ទំព័រដើម

  ភ្នំពេញ: បុរសជនជាតិខ្មែរម្នាក់រួមនឹងបុរសម្នាក់ទៀតបើករថយន្តស៊េរីទំនើបម៉ាកផចមួយគ្រឿងជ្រុលទៅបុកជាមួយនឹងរថយន្ត ព្រូសមួយគ្រឿង ត្រង់ចំណុចស្តុបបែកជាបួនបណ្តាលឲ្យរងការខូចខាតទាំងសងខាងយ៉ាងដំណំ សំណាងល្អមិនបង្កឲ្យមានអ្នករងរបួស។ ហេតុការនេះកើតឡើងកាលពីវេលាម៉ោង១និង៤០ យប់រំលងអាធ្រាត្រឈានចូលថ្ងៃទី១៣ខែ វិច្ឆិការឆ្នាំ ២០២១ នៅចំណុចស្តុបអាគារកាណាឌីយ៉ា តាមបណ្តោយផ្លូវសហព័ន្ធរុស្ស៊ី កែងនិងផ្លូវព្រះមុនីវង្ស ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសជនជាតិខ្មែរម្នាក់រួមដំណើរនឹងបុរសម្នាក់ទៀតបើករថយន្តស៊េរីទំនើបម៉ាកផចមួយគ្រឿងពណ៌សពាក់ស្លាកលេខភ្នំពេញ2AP-2992ធ្វើដំណើរតាមបណ្តោយផ្លូវសហព័ន្ធរុស្ស៊ីទិសដៅពីកើតទៅលិច លុះដល់ចំណុចស្តុបបំបែកជាបួនកន្លែងកើតហេតុខាងលើ បានជ្រុលទៅបុកជាមួយរថយន្ត តូយូតា ព្រូសមួយគ្រឿងពណ៌ប្រផេះពាក់ស្លាកលេខភ្នំពេញ2AX-8859បើកបរដោយបុរសជនជាតិចិនម្នាក់រួមដំណើរនឹងបុរសជនជាតិចិនពីរ នាក់ទៀត ដោយធ្វើដំណើរតាមបណ្តោយផ្លូវព្រះមុនីវង្ស ទិសដៅពីត្បូងទៅជើងចំពីចំហៀងខាងស្ដាំរថយន្តពេញទំហឹងបណ្តាលឲ្យរងការខូចខាតយ៉ាងដំណំ។ភ្លាមនោះម្ចាស់រថយន្តម៉ាកផច បានដោះស្លាកលេខចេញពីរថយន្តបាត់។ ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទាំងពីរ គ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នាតាមផ្លូវច្បាប់៕ដោយ កុសល់

ភ្នំពេញ ៖ ជនសង្ស័យម្នាក់ ត្រូវបានប្រជាពលរដ្ឋឃាត់ខ្លួនប្រគល់ឲ្យសមត្ថកិច្ច បន្ទាប់ពីឡេីងលេីផ្ទះជួលលួចយកខោអាវ និងប៉ងលួចទ្រព្យសម្បត្តិ កាលពីវេលាម៉ោង១២ និង១០នាទីរំលងអាធ្រាត្រ ឈានចូលថ្ងៃទី ១៣ ខែវិច្ឆិកា ឆ្នាំ ២០២១ នៅតាមបណ្ដោយផ្លូវបេតុង ក្នុងភូមិឬស្សី៣ សង្កាត់ស្ទឹងមានជ័យ ២ ខណ្ឌមានជ័យ រាជធានីភ្នំពេញ ។ ជនសង្ស័យម្នាក់ដែលសមត្ថកិច្ចឃាត់ខ្លួនមានឈ្មោះ ណេត សុខេន អាយុ២៣ឆ្នាំ មុខរបបនិងកន្លែងស្នាក់នៅមិនពិតប្រាកដ ។ តាមប្រភពពីប្រជាពលរដ្ឋបានឲ្យដឹងថា នៅយប់កេីតហេតុ គេឃេីញជនសង្ស័យខាងលេីបានឡេីងទៅលេីផ្ទះជួល ដេីរចុះ ដេីរឡេីង រួចក៏ចុះមកក្រោមវិញទាំងមានថង់ធំល្មម ទេីបមានការសង្ស័យ ប្រជាពលរដ្ឋបាននាំគ្នាឃាត់និងឆែកឆែមេីល ក៏ឃេីញមានខោអាវជាច្រេីន ។ ជាមួយគ្នានោះក៏មានយុវជនម្នាក់ចុះមកអះអាងថា មានខោអាវរបស់គេក្នុងនោះដែរ ទេីបឃាត់ខ្លួនជនសង្ស័យទុកនៅនិងកន្លែង រួចទាក់ទងទៅសមត្ថកិច្ចមូលដ្ឋានឲ្យមកទទួល ។ ក្រោយមក...

  កោះកុង ÷ ករណីជីកកាយដីភ្នំ យកមកចាក់បំពានចំណីព្រែកត្រង់ចំណុចភូមិអន្លង់វ៉ាក់ ឃុំតាតៃ ស្រុកកោះកុង ចាប់ផ្តើមកក្រើកឡើងវិញ បើទោះបីជាអាជ្ញាធរមានសមត្ថកិច្ចស្រុកកោះកុងធ្លាប់បានចុះធ្វើការហាមឃាត់និងអោយម្ចាស់ទីតាំងបំពានដែលគេបានស្គាល់ថាមានឈ្មោះ ប៊ុន មួយ ធ្វើកិច្ចសន្យារួចមកហើយក្តី ។ បើតាមការបញ្ជាក់ពីពលរដ្ឋបានអោយដឹងថា ទីតាំងដែលកំពុងចាក់អាចម៍ដីបំពាខាងលើ គឺជារបស់លោកស្រី ប៊ុន មួយដែលជាអាជីវករលក់គ្រឿងសំណង់នៅក្នុងក្រុងខេមរភូមិន្ទ ហើយទីតាំងដីជាប់នេះដែលជាកម្មសិទ្ធិរបស់លោកស្រី ប៊ុន មួយ ដូចគ្នា កន្លងមកក៏ត្រូវបានអាជ្ញាធរចម្រុះស្រុកកោះកុង ដឹកនាំដោយលោក ណឹម ភារម្យ អភិបាលរងស្រុកកោះកុង ចុះធ្វើការហាមឃាត់ម្តងរួចមកហើយ តែពេលថ្មីៗនេះ ស្រាប់តែសកម្មភាពចាក់ដីចូលចំណីព្រែករបស់លោកស្រីនៅលើទីតាំងដីជាប់គ្នាបានកក្រើកឡើងវិញ ដោយមិនទាន់មានអាជ្ញាធរមានសមត្ថកិច្ចណាម្នាក់ចុះធ្វើការត្រួតពិនិត្យ និងហាមឃាត់នៅឡើយ ។ ករណីនេះត្រូវបានពលរដ្ឋលើកឡើងថា រូបភាពនៃការបង្ក្រាបរបស់អាជ្ញាធរមានសមត្ថកិច្ចហាក់ពុំមានប្រសិទ្ធិភាពលើក្រុមឈ្មួញទាល់តែសោះ ព្រោះសកម្មភាពបំពានហាក់កើតមានជាដដែលៗ ហេតុនេះពួកគាត់ស្នើរសុំអោយលោកជំទាវ មិថុនា ភូថង អភិបាលខេត្តកោះកុង ជួយចាត់ក្រុមការងារចុះពិនិត្យមើលករណីខាងលើផង ដើម្បីកុំអោយឈ្មួញខិលខួចចេះតែប្រព្រឹត្តបទល្មើសដដែលៗដោយមិនខ្វាយខ្វល់ពីផ្លូវច្បាប់បែបនេះ...

ខេត្តប៉ៃលិន ៖ បុរសម្នាក់ មានកូនតូចៗចំនួន៣នាក់ ក្នុងបន្ទុក ជាមន្រ្តីយោធាបម្រើការនៅព្រំដែន រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន បានទទូចស្នើសុំឱ្យថ្នាក់ដឹកនាំខេត្តប៉ៃលិន ជួយអន្តរាគមន៍ ខណ:ប្រពន្ធរបស់ខ្លួន ត្រូវបានសមត្ថកិច្ចនគរបាល ចាប់ឃាត់ខ្លួន កាលពីរសៀលថ្ងៃទី០២ ខែវិច្ឆិកា ឆ្នាំ២០២១ ពាក់ព័ន្ធទៅនឹងករណីល្បែងស៊ីសង (កត់កន្ទុយលេខឆ្នោត) ស្ថិតនៅផ្ទះម្តាយខ្លួន ក្នុងភូមិជាមួយគ្នាចំងាយជាង១គីឡូម៉ែត្រ ហើយត្រូវបានគេបញ្ជូនទៅដាក់ក្នុងពន្ធនាគារ។ បើតាមការអះអាងរបស់បុរសម្នាក់ ឈ្មោះ សឿន ភារុណ អាយុ៣២ឆ្នាំ បានឱ្យអ្នកសារព័ត៌មានដឹងថា ៖ តាំងពីដើមរហូតមកដល់ពេលនេះ ប្រពន្ធរបស់គាត់ មិនមែនជាអ្នកលេងល្បែងស៊ីសង (កត់កន្ទុយលេខឆ្នោត) នោះទេ គឺជាអ្នកប្រកបមុខរបរបោក គក់ ខោអាវ នៅផ្ទះរបស់ខ្លួន។លោកបន្តទៀតថា នៅវេលាម៉ោង២...

បន្ទាយមានជ័យ៖ សំណង់រឹងសងរៀបជាឥដ្ឋ20 ជារបស់ម្ចាស់ផ្ទះ ឈ្មោះ ម៉ែន ណារិន (ប្រុស) នៅព្រឹកថ្ងៃទី11ខែវិច្ឆិកា ឆ្នាំ2021នេះ ត្រូវក្រុមការងារចម្រុះ ចុះត្រួតពិនិត្យឃើញថាកំពុងសាងសង់ចូលដីចំណីផ្លូវសាធារណរបស់រដ្ឋ ចំណុចផ្លូវកែង ទល់មុខចំណតរថយន្ត ស្ថិតនៅក្នុងភូមិបាលិលេយ្យមួយ សង្កាត់.ក្រុងប៉ោយប៉ែត តម្រូវអោយរុះរើចេញវិញជាកំហិត បើមិនស្តាប់តាមណែនាំ និងចាត់ការតាមនីតិវិធី។ លោក ខាត់ ធា នាយករងរដ្ឋបាលក្រុងប៉ោយប៉ែត បានដឹកនាំក្រុមការងារចម្រុះ បានប្រាប់ថា បន្ទាប់ពីក្រុមការងារចម្រុះ ធ្វើការវាស់វែងឃើញថា សំណង់របស់ម្ចាស់ឈ្មោះ ម៉ែន ណារិន (ប្រុស) ខាងលើនេះពិតជាបានសាងសង់ចូលចំណីផ្លូវរដ្ឋពិតប្រកដមែន។ ដែលមានទទឹង2.9ម៉ែត្រ បណ្តោយ14.9ម៉េត្រ កំពស់3.4ម៉េត្រ ដោយសង់ចាក់ជាធ្នឹម រៀបឥដ្ឋ20 ជាប្រភេទសំណង់រឹង ដែលក្រុមការងារចម្រុះចុះធ្វើកំណត់ហេតុហៅម្ចាស់មកផ្តិតមេដៃ អោយរុះរើចេញវិញ។ លោក ខាត់...

(បន្ទាយមានជ័យ)៖ ពលករខែ្មរដែលត្រលប់មកពីប្រទេសថៃ ជាង20នាក់ ដែលកំពុងធ្វើចត្តាឡីស័កនៅមណ្ឌលកូបធំ ក្នុងសង្កាត់និមិត្តក្រុងប៉ោយប៉ែត ខេត្តបន្ទាយមានជ័យ បែកគំនិតយកអាល់កុលបាញ់ដៃ សំរាប់ធ្វើអនាម័យ លាយជាមួយទឹកតែអូអ៊ិជិ និងទឹកក្រូច ផឹកត្រូវពុលស្លាប់និងកំពុងសង្គ្រោះជាច្រើននាក់ ។ លោកហឿន វីរៈអភិបាលរងក្រុងប៉ោយប៉ែត បានប្រាប់ថា ពិតជាមានករណីពលករខ្មែរ ដែលកំពុងធ្វើចត្តាឡីស័កនៅមណ្ឌលកូបធំ សង្កាត់និមិត្ត ក្រុងប៉ោយប៉ែត ពុល និងស្លាប់ពិតប្រាដកមែន។ ដែលពលករប្រមាណជាងនាក់ ត្រូវបានបញ្ជូនទៅកាន់មន្ទីរពេទ្យបង្អែកក្រុងប៉ោយប៉ែត។ លោកបញ្ជាក់ថា ករណីគឺបណ្តាលមកបងប្អូនពលករទាំងនោះ បានយកអាល់ដែលដាក់សំរាប់ឲ្យពួកគាត់បាញ់ធ្វើអនាម័យ យកទៅលាយជាមួយតែអូអ៊ិជិ និងទឹកក្រូច រួចនាំគ្នាទទួលទាន ត្រូវបានពុលស្លាប់នៅកន្លែង និងខ្លះទៀតពុលស្លាប់នៅមន្ទីរពេទ្យ ដែលតាមការសាកសួរពលករថា ពួកគាត់ធ្លាប់លាយបែបនេះផឹកជាប្រចាំ កាលនៅប្រទេសថៃ។ លោក រឿន សុធី អនុប្រធានមន្ទីរសុខាភិបាល និងជាអ្នកនាំពាក្យ មន្ទីរសុខាភិបាលខេត្តបន្ទាយមានជ័យ បានប្រាប់នៅត្រឹមវេលាម៉ោង9ព្រឹកថ្ងៃទី12...

មហាជនមួយចំនួនប្រាកដជាមិនទាន់ស្គាល់ពីប្រវត្តិខ្លះៗរបស់អ្នកសំដែងរូបនេះ កញ្ញាសាយរង្សីដែលមានអាជីពជាពិធីការនីពត៌មានជាច្រើនឆ្នាំ បានងាកមកចាប់អាជីពជាតួសំដែងវិញម្តង។ហើយមួយរយះចុងក្រោយនេះគេសង្កេតឃើញថារឿងកញ្ញាត្រូវបានមហាជនគាំទ្រ នឹងសរសើរថាសំដែងសមអត់ទាស់ មិនថាតួកាចឬតួស្លូតឡើយបើទោះប្បីជាកញ្ញា ទើបតែចាប់អាជីពសំដែងនេះទើបតែបានរយះពេល 2ឆ្នាំប៉ុណ្ណោះ តែកញ្ញាបានសំដែងបានជាង 50រឿងហើយដែលភាគច្រើនសុទ្ធសឹងតែជារឿងបែបអប់រំ អ្នកសំដែងដែលមានដើមកំណើតមកពីខេត្តកំពតរូបនេះ បានប្រាប់អោយដឹងថា ខ្លួនមានក្តីស្រមៃចង់ក្លាយជាតារាសំដែង នឹងអ្នកបង្ហាញម៉ូតតាំងតែពីតូចមកម្លេះប៉ុន្តែដោយសារតែខ្លួនយល់ថារូបសម្បត្តិនឹងកំពស់មិនអំណោយផលទើបបោះបង់ក្តីស្រមៃនេះចោល ហើយនៅថ្ងៃមួយក៍មានអ្នកដឹកនាំម្នាក់ប្រកាសរើសតួសំដែងទាំងថ្មីនឹងចាស់ខ្លួនក៍សំរេចចិត្តដាក់ពាក្យចូលសំដែងសាកល្បង រឿងដំបូងក៍ត្រូវបានអ្នកដឹកនាំ មិត្តភក្តិនឹងក្រុមគ្រួសារ សរសើរនឹងលើកទឹកចិត្តថាសំដែងបានល្អ មានដុងហើយសំដែងទៀតទៅ កុំបោះបង់ចោលក្តីស្រមៃអី ទើបខ្លួនបន្តសំដែងដល់សព្វថ្ងៃតែម្តង។តោះចង់ដឹងមហាជន comment បែបណាខ្លះពីការសំដែងរបស់កញ្ញា សាយ រង្សី យើងមកមើលទាំងអស់គ្នា ជាចុងក្រោយកញ្ញាក៍ថ្លែងអំណរគុណដល់ទស្សនិកដែលតែងតែចូលចិត្តនឹងគាំទ្រការសំដែងរបស់កញ្ញាកន្លងមក ហើយកញ្ញាក៍សុំអភ័យទោសពីមហាជនបើមានការខុសឆ្គងលើសលោះកន្លែងណាដោយអចេតនា ហើយកញ្ញាក៍សូមជូនពរដល់បងប្អូនប្រជាជនកម្ពុជាទាំងអស់អោយមានសុខភាពល្អ នឹងចៀសផុតពីជំងឺកូវីត 19 ។ ...

  ភ្នំពេញ: រថយន្តក្រឡុកស៊ីម៉ង់ត៍មួយគ្រឿងបើកបរមិនប្រយ័ត្នជ្រុលទៅបុកគូថរថយន្តក្រឡុកស៊ីម៉ង់ត៍មួយគ្រឿងទៀតបណ្ដាលឲ្យរេចង្កូតទៅបុកចូលស្ថានីយប្រេងឥន្ធនៈមួយកន្លែង(យីហោ លី ហ៊ាង) ដែលស្ថិតនៅតាមបណ្ដោយផ្លូវភ្នំពេញហាណូយ កែងនិងផ្លូវឧកញ៉ាម៉ុងរិទ្ធី ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញកាលពីវេលាម៉ោង៩ យប់ថ្ងៃទី៩ ខែវិច្ឆិកាឆ្នាំ២០២១។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តក្រឡុកស៊ីម៉ង់មួយគ្រឿងម៉ាកFU SOពណ៌សពាក់ស្លាកលេខ5A-2359ធ្វើដំណើរតាមបណ្ដោយផ្លូវផ្លូវភ្នំពេញហាណូយទិសដៅពីត្បូងទៅជើងក្នុងល្បឿនលឿនលុះមកដល់ចំណុចកើតហេតុខាងលើបានជ្រុលទៅបុកគូថរថយន្តក្រឡុកស៊ីម៉ង់ត៍មួយគ្រឿងទៀតនៅខាងមុខពេញទំហឹងបណ្តាលឲ្យរងការខូចខាតយ៉ាងដំណំ រួចបានរេចង្កូតមកខាងស្ដាំដៃបុកចូលស្ថានីយ៍ប្រេងឥន្ធនៈយីហោ លីហ៊ាង បណ្ដាលឲ្យរនាំងដែកដែលបានបាំងនៅជុំវិញស្ថានីយ៍ប្រេងឥន្ធនៈខូចខាតបន្តិចបន្តួច ឯរថយន្តទៅមុខលេងរួច។ ក្រោយកើតហេតុសមត្ថកិច្ចមូលដ្ឋាននិងជំនាញបានចុះមកដល់កន្លែងកើតហេតុខាង បានឲ្យភាគីទាំងពីរធ្វើការសម្រុះសម្រួលគ្នា បន្ទាប់មកភាគីទាំងពីរបានស្គាល់គ្នាផង រងចាំថ្ងៃស្អែកសុំធ្វើការសម្របសម្រួលគ្នាដើម្បីបញ្ចប់រឿង បន្ទាប់មករថយន្តក្រឡុកស៊ីម៉ង់ត៍មួយគ្រឿងមកអូសរថយន្តក្រឡុកស៊ីម៉ងត៍ដែលជារថយន្តបង្កទៅធ្វើការជួសជុលដោយខ្លួនឯង៕ដោយ កុសល់

  ភ្ភ្នំពេញ: រថយន្តដែកដឹកខ្សាច់មួយគ្រឿងបេីកបរក្នុងល្បឿនលឿនខ្វះការប្រុងប្រយ័ត្នជ្រុលបុកជាមួយរថយន្តស៊េរីទំនេីបមួយគ្រឿងរងការខូចខាតហេីយរថយន្តមិនទាន់អស់ល្បឿនក៏បន្តបុកចូលផ្ទះប្រជាពលរដ្ឋមួយកន្លែងទៀតបណ្តាលឲ្យរងការខូចខាត និងធ្វេីឱ្យក្មេងស្រីម្នាក់រងរបួស។ ហេតុការណ៍ នេះបានកេីតឡេីងកាលពីវេលាម៉ោង១១យប់ ថ្ងៃទី៩ វិច្ឆិកា ឆ្នាំ២០២១ នៅចំណុចមុខវត្តចាក់អង្រែក្រោម តាមបណ្តោយផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។ តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តស៊េរីទំនេីបម៉ាក ម៉ែកសឺដេស ពណ៌ខ្មៅ ពាក់ស្លាកលេខ កម្ពុជា K.SARUN 6 ធ្វេីដំណេីរតាមបណ្តោយផ្លូវបេតុងក្នុងទិសដៅពីត្បូងទៅជេីងឡេីងលេីផ្លូវ៦០ម៉ែត្រ ខណៈបេីកឡេីងក្បាលរថយន្តបានបន្តិចស្រាប់តែមានរថយន្តបែនដឹកខ្សាច់ ពណ៌ស ពាក់ស្លាកលេខភ្នំពេញ3F-0566 ធ្វេីដំណេីរតាមបណ្តោយផ្លូវ៦០ម៉ែត្រក្នុងទិសដៅពីកេីតទៅលិចហេីយបានជ្រុលបុកចំពីមុខពេញទំហឹងបណ្តាលឱ្យរងការខូចខាត ហេីយរថយន្តបែននៅមិនទាន់អស់ល្បឿនក៏បន្តទៅបុកចូលផ្ទះប្រជាពលរដ្ឋមួយកន្លែងទៀតធ្វេីឲ្យម្តាយកូន២នាក់ដែលកំពុងអង្គុយលក់ម្ហូបចូលក្រោមរថយន្តរងរបួសផងដែរ ដោយឡែករថយន្តគាបជាប់ទៅមុខលែងរួច។ ក្រោយកេីតហេតុជនរងគ្រោះម្តាយនិងកូនស្រីអាយុប្រហែល៩ទៅ១០ឆ្នាំត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ ដោយឡែករថយន្តទាំងពីរគ្រឿងត្រូវបានសមត្ថកិច្ចធ្វេីការវាស់វែងយកទៅរក្សាទុកនៅការិយាល័យចរាចរណ៍ជេីងគោកនៃស្នងការនគរបាលរាជធានីភ្នំពេញរងចាំដោះស្រាយពេលក្រោយ៕ដោយ កុសល់

បន្ទាយមានជ័យ៖ កម្មករសំណង់ម្នាក់ដាច់ខ្យល់ស្លាប់លើម៉ូតូឌុប បន្សល់កូនតូច02នាក់ សមត្ថកិច្ចកំពុងប្រកាសរកសាច់ញាតិ ហេតុការណ៍នេះកើតឡើងនៅវេលាម៉ោ21,30នាទីយប់ថ្ងៃទី09 ខែវិច្ឆិកា ឆ្នាំ2021 នៅលើផ្លូវជាតិលេខ5 មុខការ៉ាស់សាំងPTT ក្នុងភូមិបាលិលេយ្យ សង្កាត់.ក្រុងប៉ោយប៉ែត។ អាជ្ញាធរភូមិបានប្រាប់ថា ជនរងគ្រោះឈ្មោះ សិង្គ ភ័ណ្ណារ៉ា ភេទប្រុស អាយុ 53ឆ្នាំ ជាកម្មករសំណង់ ដែលបន្សល់កូនចំនួន02នាក់ កូនប្រុសបង ឈ្មោះ សិង្គ ផាណាត់ អាយុ12ឆ្នាំ កូនស្រីទី2ឈ្មោះ សិង្គ ធារី អាយុ09ឆ្នាំ ទាំង03នាក់ឳពុកកូន ស្នាក់នៅបន្ទប់ជួលមួយកន្លែងក្នុងភូមិកើតហេតុខាងលើ។ ប្រភពសមត្ថកិច្ចនៅកន្លែងកើតហេតុបានឲ្យដឹងថា បើយោងតាមព័ត៌មានពីអ្នកជិតខាងថា មុនដំបូងជនរងគ្រោះបានទល់លាមក2ថ្ងៃមកហើយ ទើបមិនស្រួលខ្លួន បានសម្រេចហៅម៉ូតូឌុប ឲ្យដឹកខ្លួនមកពេទ្យ តែមិនទាន់ដល់ពេទ្យផង ក៏ដាច់ខ្យល់ស្លាប់តែម្តង។ ប្រភពដដែលបន្ថថា ដោយសារគាត់បានបែកបាក់គ្នាជាមួយប្រពន្ធទើប...