ព័ត៌មានជាតិ

ភ្នំពេញ: បុរសម្នាក់បានស្លាប់បាត់បងជីវិតនៅកន្លែងកើតហេតុភ្លាមៗនិងប្រុសស្រីពីរនាក់ទៀតបានរងរបួសធ្ងន់ បន្ទាប់ពីជិះម៉ូតូមួយគ្រឿងវ៉ាជែងរថយន្តមួយគ្រឿងទៅបុកម៉ូតូមួយគ្រឿងទៀតពេញទំហឹង កាលពីវេលាម៉ោង ៨ និង ៣០ នាទីយប់ថ្ងៃទី ៣០ ខែតុលាឆ្នាំ ២០២១ នៅតាមបណ្ដោយផ្លូវឌួងងៀប( ហៅសេះស) ភូមិដំណាក់ធំ៣ ក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ អ្នកស្លាប់មាន ប៊ូ អែម ភេទប្រុស អាយុ៣១ឆ្នាំ មានស្រុកកំណើត ភូមិព្រៃផ្តៀក ឃុំក្រសាំង ស្រុករមាហែក ខេត្ត្តស្វាយរៀង។ចំណែកប្រុសស្រីពីរនាក់រងរបួសមិនស្គាល់អត្តសញ្ញាណ។ តាមប្រភពព័ត៌មានពីប្រជាពលរដ្ឋ បានឃើញហេតុការណ៍នេះបានប្រាប់ឲ្យដឹងថា មុនកើតហេតុគេឃើញបុរសម្នាក់ជិះម៉ូតូស្មាក់រ៉េវ៉ូមួយគ្រឿងពណ៌ខ្មៅពាក់ស្លាកលេខភ្នំពេញ1AL-4707ធ្វើដំណើរទិសដៅពីជើងទៅត្បូងក្នុងល្បឿនលុះមកដល់ចំណុចកើតហេតុខាងលើ បានវ៉ាជែងនឹងរថយន្តមួយគ្រឿងទៀតចូលមកចំណីផ្លូវម្ខាងក៍ជ្រុលទៅបុកម៉ូតូមួយគ្រឿងម៉ាក់ឌ្រីមសង់ស៊េរីឆ្នាំ២០២១ ពណ៌ខ្មៅពាក់ស្លាកលេខភ្នំពេញ1IR-3099ជិះដោយប្រុសស្រីពីរនាក់ បញ្ច្រាសទិសដៅគ្នាពីត្បូងទៅជើងពេញទំហឹងបណ្ដាលឲ្យម្ចាស់ម៉ូតូស្មាក់រ៉េវ៉ូដួលបោកក្បាលបាក់ករស្លាប់នៅនឹងកន្លែងកើតហេតុភ្លាមៗ។ចំណែកប្រុសស្រីពីរនាក់ទៀតភាគីខាងម៉ូតូឌ្រីមសង់បានរងរបួសធ្ងន់ ត្រូវបានរថយន្តសង្គ្រោះបន្ទាន់បញ្ជូនទៅសង្គ្រោះនៅឯមន្ទីរពេទ្យភ្លាមៗ។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នាតាមផ្លូវច្បាប់។ដោយឡែកសពជនរងគ្រោះសមត្ថកិច្ចធ្វើកំណត់ហេតុនិងស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី៕ដោយ កុសល់

  ភ្នំពេញ: បុរសម្នាក់បើករថយន្តស៊េរីទំនើបម៉ាកហ្វតផ្លាទីនីម មួយគ្រឿងឆ្លងផ្លូវមិនប្រយ័ត្នត្រូវបុរសម្នាក់ជិះម៉ូតូ pcxមួយគ្រឿងលឿនចាប់ហ្វ្រាំងមិនទាន់ជ្រុលបុកពីចំហៀងរថយន្តស្រូវបន្តិចបន្តួចភាគគីទាំងពីរប៉ះសម្ដីគ្នាមួយប្រាវ ឯភាគីរថយន្តមិននិយាយច្រើនចុះពីលើរថយន្តដើរចូលក្នុងបូរីបាត់ មិនចេញមកដោះស្រាយ ឯភាគីម៉ូតូនៅរអ៊ូរទាំម្នាក់ឯង បង្កឲ្យមានកាលពីវេលាម៉ោង១០និង៤០ យប់ថ្ងៃទី ៣០ ខែតុលាឆ្នាំ ២០២១ នៅចំណុចមុខបុរីអ័រគីដេ តាមបណ្ដោយផ្លូវ ២០០៤ ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តស៊េរីទំនើបម៉ាកហ្វតផ្លាទីនីមគ្រឿងពណ៌សពាក់ស្លាកលេខភ្នំពេញ2BG-9997ចេញពីបុរីអកគីដេឆ្លងមកផ្លូវ ២០០៤ ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើក៏មានបុរសម្នាក់ជិះម៉ូតូ pcx មួយគ្រឿងពណ៌សពាក់ស្លាកលេខភ្នំពេញ1HK-2222ធ្វើដំណើរតាមបណ្តោយផ្លូវ ២០០៤ ក្នុងទិសដៅពីលិចទៅកើត ចាប់ហ្វ្រាំងមិនទាន់ជ្រុលបុករថយន្តពីចំហៀងខាងស្ដាំបណ្ដាលឲ្យរងការខូចខាតបន្តិចបន្តួចដូចគ្នា។ បន្ទាប់មកភាគីទាំងសងខាងបានប៉ះសម្តីមួយប្រាវ ដោយភាគីខាងម៉ូតូសូមឲ្យភាគីខាងរថយន្តចុះពីលើរថយន្តមកដោះស្រាយគ្នាតែភាគីរថយន្តមិនព្រមចុះនឹងមិនខ្វល់ដោយមិននិយាយច្រើនក៏បានបើកទ្វាររថយន្តចុះដើរចូលក្នុងបុរីបាត់ នៅសល់តែម្ចាស់ម៉ូតូដើរទៅដើរមករអ៊ូរទាំមិនដឹងខាងណាចេញមកដោះស្រាយទើបបង្កការភ្ញាក់ផ្អើលដល់កម្លាំងសមត្ថកិច្ចចុះមកពិនិត្យនៅនិងកន្លែងកើតហេតុ។ ក្រោយកើតហេតុសមត្ថកិច្ចមូលដ្ឋាននិងម្ចាស់ដើររកម្ចាស់រថយន្តដើម្បីមកធ្វើការដោះស្រាយគ្នាតែមិនឃើញទើបសមត្ថកិច្ចទំនាក់ទំនងទៅជំនាញចុះធ្វើការវាស់វែងយករថយន្តនិងម៉ូតូទៅរក្សាទុកនៅអធិការរដ្ឋាននគរបាលខណ្ឌសែនសុខរងចាំធ្វើការដោះស្រាយគ្នានៅពេលក្រោយ៕ដោយ កុសល់

  ភ្នំពេញ: បុរសម្នាក់ត្រូវបានខ្មាន់កាំភ្លើងមិនស្គាល់អត្តសញ្ញាណ បានបាញ់ជាច្រើនគ្រាប់ បណ្តាលឲ្យរងរបួស បង្កអោយមានការភ្ញាក់ផ្អើល នៅក្នុងមជ្ឈមណ្ឌលកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន កាលពីវេលាម៉ោង ២០ និង៣០នាទីយប់ថ្ងៃទី២៩ ខែតុលា ឆ្នាំ២០២១នេះ ។ ជនរងគ្រោះ មិនទាន់ត្រូវបានស្គាល់អត្តសញ្ញាណ ដោយមានវ័យប្រមាណ៣០ឆ្នាំ បើករថយន្តមួយគ្រឿង ម៉ាកតូយូតា ព្រូស ពណ៌ទឹកមាស ពាក់ស្លាកលេខ ភ្នំពេញ 2AY - 3468 ។ តាមប្រភពព័ត៌មានបឋម នៅកន្លែងកើតហេតុ បានឲ្យដឹងថា ដំបូងឡើយគេឃើញជនរងគ្រោះបើករថយន្តតែម្នាក់ឯង តាមបណ្តោយផ្លូវក្នុងមជ្ឈមណ្ឌលកោះពេជ្រ លុះដល់ចំណុចកើតហេតុ ក៏មានរថយន្តមួយគ្រឿងទៀតម៉ាកព្រូសដូចគ្នា បានបើកមកបង្កគ្រោះថ្នាក់ចរាចរណ៍តិចតួច ហើយភាគីម្ចាស់រថយន្តទាំង២ ក៏ចុះនិយាយគ្នា ។ ប្រភពបន្តថា ទំនងដោយការនិយាយមិនចុះសម្រុងគ្នា ភាគីម្ខាង...

  ភ្នំពេញ: បុរសម្នាក់បើករថយន្តតាកូម៉ា មួយគ្រឿងដឹកនារីម្នាក់បំពានភ្លើងស្តុប ជ្រុលទៅបុករថយន្តហាយលេនឌ័រមួយគ្រឿងទៀតត្រង់ចំណុចស្តុបបែកជាបួនបណ្តាលឲ្យនារីដែររួមដំណើររងរបួសធ្ងន់។ចំណែករថយន្តរងការខូចខាតរៀងខ្លួនយ៉ាងដំណំ។ ហេតុការណ៍នេះកើតឡើងកាលពីវេលាម៉ោង១១ យប់ថ្ងៃទី ២៩ ខែតុលាឆ្នាំ ២០២១ នៅចំណុចស្តុបវត្តអង្គតាមិញ តាមបណ្តោយផ្លូវ ២០០៤កែងនឹងផ្លូវបេតុងវត្តអង្គតាម៉ិញ ស្ថិតក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ តាមប្រភពពីប្រជាពលរដ្ឋឃើញហេតុការណ៍នេះបានប្រាប់ឲ្យដឹងថា មុនកើតហេតុគេឃើញរថយន្តតាកូម៉ាមួយគ្រឿងពណ៌ស្ករពាក់ស្លាកលេខភ្នំពេញ2AQ-3581បើកបរដោយបុរសម្នាក់រួមដំណើរនិងនារីម្នាក់ទៀត ធ្វើដំណើតាមបណ្តោយផ្លូវបេតុងវត្តអង្គតាមិញទិសដៅពីត្បូងទៅជើង ក្នុងល្បឿនលឿននិងបំពានភ្លើងស្តុបលុះមកដល់ចំណុចកើតហេតុខាងលើបានជ្រុលទៅបុកជាមួយរថយន្តហាយលេនឌ័រពណ៌ទឹកប្រាក់ពាក់ស្លាកលេខភ្នំពេញ2AW-6960ធ្វើដំណើរតាមបណ្តោយផ្លូវ២០០៤ ទិសដៅពីលិចទៅកើតពីចំហៀង ខាងមុខផ្នែកខាងស្ដាំពេញទំហឹងបណ្ដាលនារីដែលរួមដំណើរតាមរថយន្តតាកូម៉ារងរបួសធ្ងន់ ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ។ចំណែករថយន្តទាំង ពីគ្រឿងរងការខូចខាតយ៉ាងដំណំដូចគ្នា។ ក្រោយកើតហេតុសមត្ថកិច្ចមូលដ្ឋានបានចុះដល់ម៉ោងទៅទាក់ទងទៅសមត្ថកិច្ចជំនាញចុះមកធ្វើការវាស់វែងយករថយន្តទៅរក្សាទុករង់ចាំធ្វើការដោះស្រាយគ្នាតាមផ្លូវច្បាប់៕ដោយ កុសល់  

  ភ្នំពេញ: បុរសជនជាតិចិនម្នាក់សង្ស័យស្រវឹងស្រាបើករថយន្តហ្វត មួយគ្រឿងបុករះកន្លែងលក់គុយទាវនិងបាយឆា និងទឹកក្រឡុកបណ្តាលឲ្យរងការខូចខាតសម្ភារៈលក់ដូរមួយចំនួនធំ នឹងនារីជាអ្នកលក់ដូរម្នាក់រលាកទឹកក្តៅរបួសធ្ងន់។ ហេតុការនេះកើតឡើងកាលពីវេលាម៉ោង ៩ និង ៥០ នាទីយប់ថ្ងៃទី ២៩ ខែតុលាឆ្នាំ ២០២១ នៅតាមបណ្ដោយផ្លូវហាណូយខាងជើងស្ពានអាកាសផ្សារដីហុយប្រមាណជា ១០៩ម៉ែត្រ ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានដឹងថាមុនកើតហេតុគេឃើញបុរសជនជាតិចិនម្នាក់ស្រវឹងស្រាបើករថយន្តហ្វត មួយគ្រឿងពណ៌ប្រផេះពាក់ស្លាកលេខភ្នំពេញ2BI-7818 ធ្វើដំណើរទិសដៅពីជើងទៅត្បូងក្នុងល្បឿនលឿនលុះដល់ចំណុចកើតហេតុខាងលើ បានរេចង្កូតទៅខាងស្ដាំដៃបុករះកន្លែងលក់គុយទាវនឹងបាយឆានិងទឹកក្រឡុក បណ្ដាលឱ្យសម្ភារៈលក់ដូរមួយចំនួនដួលនិងបែកបាក់រាយប៉ាយខូចខាតអស់មួយចំនួនធំ និងបណ្ដាលឲ្យនារីម្នាក់ជាអ្នកលក់ដូររលាកទឹក្តៅ រងរបួសធ្ងន់ ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ ចំណែកអ្នកបើកបររថយន្តបង្កត្រូវបងប្អូនជាពលរដ្ឋធ្វើការឃាត់ខ្លួនប្រគល់ជូនសមត្ថកិច្ចកិច្ច។ ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញ ចុះមកធ្វើការវាស់វែងយករថយន្តនិងអ្នកបើកបរ ទៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រងចាំដោះស្រាយគ្នាតាមផ្លូវច្បាប់៕ដោយ កុសល់

  ភ្នំពេញ: នារីរូបស្រស់ជនជាតិចិនម្នាក់បើករថយន្តហ៊ីយ៉ាន់ដាយស្តារិច មួយគ្រឿងជ្រុលបុកបង្កាន់ដៃស្ពានអាកាស៧មករាពេញទំហឹងរួមនិងបង្គោលភ្លើងបំភ្លឺផ្លូវមួយដើមបាក់រាបដល់ដី កាលពីវេលាម៉ោង១និង ៣០ នាទីយប់រំលងអាធ្រាត្រឈានចូលថ្ងៃទី ៣០ ខែតុលាឆ្នាំ២០២១នៅចំណុចគល់ស្ពានអាកាស៧ មករាខាងកើត តាមបណ្តោយផ្លូវសហព័ន្ធរុស្ស៊ី ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញនារីរូបស្រស់ជនជាតិចិនម្នាក់បើករថយន្តហុីយ៉ាន់ដាយស្តារិចមួយគ្រឿងពណ៌ទឹកប្រាក់ពាក់ស្លាកលេខភ្នំពេញ2AX-6285ធ្វើដំណើរតាមបណ្តោយផ្លូវសហព័ន្ធរុស្ស៊ីទៅដៅពីកើតទៅលិចក្នុងល្បឿនលឿនលុះមកដល់ចំណុចកើតហេតុខាងលើ បានជ្រុលទៅបុកបង្កាន់ដៃស្ពានអាកាសពេញទំហឹង រួមនឹងបង្គោលភ្លើងបំភ្លឺផ្លូវ បាក់មួយដើមរាបដល់ដី ឯរថយន្តក្រឡាប់ផ្ងារជើងម្ខាង ចំណែកអ្នកបើកបរកៀបជាប់ក្នុងរថយន្តត្រូវបានបងប្អូនប្រជាពលរដ្ឋនិងសមត្ថកិច្ច ជួយសង្គ្រោះរួចបញ្ជូនតាមរថយន្តសង្គ្រោះបន្ទាន់ទៅសង្គ្រោះនៅឯមន្ទីរពេទ្យភ្លាមៗ។ ក្រោយកើតហេតុសមត្ថកិច្ចមូលដ្ឋានបានចុះមកដល់វត្តទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំដោះស្រាយគ្នាតាមផ្លូវច្បាប់៕ដោយ កុសល់

  (ខេត្តព្រះសីហនុ)៖ មានករណីរគ្រោះថ្នាក់ចរាចណ៍មួយបានបង្កឡើងរវាងរថយន្ត និង ម៉ូតូមួយគ្រឿងទៀត បានបុកប៉ះគ្នាយ៉ាងពេញទំហឹង បណ្តាលអោយអ្នកបើកបរម៉ូតូរងរងរបួសទាំង២នាក់ ធ្ងន់ធ្ងរ រីឯអ្នកបើកបររថយន្តវិញមិនមានរងរបួសនោះឡើយ។ ករណីគ្រោះថ្នាក់ចរាចរណ៍ខាងលើនេះបានកើតឡើង នៅវេលាម៉ោង៩:៣០យប់ ថ្ងៃទី២៨ ខែតុលា ឆ្នាំ២០២១ ត្រង់ចំណុចផ្លូវ៥០២ ស្ថិតក្នុងភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ ។ យោងតាមប្រភពព័ត៌មានពីកន្លែងកើតហេតុបានប្រាប់ថា មុនពេលកើតហេតុគាត់ឃើញរថយន្តមួយគ្រឿងម៉ាក REVO ពណ៌ខ្មៅ ពាក់ស្លាកលេខ ភ្នំពេញ2AX-2018 បើកតាមបណ្តោយផ្លូវ៥០២ (ឆ្នេអូឈើទាល) លុះមកដល់ចំណុចកើតហេតុក៏បានបត់ឆ្វេងត្រង់ចំណុចផ្លូវបំបែកទៅកាសុីណូខ្សាច់សរ ស្រាប់តែបុកប៉ះគ្នាជាមួយម៉ូតូមួយគ្រឿង ម៉ាកHONDA DREAM សេរីឆ្នាំ២០១៨ ពាក់ស្លាកលេខ ព្រះសីហនុ 1H-4399 បើកបរក្នុងល្បឿនលឿនក៏បានទៅបុករថយន្តមួយទំហឹងបណ្តាលឲ្យ បុរសអ្នកបើកបរម៉ូតូទាំង២នាក់ រងរបួសបាក់ជើងទាំងសងខាង ហើយភ្លាមៗនោះក៏ត្រូវបានបញ្ជូនយកទៅសង្គ្រោះបន្ទាន់ នៅមន្ទីរពេទ្យមិត្តភាពឃ្លាំងលើផងដែរ ។ បច្ចុប្បន្ន...

  ភ្នំពេញ ៖ក្រុម នាក់ញៀនល្បែងបញ្ជល់មាន់ជាច្រេីននាក់ត្រូវបានកម្លាំងនគរបាលនៃការិយាល័យព្រហ្មទណ្ឌកម្រិតស្រាលរាជធានីភ្នំពេញ ចាប់វាយខ្នោះបញ្ជូនទៅចាត់ការតាមនិតិវិធីក្រោយលួចប្រមូលផ្តុំលេងល្បែងស៊ីសង់ខុសច្បាប់ប្រភេទបញ្ជន់មាន់ នៅចំណុចដីឡូត៍មួយកន្លែង ភូមិឬស្សី សង្កាត់ស្ទឹងមានជ័យ២ ខណ្ឌមានជ័យ វេលាម៉ោង៣និង២០នាទី ថ្ងៃទី២៨ ខែតុលា ឆ្នាំ២០២១នេះ។ តាមប្រជាពលរដ្ឋបានឱ្យដឹងថាទីតាំង ខាងលេីលួចសង្វៀនបញ្ជល់មាន់ជាយូមកហេីយដោយមានក្រុមអ្នកញៀនល្បែងនេះចូលមកលេងជាច្រេីនដោយមិនខ្លាចការឆ្លងជំងឺកូវីដ១៩ ផ្គេីននិងសេច្ចក្តីប្រកាសរបស់ក្រសួងសុខាភិបាល។ សមត្ថកិច្ចបានឱ្យដឹងថា ក្រោយពីទទួលព័ត៌មានសម្ងាត់ពីបងប្អូនប្រជាពលរដ្ឋកម្លាំងនគរបាលនៃការិយាល័យព្រហ្មទណ្ឌកម្រិតស្រាលរាជធានីភ្នំពេញបានចុះបង្ក្រាបភ្លាមៗនិងធ្វេីការឃាត់ខ្លួនអ្នកញៀនកុំល្បែងជាច្រេីនអ្នករួមទាំង ម៉ូតូជាច្រេីនគ្រឿងនិងមាន់គកជាច្រេីនក្បាល។ ក្រោយពីឃាត់ខ្លួនក្រុមអ្នកញៀនល្បែងបញ្ជល់មាន់ទាំងនោះត្រូវបញ្ជូនទៅការិយាលព្រហ្មទណ្ឌកម្រិតស្រាលរាជធានីភ្នំពេញដេីម្បីចាត់ការតាមច្បាប់៕ដោយ កុសល់

  ភ្ភ្នំពេញ: នៅ យប់ ថ្ងៃទី ២៧ ខែតុលា ឆ្នាំ ២០២១ នេះ អាជ្ញាធរខណ្ឌដង្កោ បាន អំពាវនាវ ដល់ បងប្អូន ប្រជាពលរដ្ឋ ឲ្យ ផ្អាក ការធ្វើដំណើរ ជា បណ្តោះអាសន្ន លើ កំណាត់ ផ្លូវ លេខ ២១៧ និងផ្លូវ៥០ម៉ែត្រ ជាពិសេស ត្រង់ចំណុច ភ្លើងស្តុប ស្ពាន បា គូ ដោយសារតែ ទឹក កំពុង ហូរ កាត់ ផ្លូវ យ៉ាងខ្លាំង...

ភ្នំពេញ: បុរសម្នាក់ជិះម៉ូតូធុនធំមួយគ្រឿងចុះពីលើស្ពានអាកាស ៧ មករាក្នុងល្បឿនលឿនដល់ផ្លូវកោងកាច់ចង្កូតមិនទាន់ជ្រុលទៅបុករបាំងថ្មពុះចែកទ្រូវបោកក្បាលនឹងបង្គោលភ្លើងបំភ្លឺផ្លូវ ផ្លោងមកផ្លូវម្ខាងទៀតស្លាប់នៅនឹងកន្លែងកើតហេតុយ៉ាងអាណោចអាធម៌ ចំណែកម៉ូតូដូលអូសជិត៤០ម៉ែត្រ។ ហេតុការនេះកើតឡើងកាលពីវេលាម៉ោង១ យប់រំលងអាធ្រាត្រឈានចូលថ្ងៃទី ២៨ ខែតុលាឆ្នាំ ២០២១ នៅចំណុច មុខវិហាចិន តាមបណ្តោយផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ សពជនរងគ្រោះមានឈ្មោះសុភី ដូលា ភេទប្រុស អាយុ ២៨ ឆ្នាំ មានស្រុកកំណើត សង្កាត់កាកាប ខណ្ឌពោធិ៍សែនជ័យរាជធានីភ្នំពេញ បច្ចុប្បន្នស្នាក់នៅ ភូមិក្បាលស្នួល ឃុំស្នួល ស្រុកស្នួល ខេត្តក្រចេះ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់ជិះម៉ូតូធុនធំមួយគ្រឿងម៉ាក kawasaki និនចារ ពណ៌ត្រួយចេក ពាក់ស្លាកលេខភ្នំពេញ1IU-8702 ចុះពីលើស្ពានអាកាស ៧ មករា តាមបណ្ដោយផ្លូវសហព័ន្ធរុស្ស៊ី ក្នុងល្បឿនលឿន ទិសដៅពីកើតទៅលិច...