ព័ត៌មានជាតិ

  ភ្នំពេញ: បុរសម្នាក់រួមដំណើរនិងនារីម្នាក់ទៀត បើករថយន្តស៊េរីទំនើបមួយគ្រឿងក្នុងល្បឿនលឿនជ្រុលទៅបុកបង្គោលភ្លើងថ្មមួយដើមពេញទំហឹងហើយបានបោកទៅនឹងបញ្ជាំងឃ្លាំងលក់រថយន្តមួយកន្លែង រងការខូចខាតយ៉ាងដំណំ សំណាងល្អមិនបង្កឲ្យមានអ្នករបួស ។ ហេតុការនេះកើតឡើងកាលពីវេលាម៉ោង១ និង ៣០នាទីយប់រំលងអាធ្រាត្រឈានចូលថ្ងៃទី ២៨ ខែតុលាឆ្នាំ ២០២១ នៅចំណុចមុខឃ្លាំងលក់រថយន្តមួយកន្លែង ជាប់នឹងរង្វង់មូល (នាងកេណ) តាមបណ្ដោយផ្លូវ OCIC ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតគេឃើញបុរសម្នាក់រួមដំណើរនឹងនារីម្នាក់ទៀតបើករថយន្តស៊េរីទំនើបមួយគ្រឿងពណ៌សពាក់ស្លាកលេខកម្ពុជាMONIKA 09ធ្វើដំណើរទិសដៅពីជើងទៅត្បូងក្នុងល្បឿនលឿនលុះដល់ចំណុចកើតហេតុខាងលើបានរេខង្កូតទៅខាងស្ដាំដៃជ្រុលទៅបុកបង្គោលភ្លើងថ្មមួយដើមពេញទំហឹង បណ្តាលឲ្យរថយន្តទៅបោកនឹងជញ្ជាំងឃ្លាំងលក់រថយន្ត បណ្តាលឲ្យរងការខូចខាតយ៉ាងដំណំ ឯរថយន្តបង្ករងការខូចខាតស្ទើរទាំងស្រុង។បន្ទាប់មកអ្នកបើកបរនិងអ្នករួមដំណើរបានចុះពីលើរថយន្តហើយយកស្លាកលេខរថយន្តយកទៅជាមួយ រួចគេចខ្លួនបាត់។ ក្រោយកើតហេតុសមត្ថកិច្ចមូលដ្ឋានបានចុះដល់កន្លែងកើតហេតុ បន្ទាប់មកក៍ឃើញម្ចាស់រថយន្តបានមកកន្លែងកើតហេតុវិញ រួចសមត្ថកិច្ខឲ្យធ្វើការសម្របសម្រួល ជាមួយម្ចាស់ឃ្លាំងលក់រថយន្តដើម្បីបញ្ចប់េរឿងនៅកន្លែងកើតហេតុ៕ដោយ កុសល់

បន្ទាយមានជ័យ៖ អគ្គីភ័យឆាបឆេះផ្ទះប្រជាពលរដ្ឋចំនួន២ល្វែង និងរោង មួយខ្នង បង្កការភ្នាក់ផ្អើលទាំងយប់នៅម៉ោង១០.៣០នាទីយប់នៅថ្ងៃទី២៧ ខែតុលា ឆ្នាំ ២០២១ នៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ ប្រភពពីកន្លែងកើតហេតុបានឲ្យដឹងថា អគ្គីភ័យបង្កឲ្យមានការឆាបឆេះនេះ បណ្តាលមកពីទុរស្សេចរន្តអគ្គី ។ ដោយឡែកប្រភពពីសមត្ថកិច្ចនៅកន្លែងកើតហេតុវិញបានបញ្ជាក់ថា អគ្គីភ័យខាងលើនេះ ឆេះផ្ទះអស់មួយខ្នង ស្មើនិង២ល្វែង សាសង់ពីឈើលាយដែកប្រក់ស័ង្កសី និងឆេះរោងមួយខ្នងសង់អំពីឈើប្រក់ស័ង្កសីផងដែរ ក៏ប៉ុន្តែភ្លាមៗនោះ មិនទាន់អាចកំណត់ពីទំហំនៃការខូចខាតបានទេ។ ក្រោយពីកើតហេតុភ្លាមៗនោះ លោកវរសេនីយ៍ឯក សៅ សារឿន អធិការនគបាលក្រុងប៉ោយប៉ែត រួមទាំងលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានដឹកនាំកម្លាំង និងនាំយករថយន្តពន្លត់អគ្គីភ័យចំនួន២គ្រឿង សហការជាមួយប្រជាពលរដ្ឋនិងអាជ្ញាធរមូលដ្ឋានជួយបាញ់ពន្លត់រលត់ទាំងស្រុង ក៏ប៉ុន្តែដោយសារតែរោង និងផ្ទះសង់អំពីឈើទើបអគ្គីភ័យឆាបឆេះលឿនបណ្តាលឲ្យខូចខាតទាំងស្រុងតែម្តង។ តែយ៉ាងហោចណាស់មិនបណ្តាលរងគ្រោះថ្នាក់ដល់មនុស្សនោះទេ ហើយក៏បានទប់ស្កាត់មិនឲ្យឆ្លងរីករាលដាលនៅផ្ទះអ្នកជិតខាងផ្សេងទៀតផងដែរ៕ដោយ កុសល់ ...

បន្ទាយមានជ័យ៖ លោកស្រី រស់ សុផានី អភិបាលរងខេត្តបន្ទាយមានជ័យ លោក រឿន សុធី អនុប្រធានមន្ទីរសុខាភិបាល រួមនឹងតំណាងអង្គការ(IOM) កាលពីរសៀលថ្ងៃទី25ខែ តុលា ឆ្នាំ 2021 ម្សិលមិញ បានចុះពិនិត្យមើលតាមមណ្ឌលចត្តាឡីស័កស្រុកម៉ាឡៃ និងក្រុងប៉ោយប៉ែត ដើម្បីត្រៀមបង្រួមមណ្ឌលតែមួយសម្រាប់បងប្អូនពលករដែលវិលត្រលប់មកពីប្រទេសថៃ ដោយជំហានដំបូងធ្វើការបង្រួមមណ្ឌលចត្តាឡីស័កណាដែលមានបងប្អូនពលករតិច បញ្ជូនទៅមណ្ឌលចត្តាឡីស័កដែលនៅជិតដើម្បីរៀបចំសាលារៀនផ្តល់ជូនសិស្សានុសិស្សបានសិក្សាឡើវិញបន្ទាប់ពីសាលានឹងត្រូវបើកឡើងវិញជាបណ្តើរៗ។ លោកស្រី រស់ សុផានី បានប្រសាសន៍ថា៖ គិតត្រឹម ល្ងាចថ្ងៃទី25 ខែតុលា ឆ្នាំ2021 បងប្អូនពលករដែលកំពុងស្នាក់នៅក្នុងមណ្ឌលមានចំនួន 2,013នាក់/ស្រី 848នាក់។ លោកស្រីបន្តថា៖ ជាមួយការបង្រួមមណ្ឌលចត្តាឡីស័កតែមួយនេះដែរ អាជ្ញាធរខេត្តក៏បានកំពុងតែរៀបចំមណ្ឌលចត្តាឡីស័ក សម្រាប់ដាក់បងប្អូនពលករឱ្យនៅតែមួយកន្លែង ដែលអាចទទួលបងប្អូនពលករបានប្រមាណ2,400នាក់ ដែលមានទីតាំងស្ថិតនៅសង្កាត់ និមិត្ត ក្រុងប៉ោយប៉ែត ដែលដំណើរការនៃការរៀបចំមណ្ឌលថ្មីខាងលើជិតរួចរាល់100ភាគរយហើយ...

បន្ទាយមានជ័យ៖ ដោយមើលឃើញនូវការលំបាករបស់បងប្អូនប្រជាពលរដ្ឋនៅក្នុងមូលដ្ឋានក្នុងការធ្វើដំណើរ ប្រកបមុខរបរប្រចាំថ្ងៃ ជាពិសេសកម្មករ កម្មការនីរោងចក្រ សិស្សានុសិស្ស ពិបាកធ្វើដំណើរ អាជ្ញាធរក្រុង សង្កាត់ ភូមិបានជួសជុលកែលំអរផ្លូវលំមួយខ្សែឡើងវិញបន្ទាប់ពីរងការខូចខាតដោយសារជំនន់ទឹកភ្លៀងនាពេលកន្លងមក។ អាជ្ញាធរប្រាប់ថា ផ្លូវមួយខ្សែនេះទំហំ10ម៉ែត្រ ប្រវែងជាង2,000ម៉ែត្រ ជាផ្លូវតភ្ជាប់សង្កាត់ចំនួន2 ត្រង់ចំណុចផ្លូវបំបែកពីផ្លូវជាតិលេខ58 ក្នុងភូមិអូរឫស្សី សង្កាត់ផ្សារកណ្តាល ឆ្ពោះទៅកាន់ភូមិទួលប្រាសាទ សង្កាត់ប៉ោយប៉ែត ដែលរងការខូចខាតក្រឡុកធំៗ នៅព្រឹកថ្ងៃទី27 ខែតុលា ឆ្នាំ2021នេះ ត្រូវបានអាជ្ញាធរកំពុងធ្វើការជួសជុលកៀរកិនបង្ហាប់ដាក់កំទេចថ្មភ្នំជួយសម្រួលដល់ការធ្វើដំណើរជូនប្រជាពលរដ្ឋប្រើប្រាស់ជាបណ្តោះអាសន្នសិន រួចរៀបចំចាក់ថ្មមិកជាបន្តបន្ទាប់។ ប្រជាពលរដ្ឋបានឲ្យដឹងថា ផ្លូវមួយខ្សែនេះ ជាផ្លូវសំខាន់ខ្លាំងណាស់ដែលជាផ្លូវសំរាប់ឲ្យប្រជាពលរដ្ឋធ្វើដំណើររកស៊ីទទួលទានប្រចាំថ្ងៃ និងកម្មករ កម្មការនីរោងចក្រ សិស្សានុសិស្សទៅសាលារៀន។ ប្រជាពលរដ្ឋបានបញ្ជាក់បន្ថែមថា ផ្លូវនេះ ជាផ្លូវដែលចាក់ថ្មមិក ដើមឡើយពិតជាផ្លូវស្រួលធ្វើដំណើរខ្លាំងណាស់ ប៉ុន្តែចាប់តាំងពីក្រុមហ៊ុនក្រឡុកបេតុងបង្កើតនៅក្នុងភូមិចំនួន2កន្លែងមក ឃើញថា មានរថយន្តធំៗដឹកខ្សាច់ ដឹកថ្ម ដឹកស៊ីម៉ង់ត៍ រួមទាំងដឹកជញ្ជូនបេតុងឆ្លងកាត់ទៀតនោះ...

ខេត្តបន្ទាយមានជ័យៈ សមត្ថកិច្ចនគរបាលបញ្ចូនជនសង្ស័យប្រុស.ស្រី03នាក់ ជួញដូរនិងរក្សារទុកគ្រឿងញៀនដោយខុសច្បាប់ជាង25គីឡូក្រាម ទៅសាលាដំបូងខេត្តបន្ទាយមានជ័យចាត់ការតាមច្បាប់នៅរសៀលថ្ងៃទី26 ខែតុលា ឆ្នាំ2021។ ជនសង្ស័យទី1.ឈ្មោះ SUCHAT WANSUWONG ភេទប្រុស ជនជាតិថៃ លិខិតឆ្លងដែនគ្មាន ត្រូវបានបង្ក្រាបនៅថ្ងៃទី22 ខែតុលា ឆ្នាំ2021នៅចំណុចក្រោមដើមស្វាយ លើផ្លូវជាតិលេខ59 ស្ថិតក្នុងភូមិរស្មីសាមគ្គី សង្កាត់និមិត្ត ក្រុងប៉ោយប៉ែត។ជនសង្ស័យជាជនជាតិថៃកម្លាំងបាន ដកហូតបានវត្ថុតាងថ្នាំញៀនប្រភេទមេតំហ្វេតាមីន ចំនួន25ដុំ ស្មើទម្ងន់ 24,888គីឡូក្រាម។ លោកវរសេនីយ៍ឯក ធិនស៊ិនដេន ស្នងការរងទទួលផែនការងារប្រឆាំងគ្រឿងញៀនបានបញ្ជាក់ថា៖ ដោយអនុវត្តតាមបទបញ្ជារបស់លោក ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និង ដោយមានការសម្របសម្រួលពីព្រះរាជអាជ្ញាអមសាលាដំបូងខេត្តបន្ទាយមានជ័យ និងខេត្តសៀមរាប លោកបានដឹកនាំកម្លាំងនគរបាលការិយាល័យជំនាញ និងកម្លាំងនគរបាលក្រុងប៉ោយប៉ែត សហការជាមួយកម្លាំងមន្ទីរប្រឆាំងគ្រឿងញៀន(ក1) សហការជាមួយកម្លាំងជំនាញនៃស្នងការដ្ឋានខេត្តសៀមរាប បានចុះស្រាវជ្រាវទៅដល់ផ្ទះជនសង្ស័យ02នាក់ប្តីប្រពន្ធផ្សេងទៀត ដែលប្តីឈ្មោះ លាង...

  កោះកុង ÷ បន្ទាប់ពីមានការបង្ក្រាបករណីរក្សាទុក ដឹកជញ្ជូននិងជួញដូរដោយខុសច្បាប់នូវសារធាតុញៀនប្រមាណជាជិត ៣០០គីឡូក្រាម ក្នុងភូមិសាស្ត្រស្រុកស្រែអំបិល កាលពីថ្ងៃទី២២ ខែតុលា ឆ្នាំ២០២១កន្លងមក នៅរសៀលថ្ងៃទី២៥ ខែតុលា ឆ្នាំ ២០២១នេះ ស្នងការដ្ឋាននគរ បាលខេត្តកោះកុង បានធ្វើសន្និ សិទ្ធសារព័ត៌មាន ស្តីពីការបង្ក្រាប បង្ហាញវត្ថុតាងគ្រឿង ញៀនចំនួន៦០០ដុំ ស្មើរនិង២១២,៤០គ.ក្រ ក្រោមវត្តមានលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង ។ លោក គង់ មនោ ស្នងការនគរបាលខេត្តកោះកុង បានបញ្ជាក់ថា ដោយមានការកំណត់នូវគោលដៅ និងមុខសញ្ញាច្បាស់ លាស់ កម្លាំងងជំនាញនៃស្នង ការដ្ឋាននគរបាលខេត្តកោះកុង បានសហការជាមួយកម្លាំងជំនាញមូលដ្ឋានស្រុកស្រែអំបិល និងកម្លាំងវរសេនាតូចការពារព្រំ ដែនទឹកលេខ២៦៩...

  ភ្នំពេញ:បុរសម្នាក់បានស្លាប់បាត់បង់ជីវិត នៅនឹងកន្លែងកើតហេតុភ្លាមៗយ៉ាងណាដែលធម៌និងបុរសម្នាក់ទៀតរងរបួស ត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗបន្ទាប់ពីជិះម៉ូតូមួយគ្រឿងវ៉ាជែងទៅប៉ះដៃចង្កូតនិងរថយន្តធុនតូចមួយគ្រឿងដួលទៅនឹងថ្នល់ត្រូវរថយន្តធន់ធំមួយគ្រឿងទៀតកិន កាលពីវេលាម៉ោង ១០និង ៣០ នាទីយប់ថ្ងៃទី ២៤ ខែតុលាឆ្នាំ ២០២១នៅចំណុចខាងលិចបុរីមនោរម្យប្រមាណជា ៦០ម៉ែត្រ តាមបណ្តោយជាតិលេខ៤ ស្ថិតក្នុងសង្កាត់កន្ទោក ខណ្ឌកំបូលរាជធានីភ្នំពេញ។ សពរងគ្រោះមានឈ្មោះ ងួន វណ្ណៈ ភេទប្រុស អាយុជាង២០ ឆ្នាំ ស្នាក់នៅម្តុំផ្លូវវ៉េងស្រេងកាណាសុីធី ក្នុងសង្កាត់ចោមចៅទី ២ ខណ្ឌពោធិ៍សែនជ័យ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់រួមដំណើរនឹងបុរសម្នាក់ទៀតជិះម៉ូតូឌ្រីមសង់មួយគ្រឿងពណ៌ស បិតតែមស៊េរីឆ្នាំ២០២១ ពាក់ស្លាកលេខបាត់ដំបង1N-9743ធ្វើដំណើរតាមបណ្តោយផ្លូវជាតិលេខ៤ ទិសដៅពីកើតទៅលិច លុះមកដល់ចំណុចកើតហេតុខាងលើបានវ៉ាជែងទៅប៉ះដៃចង្កូតនិងរថយន្តធុនតូចមួយគ្រឿងមិនចាំម៉ាក បណ្ដាលឲ្យដួលមកលើថ្នល់ ស្របពេលមានរថយន្តធុនធំមួយគ្រឿងទៀតមិនចាំម៉ាកបើកបញ្ច្រាសទិសដៅគ្នាពីលិចទៅកើតបណ្តាលឲ្យកិនស្លាប់ម្នាក់និងម្នាក់តងរបួស ត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ។ចំណែកម៉ូតូខ្ទេចមួយកំណាត់មុខរងការខូចខាតយ៉ាងដំណំ។បន្ទាប់មករថយន្តបានបន្តដំណើរទៅមុខបាត់ស្រមោល។ ក្រោយកើតហេតុសមត្ថកិច្ចមូលដ្ឋានបានចុះមកដោយបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូទៅរក្សាទុកនៅអធិការដ្ឋានខណ្ឌកំបូលបណ្ដោះអាសន្ន។ដោយឡែកសពជនរងគ្រោះសមត្ថកិច្ចធ្វើកំណត់ហេតុនិងធ្វើការស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី៕ដោយ កុសល់

  ភ្នំពេញ: បុរសម្នាក់បានស្លាប់បាត់បង់ជីវិតនៅនឹងកន្លែងកើតហេតុយ៉ាងអាណោចអាធ៌ម បន្ទាប់ពីបើកម៉ូតូសណ្ដោងរ៉ឺម៉កមួយគ្រឿង ត្រូវបានរថយន្តហ៊ីយ៉ាន់មួយគ្រឿងបើកវ៉ាជែងមកបុកពេញទំហឹង កាលពីវេលាម៉ោង៧ និង ៤០ នាទីយប់ថ្ងៃទី ២៤ខែតុលាឆ្នាំ២០២១ នៅតាមបណ្តោយផ្លូវបេតុងព្រៃស ក្នុងសង្កាត់ព្រៃស ខណ្ឌដង្កោរា ជធានីភ្នំពេញ។ សពជនរងគ្រោះមានឈ្មោះកើតផុន ភេទប្រុស អាយុ៤៨ ឆ្នាំ មានស្រុកកំណើតនៅភូមិថ្មពូនកណ្ដាល ឃុំថ្មពូន ស្រុកព្រៃឈរខេត្តកំពង់ចាម។ តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ ឃើញរថយន្តហុីយ៉ាន់ដាយមួយគ្រឿងពណ៌សពាក់ស្លាកលេខភ្នំពេញ3D-4896បើកបរដោយបុរសម្នាក់រួមដំណើរនឹងនារីម្នាក់ទៀត បានធ្វើដំណើរទិសដៅពីលិចទៅកើត បានវ៉ាជែងក្នុងល្បឿនលឿន លុះមកដល់ចំណុចកើតខាងលើ បានជ្រុលទៅបុកម៉ូតូសណ្ដោងរុឺម៉កមួយគ្រឿងបើកបរដោយបុរសម្នាក់បញ្ច្រាស់ទិសដៅគ្មាពីកើតទៅលិចពេញទំហឹងបណ្តាលឲ្យអ្នកបើកម៉ូតូសណ្ដោងរុឺម៉កស្លាប់នៅនឹងកើតហេតុ យ៉ាងអណោចអធម៌។ភ្លាមនោះតៃកុងរថយន្តត្រូវបានប្រជាពលរដ្ឋនាំគ្នាធ្វើការឃាត់ខ្លួនបានភ្លាមៗរួចប្រគល់ជូនសមត្ថកិច្ចបញ្ជូនខ្លួនមកប៉ុស្តិ៍នគរបាលរដ្ឋបាលព្រៃស ធ្វើការសួរបន្ត និងរង់ចាំទុកប្រគល់ជូនជំនាញ។ ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូនិងតែកុងរថយន្តបញ្ជូនទៅការិយាល័យចរាចរណ៍ផ្លូវគោកនៃស្នងការថានគរបាលរាជធានីភ្នំពេញរងចាំធ្វើការដោះស្រាយគ្នាតាមផ្លូវច្បាប់។ចំណែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅធ្វើបុណ្យតាមប្រពៃណី៕ដោយ កុសល់

បន្ទាយមានជ័យ៖ សមត្ថកិច្ចនគរបាលឃាត់ខ្លួនជនបរទេសចំនួន04នាក់ ពីបទពង្រត់ និងបង្ខាំងមនុស្សចំនួន08នាក់ខុសច្បាប់បញ្ចូនទៅកាន់តុលាការនៅរសៀលថ្ងៃ24 ខែតុលា ឆ្នាំ2021 ចាត់ការបន្តទៅតាមច្បាប់។ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឲ្យដឹងថា ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងមានការសម្របសម្រួលនីតិវិធីពីឯកឧត្តម កើត សុវណ្ណរ៉េត ព្រះរាជអាជ្ញារ អមសាលាដំបូងខេត្ត លោកបានដឹកនាំកម្លាំងសហការជាមួយ កម្លាំងការិយាល័យនគរបាលប្រឆាំងការជួញដូរមនុស្សនិងការពារអនិជន ចុះស្រាវជ្រាវ និងឈានដល់ការឆ្មក់ខ្លួនឃាត់បរទេសចំនួន04នាក់ មានជនជាតិចិន02នាក់ ជនជាតិបង់ក្លាដេស02នាក់។ ពាក់ពន្ធ័ករណីពង្រត់និងបង្ខាំងមនុស្សដោយខុសច្បាប់ ក្រៅពីនេះបានរំដោះជនជាតិថៃ06នាក់ និងជនជាតិខ្មែរ02នាក់ នៅថ្ងៃទី23 ខែតុលា ឆ្នាំ2021 នៅក្នុងកាស៊ីណូមួយកន្លែង នៅក្នុងបុរីសានស៊ានហូ ស្ថិតនៅក្នុងភូមិគីឡូម៉ែត្រលេខ4 សង្កាត់ផ្សារកណ្តាល ក្រុងប៉ោយប៉ែត។ ជនសង្ស័យទាំង04នាក់ 1-ឈ្មោះ ស៊ីន...

ខេត្តបន្ទាយមានជ័យ÷ លោក ខេមរៈ សិរីមន្ត តារាចំរៀងដ៏ល្បីនៅប្រទេសកម្ពុជា បានងាកមកចាប់ដៃជាមួយក្រុមហ៊ុន ប៉ាងណាគ្រី រៀលអ៊ីស្ទេត ឯ.ក មកវិនិយោគលើវិស័យអចលនទ្រព្យ ពុះដីឡូលក់លើផ្ទៃដីជាង200ហិកតា នៅតំបន់សមរភូមិជាយដែន ស្រុកម៉ាឡៃ ខេត្តបន្ទាយមានជ័យ។ នៅព្រឹកថ្ងៃទី23 ខែតុលាឆ្នាំ2021នេះ លោកស្រី ប៉ាងណាគ្រី នាយិកា ក្រុមហ៊ុនប៉ាងណាគ្រី រៀលអ៊ីស្ទេត ឯ.ក និងលោក ខេមរៈ សិរីមន្ដធ្វើសន្និសីទកាសែត នៅក្នុងស្នាក់ការលក់អចលនទ្រព្យរបស់ក្រុមហ៊ុនស្ថិតនៅក្នុង ភូមិអូរអំពិល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ដើម្បីរៀបចំបើកគម្រោងពុះដីល្វែង។ លោក ខេមរៈ សិរីមន្ត បានឲ្យដឹងថា៖ ដោយមើលឃើញនូវសក្កានុពលភាពចំពោះតំបន់នេះអាចនឹងក្លាយទៅជាទីក្រុងប៉ោយប៉ែតទី2 ដោយសារតែមានការអភិវឌ្ឍន៍របស់រាជរដ្ឋាភិបាល ជាពិសេសនៅចំណុចបឹងជង្រុកតេជោឈ្នះឈ្នះ ក្រោមការដឹកនាំដ៏ឈ្លាសវៃរបស់សម្ដេចតេជោ បានប្រែក្លាយតំបន់សង្គ្រាមឲ្យទៅជាតំបន់សេដ្ឋកិច្ច និងកន្លែងកំសាន្ត និងបានការចូលរួមអភិវឌ្ឍន៍ពីសំណាក់វិនិយោគិនពិសេសលោកឧកញ៉ា...