ាប់ជេីង អស់ពីកម្លាំងកាយចិត្ត ផងដែរ ។ បេីគិតត្រឹមរយះពេលជាង១ម៉ោង នាយប់ថ្ងៃដដែល អគ្គីភ័យខាងលេីបានរលត់ទៅវិញទាំងស្រុង...

ខេត្តព្រះវិហារ.អគារស្នាក់ការគណបក្សប្រជាជនកម្ពុជាឃុំភ្នំត្បែងមួយក្នុងស្រុកសង្គមថ្មី១ខ្នងទៀតត្រូវបានសម្ភោធកាត់ខ្សែរបូរណ៏ដាក់ឲ្យប្រើប្រាស់ជាផ្លូវការហើយនៅព្រឹកថ្ងៃទី១៩ខែកញ្ញាឆ្នាំ២០២១។ ដែលពិធីនេះគឺបានប្រារព្វធ្វើឡើងក្រោមអធិបតីភាពលោកមាស សុភាសមាជិកគណះអចិន្ត្រៃគណកម្មាធិការកណ្តាលគណបក្សប្រជាជនកម្ពុជា នឹងជាប្រធានក្រុមការងារគណបក្សចុះមូលដ្ឋានខេត្តព្រះវិហារលោកប្រាក់ សុវណ្ណប្រធានគណះកម្មាធិការគណបក្សប្រជាជនកម្ពុជាខេត្តព្រះវិហារនិងដោយមានការអញ្ជើញចូលរួមពីសំណាក់អស់លោក លោកស្រីដែលជាសមាជិកសមាជិការក្នុងជួរគណបក្សប្រជាជនកម្ពុជាជាច្រើនកុះករផងដែរ។ លោកមាស សុភាសមាជិកគណះអចិន្ត្រៃគណកម្មាធិការកណ្តាលគណបក្សប្រជាជនកម្ពុជានឹងជាប្រធានក្រុមការងារគណបក្សចុះមូលដ្ឋានខេត្តព្រះវិហារបានមានប្រសាសន៏ថ្លែងអំណរគុណយ៉ាងជ្រាលជ្រៅចំពោះសម្តេចតេជោ ហ៊ុន សែនប្រធានគណបក្សប្រជាជនកម្ពុជាដោយលោកបានចាត់ទុកសម្តេចគឺជាសសរគ្រឹះដ៏រឹងមាំដែលជាមេបក្សដែលបានដឹកនាំគណបក្សប្រជាជនកម្ពុជាដែលជាគណបក្សដ៏ចាស់វស្សាជាងគេបង្អស់ក្នុងចំណោមមេគណបក្សជាច្រើនដែលមានក្នុងបញ្ជីឈ្មោះបោះឆ្នោតនៅក្នុងប្រទេសកម្ពុជារបស់យើងនាពេលកន្លងមកក៏ដូចជាក្នុងពេលបច្ចុប្បន្ននេះក៏ប៉ុន្តែមេគណបក្សមួយចំនួនខ្លះនោះហាក់មិនមានគោលនយោបាយដឹកនាំសមាជិកខ្លួនឲ្យបានច្បាស់លាស់នឹងត្រឹមត្រូវក្នុងជួរបក្សរបស់ខ្លួននោះដែលកត្តាទាំងនេះហើយទើបធ្វើឲ្យគណបក្សខ្លះបានក្លាយទៅជាគណបក្សក្រមួនគឺបង្កើតឡើងបាននៅមុនពេលបោះឆ្នោតតែមួយភ្លែតហើយក៏ត្រូវរលាយបាត់ទៅវិញក្រោយបោះឆ្នោតទទួលលទ្ធផលចាញ់នោះដែរ។ ហើយកាបោះឆ្នោតចាញ់ឬក៏ឈ្នះលោកមាស សុភាលើកឡើងថាគឺវាស្ថិតនៅលើសមាជិកគាំទ្របក្សខ្លួនច្រើនឬតិចចឹងសរុបសេចក្តីមកលោកមាស សុភាថាគណបក្សខ្លះមានតែស្នាក់ការនៅតែក្រុងភ្នំពេញឯនៅតាមបណ្តាខេត្តក្រុងស្រុកឬជនបទមិនមានផងនោះហើយបេក្ខភាពដែលឈឈ្មោះបោះឆ្នោតនោះទៀតសោតប្រជាពលរដ្ឋដោយលោកនិងមិនបានដែលនិងបានស្គាល់ឈ្មោះឬក៏ឃើញមុខផងចឹងសួរថាអោយពួកគាត់ដែលជាប្រជាពលរដ្ឋនឹងជាម្ចាស់ប្រទេសទាំងមូលលោកបោះឆ្នោះជូនឲ្យដោយរបៀបណាដែលវាផ្ទុយស្រលះពីបេក្ខភាពដែលកើតចេញពីថ្នាក់ដឹកគណបក្សប្រជាជនកម្ពុជាដែលក្រោយឬក៏មុនបោះឆ្នោតគឺតែងតែនៅរួមសុខរួមទុកជាមួយនឹងបងប្អូនប្រជាពលរដ្ឋដែលជាម្ចាស់ឆ្នោតជានិច្ចដោយមិនគេចវេសនូវរាល់បញ្ហាដែលប្រឈមនោះឡើយ។ ជាមួយគ្នានោះដែរលោកប្រាក់ សុវណ្ណប្រធានគណកម្មាធិការគណបក្សប្រជាជនកម្ពុជាខេត្តព្រះវិហារក៏បានលើកឡើងថាបច្ចុបន្នគណបក្សប្រជាជនកម្ពុជាគឺបានចាក់ច្រេះប្រទាក់ក្រឡាយ៉ាងរឹងមាំទៅលើធនធានមនុស្សចាក់គ្រឹះដោយសម្បត្តិធនធានដែលកត្តាទាំងនេះហើយដែលជាជើងទម្រដ៏រឹងបុឹងក្នុងជួរបក្សហើយដឹកនាំផ្ទៃក្នុងបក្សបានយ៉ាងរឹងមាំនឹងឈានទៅដឹកនាំប្រទេសដោយទទួលនូវភាពរីកចម្រើនរក្សាបាននូវសុខសន្តិភាបានយ៉ាងពេញលេញហើយដ៏រាបណាប្រទេសមានសុខសន្តិភាពហើយនោះចឹងការអភិវឌ្ឍទៅលើហេដ្ឋារចនាសម្ព័ននានាក៏បានទៅតាមហ្នឹងនោះដែរ។ គួរបញ្ជាក់ផងដែរថាបើតាមរបាយការណ៏របស់លោកសំ លាងទ្រីប្រធានក្រុមការងារគណបក្សថ្នាក់ខេត្តចុះជួយស្រុកសង្គមថ្មីថាអគារស្នាក់ការគណបក្សប្រជាជនកម្ពុជាឃុំភ្នំត្បែមួយដែលនិងត្រូវសម្ភោធដាក់ឲ្យប្រើប្រាស់ជាផ្លូវកានាពេលនេះគឺមានទំហុំមណ្តោយប្រវែង១០.៥ម៉ែតទទឹង៩ម៉ែតនឹងកម្ពស់៦.១ម៉ែតសាងសង់អំពីថ្មប្រកក្បឿងនឹងបាតក្រោមក្រាលការ៉ូដោយចាប់ផ្តើមសាងសងនៅថ្ងៃទី២៩ខែតុលាឆ្នាំ២០២០រួចរាល់ជាស្ថាពរនៅថ្ងៃទី០៥ខែមករាឆ្នាំ២០២១នៅលើផ្ទៃដីទំហុំ៣២.៧០ម៉ែតការេ៉ចំណាយអស់ថវិកាសរុប(មួយរយដប់មួយលាន សូន្យហុកសិបមួយពាន់រៀលគត់។ដោយ សួនក្រែង

  ភ្នំពេញ: បុរសម្នាក់រួមដំណើរនឹងនារីពីរនាក់ទៀតបើករថយន្ត reang rover មួយគ្រឿងបោះពួយក្នុងល្បឿនលឿនមិនប្រយ័ត្នបណ្តាលឲ្យរេចង្កូតទៅបុកនឹងរបាំងថ្មពុះចែកទ្រូងផ្លូវបណ្ដាលពេញទំហឹងបណ្តាលវៀចអា់ចំនួនពីរកង់ ឯរថយន្តដាច់កង់ម្ខាង។ចំណែកតៃកុងរបូសយ៉ាងដំណំ។ ហេតុការណ៍នេះកើតឡើងកាលពីវេលាម៉ោង ៧ នឹង១០យប់ថ្ងៃទី១៩ ខែកញ្ញាឆ្នាំ ២០២១ នៅចំណុចស្តុប បន្ទាយអាវុធហត្ថលើផ្ទៃប្រទេស តាមបណ្ដោយផ្លូវ ២៨៩ កែងនិង ៥២៨សង្កាត់បឹងកក់ទី១ ខណ្ឌទួលគោក រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តrang rover មួយគ្រឿងពណ៌ប្រផេះពាក់ស្លាកលេខភ្នំពេញ2AG-0097រួមដំណើរនឹងនារីពីរនាក់ទៀតដោយធ្វើដំណើរតាមបណ្តោយផ្លូវ ២៨៩ទិសដៅពីជើងទៅត្បូងក្នុងល្បឿនលឿន លុះមកដល់ចំណុចកើតហេតុខាងលើកែងផ្លូវ ៥២៨ បានរេចង្កូតទៅខាងឆ្វេងដៃជ្រុលទៅបុករបាំងដ្មពុះចែកទ្រូងផ្លូវពេញទំហឹងបណ្ដាលឲ្យវៀចអស់ចំនួនពីរកង់ ឯរថយន្តបង្កដាច់កង់មុខ ខាងឆ្វេងរងការខូចខាតយ៉ាងដំណំ។ចំណែកតែកុងរងរបួសយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយគ្នាតាមផ្លូវច្បាប់៕ដោយ កុសល់

ភ្នំពេញ: រថយន្តកុងតឺន័រមួយគ្រឿងមិនចាំស្លាកលេខបើកបរក្នុងល្បឿនលឿនជ្រុលទៅបុកគូទរថយន្តកាមរីបាឡែនមួយគ្រឿងពេញទំហឹងរួចរុញទៅបុកបង្គោលស្លាកសញ្ញាចរាចរណ៍មួយដើមបណ្ដាលបាក់ដល់ដី សំណាងល្អមិនបង្កឲ្យមានអ្នករងរបួស។ ហេតុការណ៍នេះកើតឡើងកាលពីវេលាម៉ោង១១និង៤០ នាទីយប់ថ្ងៃទី១៩ ខែកញ្ញា ឆ្នាំ ២០២១ នៅចំណុចមុខបុរីមួយកន្លែង បញ្ឆិតខាងមុខស្ថានីយទូរទស្សន៍អាស៊ីអាគ្នេយ៍ តាមបណ្តោយផ្លូវណតប្រីត ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញខណ្ឌ។ តាមប្រភពព័ត៌មានពីសន្តិសុខយាមនៅមុខបុរីកើតហេតុខាងលើបានប្រាប់ឲ្យដឹងថាមុនកើតហេតុគេឃើញបុរសម្នាក់បើករថយន្តកាមរីបាឡែនពណ៌សមួយគ្រឿងពាក់ស្លាកលេខភ្នំពេញ2O-0016ធ្វើដំណើរតាមបណ្តោយផ្លូវណតប្រីត ទិសដៅពីជើងទៅត្បូង លុះមកដល់ចំណុចកើតហេតុខាងលើបម្រុងបត់ចូលក្នុងបូរី ខណ:នោះក៍មានរថយន្តកុងតឺន័រមួយគ្រឿងមិនចាំស្លាកលេខបើកបរក្នុងល្បឿនលឿនធ្វើដំណើរមកពីក្រោយ ជ្រុលទៅបុករថយន្តកាមរីបាឡែនពីក្រោយពេញទំហឹងរួចរុញទៅបុកនឹងបង្គោលស្លាកសញ្ញាចរាចរណ៍មួយដើមដែលនៅអែបចិញ្ចើមផ្លូវបណ្ដាលឱ្យបាក់រាបដល់ដី ចំណែករថយន្ត បាឡែនរងការខូចខាតយ៉ាងដំណំ ។ឯរថយន្តកុងតឺន័រឃើញសភាពមិនស្រួលបានបន្ថែមល្បឿនបើករត់គេចខ្លួនបាត់ស្រមោលបន្សល់ទុកបំណែកបាក់បែកពីរថយន្តមួយចំនួននៅនឹងកន្លែងកើតហេតុ។ ក្រោយកើតហេតុភ្លាមៗម្ចាស់រថយន្ត បាឡែនបានបើករថយន្តយកទៅទុកនៅផ្ទះក្នុងបុរី ក្បែរកន្លែងកើតហេតុខាងលើ បន្ទាប់មកក៏មានសមត្ថកិច្ចមូលដ្ឋានចុះមកពិនិត្យនៅកន្លឺងកើតហេតុ រួចបានរាយការណ៍ទៅជំនាញ ចំណែកបង្គោលស្លាកសញ្ញាចរាចរណ៍មិនដឹងខាងណាទទួលខុសត្រូវ ដោយភាគីបង្កបានរត់គេចខ្លួនបាត់ នៅតែភាគីរងគ្រោះ៕ដោយ កុសល់