ពិធីការ

ខេត្តព្រះវិហារ.អគារស្នាក់ការគណបក្សប្រជាជនកម្ពុជាឃុំភ្នំត្បែងមួយក្នុងស្រុកសង្គមថ្មី១ខ្នងទៀតត្រូវបានសម្ភោធកាត់ខ្សែរបូរណ៏ដាក់ឲ្យប្រើប្រាស់ជាផ្លូវការហើយនៅព្រឹកថ្ងៃទី១៩ខែកញ្ញាឆ្នាំ២០២១។ ដែលពិធីនេះគឺបានប្រារព្វធ្វើឡើងក្រោមអធិបតីភាពលោកមាស សុភាសមាជិកគណះអចិន្ត្រៃគណកម្មាធិការកណ្តាលគណបក្សប្រជាជនកម្ពុជា នឹងជាប្រធានក្រុមការងារគណបក្សចុះមូលដ្ឋានខេត្តព្រះវិហារលោកប្រាក់ សុវណ្ណប្រធានគណះកម្មាធិការគណបក្សប្រជាជនកម្ពុជាខេត្តព្រះវិហារនិងដោយមានការអញ្ជើញចូលរួមពីសំណាក់អស់លោក លោកស្រីដែលជាសមាជិកសមាជិការក្នុងជួរគណបក្សប្រជាជនកម្ពុជាជាច្រើនកុះករផងដែរ។ លោកមាស សុភាសមាជិកគណះអចិន្ត្រៃគណកម្មាធិការកណ្តាលគណបក្សប្រជាជនកម្ពុជានឹងជាប្រធានក្រុមការងារគណបក្សចុះមូលដ្ឋានខេត្តព្រះវិហារបានមានប្រសាសន៏ថ្លែងអំណរគុណយ៉ាងជ្រាលជ្រៅចំពោះសម្តេចតេជោ ហ៊ុន សែនប្រធានគណបក្សប្រជាជនកម្ពុជាដោយលោកបានចាត់ទុកសម្តេចគឺជាសសរគ្រឹះដ៏រឹងមាំដែលជាមេបក្សដែលបានដឹកនាំគណបក្សប្រជាជនកម្ពុជាដែលជាគណបក្សដ៏ចាស់វស្សាជាងគេបង្អស់ក្នុងចំណោមមេគណបក្សជាច្រើនដែលមានក្នុងបញ្ជីឈ្មោះបោះឆ្នោតនៅក្នុងប្រទេសកម្ពុជារបស់យើងនាពេលកន្លងមកក៏ដូចជាក្នុងពេលបច្ចុប្បន្ននេះក៏ប៉ុន្តែមេគណបក្សមួយចំនួនខ្លះនោះហាក់មិនមានគោលនយោបាយដឹកនាំសមាជិកខ្លួនឲ្យបានច្បាស់លាស់នឹងត្រឹមត្រូវក្នុងជួរបក្សរបស់ខ្លួននោះដែលកត្តាទាំងនេះហើយទើបធ្វើឲ្យគណបក្សខ្លះបានក្លាយទៅជាគណបក្សក្រមួនគឺបង្កើតឡើងបាននៅមុនពេលបោះឆ្នោតតែមួយភ្លែតហើយក៏ត្រូវរលាយបាត់ទៅវិញក្រោយបោះឆ្នោតទទួលលទ្ធផលចាញ់នោះដែរ។ ហើយកាបោះឆ្នោតចាញ់ឬក៏ឈ្នះលោកមាស សុភាលើកឡើងថាគឺវាស្ថិតនៅលើសមាជិកគាំទ្របក្សខ្លួនច្រើនឬតិចចឹងសរុបសេចក្តីមកលោកមាស សុភាថាគណបក្សខ្លះមានតែស្នាក់ការនៅតែក្រុងភ្នំពេញឯនៅតាមបណ្តាខេត្តក្រុងស្រុកឬជនបទមិនមានផងនោះហើយបេក្ខភាពដែលឈឈ្មោះបោះឆ្នោតនោះទៀតសោតប្រជាពលរដ្ឋដោយលោកនិងមិនបានដែលនិងបានស្គាល់ឈ្មោះឬក៏ឃើញមុខផងចឹងសួរថាអោយពួកគាត់ដែលជាប្រជាពលរដ្ឋនឹងជាម្ចាស់ប្រទេសទាំងមូលលោកបោះឆ្នោះជូនឲ្យដោយរបៀបណាដែលវាផ្ទុយស្រលះពីបេក្ខភាពដែលកើតចេញពីថ្នាក់ដឹកគណបក្សប្រជាជនកម្ពុជាដែលក្រោយឬក៏មុនបោះឆ្នោតគឺតែងតែនៅរួមសុខរួមទុកជាមួយនឹងបងប្អូនប្រជាពលរដ្ឋដែលជាម្ចាស់ឆ្នោតជានិច្ចដោយមិនគេចវេសនូវរាល់បញ្ហាដែលប្រឈមនោះឡើយ។ ជាមួយគ្នានោះដែរលោកប្រាក់ សុវណ្ណប្រធានគណកម្មាធិការគណបក្សប្រជាជនកម្ពុជាខេត្តព្រះវិហារក៏បានលើកឡើងថាបច្ចុបន្នគណបក្សប្រជាជនកម្ពុជាគឺបានចាក់ច្រេះប្រទាក់ក្រឡាយ៉ាងរឹងមាំទៅលើធនធានមនុស្សចាក់គ្រឹះដោយសម្បត្តិធនធានដែលកត្តាទាំងនេះហើយដែលជាជើងទម្រដ៏រឹងបុឹងក្នុងជួរបក្សហើយដឹកនាំផ្ទៃក្នុងបក្សបានយ៉ាងរឹងមាំនឹងឈានទៅដឹកនាំប្រទេសដោយទទួលនូវភាពរីកចម្រើនរក្សាបាននូវសុខសន្តិភាបានយ៉ាងពេញលេញហើយដ៏រាបណាប្រទេសមានសុខសន្តិភាពហើយនោះចឹងការអភិវឌ្ឍទៅលើហេដ្ឋារចនាសម្ព័ននានាក៏បានទៅតាមហ្នឹងនោះដែរ។ គួរបញ្ជាក់ផងដែរថាបើតាមរបាយការណ៏របស់លោកសំ លាងទ្រីប្រធានក្រុមការងារគណបក្សថ្នាក់ខេត្តចុះជួយស្រុកសង្គមថ្មីថាអគារស្នាក់ការគណបក្សប្រជាជនកម្ពុជាឃុំភ្នំត្បែមួយដែលនិងត្រូវសម្ភោធដាក់ឲ្យប្រើប្រាស់ជាផ្លូវកានាពេលនេះគឺមានទំហុំមណ្តោយប្រវែង១០.៥ម៉ែតទទឹង៩ម៉ែតនឹងកម្ពស់៦.១ម៉ែតសាងសង់អំពីថ្មប្រកក្បឿងនឹងបាតក្រោមក្រាលការ៉ូដោយចាប់ផ្តើមសាងសងនៅថ្ងៃទី២៩ខែតុលាឆ្នាំ២០២០រួចរាល់ជាស្ថាពរនៅថ្ងៃទី០៥ខែមករាឆ្នាំ២០២១នៅលើផ្ទៃដីទំហុំ៣២.៧០ម៉ែតការេ៉ចំណាយអស់ថវិកាសរុប(មួយរយដប់មួយលាន សូន្យហុកសិបមួយពាន់រៀលគត់។ដោយ សួនក្រែង

កោះកុង៖ ដើម្បីចូលរួមចំណែកការអភិវឌ្ឍន៍ប្រទេសជាតិ និងលើកកម្ពស់សុខមាលភាពសង្គម រាជរដ្ឋាភិបាលកម្ពុជា ដែលមានសម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីកម្ពុជាបានដាក់ឱ្យរដ្ឋបាលខេត្តបន្តចាក់វ៉ាក់សាំង sinovac ទៅដល់កុមារជាសិក្សានុសិស្ស ក្នុងគោលបំណងអោយសាលានៅទូទាំងខេត្តបានបើកឡើងពេញក្នុងពេលឆាប់ៗនេះ ។ រដ្ឋបាល ខេត្តកោះកុងបានបើកយុទ្ធនាការចាក់វ៉ាក់សាំងការពារជំងឺកូវីដ- ១៩ ជូនដល់កុមារចាប់ពីអាយុ ០៦ ឆ្នាំដល់ក្រោម១២ ឆ្នាំ ទូទាំងខេត្តកោះកុង នៅគ្រប់បណ្តាក្រុង ស្រុកទាំង៧ រយ:ពេល៧ថ្ងៃ ដោយចាប់ផ្តើមពីថ្ងៃទី១៧ ខែកញ្ញា ឆ្នាំ២០២១ កន្លងទៅនេះ ។ ហើយយុទ្ធនាការចាក់វ៉ាក់សាំងដល់កុមារជាសិក្សានុសិស្សនេះដែរ នៅសាខាកាកបាទក្រហមកម្ពុជាខេត្តកោះកុងរយ:ពេល២ ថ្ងៃកន្លងទៅនេះ ឃើញឪពុក ម្ដាយ ដែលជាអាណាព្យាបាល បាននាំកូនប្រុសស្រីមកទទួលចាក់វ៉ាក់សាំងកូវីដ-១៩ ដោយទឹកមុខញញឹមញញឹមរីករាយហាក់បីដូចជាសាទរដែលកូនៗរបស់គាត់បានទទួលវ៉ាក់សាំងការពារជំងឺកូវីដ-១៩ ។ លោកវេជ្ជបណ្ឌិត ទៅ ម៉ឹង បានឲ្យដឹងថា...

នៅព្រឹកថ្ងៃទី ១៨ ខែកញ្ញា ឆ្នាំ ២០២១ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសបានបន្តបំពេញបេសកកម្មនៅខេត្តរតនគិរីដើម្បី នាំយករង្វាន់លើកទឹកចិត្តរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ទៅប្រគល់ជូន លោកយាយ លោកតា ចំនួន ៣នាក់ ដែលបានស្ម័គ្រចិត្តចាក់វ៉ាក់សាំងការពារជំងឺកូវីដ-១៩ រស់នៅខេត្តរតនគិរី។ ១.លោកយាយ ហ្វឿយ ផាន់ ព្រះជន្ម ១០៥ឆ្នាំ រស់នៅភូមិបាក់កែ ឃុំវើនសៃ ស្រុកវើនសៃ ខេត្តរតនគិរី ២.លោកយាយ ទៀង យ៉ល ព្រះជន្ម ១០២ឆ្នាំ រស់នៅឃុំចាអ៊ុង ស្រុកអូជុំ ខេត្តរតនគិរី ៣.លោកតា...

កំពង់ស្ពឺ៖ មន្ត្រីជំនាញការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(កបប) សាខាខេត្តកំពង់ស្ពឺ សហការជាមួយមន្ត្រីជំនាញមន្ទីរពាណិជ្ជកម្មខេត្ត បានចុះត្រួតពិនិត្យតាមបណ្ដាស្ថានីយ និងដេប៉ូប្រេងឥន្ធនៈមួយចំនួនដែលបាននិងកំពុងបើកអាជីវកម្មនៅតាមបណ្តាក្រុង-ស្រុក ក្នុងខេត្តដើម្បីពិនិត្យពីសុច្ចរិតភាព និងការអនុវត្តអនុលោមភាពក្នុងអាជីវកម្ម នៅថ្ងៃទី១៧ ខែកញ្ញា ឆ្នាំ២០២១។ លោក ចាន់ សារ៉ាវុធ ប្រធានសាខា(កបប)ខេត្តកំពង់ស្ពឺ បានឱ្យដឹងថា ក្នុងប្រតិបត្តិការត្រួតពិនិត្យនោះ មន្ត្រីជំនាញបានត្រួតពិនិត្យលើស្ថានីយ និងដេប៉ូប្រេងឥន្ធនៈចំនួន៧ទីតាំងក្នុងក្រុងច្បារមន និងស្រុកសំរោងទង។ ក្នុងចំណោមទីតាំងទាំង៧នោះ មន្ត្រីជំនាញបានរកឃើញម្ចាស់ទីតាំងចំនួន៥បានរកស៊ីប្រគួតប្រជែងមិនសុច្ចរិតកេងប្រវ័ញ្ចបរិមាណលីត្រ និងបច្ចេកទេសគុណភាពប្រេងមិនអនុលោមលើផ្នែកគុណភាព និងរង្វាសរង្វាល់។ លោកប្រធានសាខា(កបប)ក៏បានបញ្ជាក់ផងដែរថា ចំពោះស្ថានីយ និងដេប៉ូប្រេងដែលមិនអនុលោមភាពទាំង៥ខាងលើមន្ត្រីបានធ្វើការណែនាំ និងផាកពិន័យតាមច្បាប់ដើម្បីប្រមូលថវិកាចូលកញ្ចប់ថវិកាជាតិ។ ក្នុងករណីមិនអនុវត្តតាមការផាកពិន័យនេះទេ មន្ត្រីជំនាញនឹងធ្វើការបិទអាជីវកម្មទាំងស្រុងហើយកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់៕ដោយ តារា

ស្ត្រីម្នាក់រងរបួសដោយគ្រាប់កាំភ្លើង  ខណៈកំពុងហូបបាយនៅមុខផ្ទះ  ស្រាប់តែមានបុរសពីរនាក់ជិះម៉ូតូ មួយគ្រឿងដកកភ្លេីងបាញ់រះទៅលើរថយន្តរបស់កូនប្រសាររបស់នាងដែលបានកាត់ពីមុខពួកគេ ស្ថិតនៅស្រុក ខនកាលពីយប់ថ្ងៃព្រហស្បតិ៍។ ស្ត្រីរងគ្រោះមានឈ្មោះ Lonlada Thanitsawong អាយុ ៥៨ ឆ្នាំត្រូវរបួសជើងហើយប្រញាប់បញ្ជូនទៅមន្ទីរពេទ្យ។ កូនប្រសាររបស់នាងឈ្មោះ Pongsathorn Khiewklang បានប្រាប់ប៉ូលីសថាខណៈពេលដែល គាត់កំពុងបើកឡានរបស់គាត់ទៅផ្ទះម្តាយក្មេកមានបុរសពីរនាក់ជិះម៉ូតូតាមគាត់តែគាត់មិនបានយកចិត្តទុកដាក់ចំពោះពួកគេទេ។ លោកបានបន្តថាបុរសទាំងពីរនាក់បានតាមគាត់រហូតមកដល់ផ្ទះម្តាយក្មេករបស់ គាត់ជាកន្លែងដែលគាត់និងសមាជិកគ្រួសារផ្សេងទៀតកំពុងរីករាយជាមួយអាហារពេលយប់នៅមុខផ្ទះ។ហើយបុរសពីរនាក់បានជិះម៉ូតូឈប់ប្រហែល ១៥០ ម៉ែត្រពីមុខផ្ទះដកយកកាំភ្លើងរះទៅលើឡានរបស់គាត់ រួចក៏ជិះរត់គេចបាត់។ ប៉ូលីសបាននិយាយបន្ទាប់ពីសួរចម្លើយសាក្សីនៅតំបន់នោះថាពួកគេគិតថាបុរសដែលបាញ់កាំភ្លើងនោះទើបតែត្រូវបានដោះលែងពីពន្ធនាគារថ្មីៗនេះបន្ទាប់ពីត្រូវបានផ្តន្ទាទោសពីបទល្មើសប្រើប្រាស់អាវុធ។ ប៉ូលីសបានកំពុងពិនិត្យមើលវីដេអូកាមេរ៉ានៅក្នុងតំបន់ហើយនឹងតាមរកអ្នកបាញ់និងបក្ខពួករបស់វា៕

  ភ្នំពេញ ៖ អគ្គីភ័យមួយបានឆាបឆេះផ្ទះឆ្នៃពីទូកុងតឺន័រដ៏ធំ ដែលនៅជាប់ផ្លូវថៃហ្គរ ក្នុងសង្កាត់ព្រែកឯង ខណ្ឌច្បារអំពៅ បង្កការភ្ញាក់ផ្អេីលប្រជាពលរដ្ឋនិងអាជ្ញាធរមូលដ្ឋានចេញរថយន្តពន្លត់អគ្គីភ័យមកបាញ់ពន្លត់កាលពីវេលាម៉ោង១ និង១០នាទីរំលងអាធ្រាត្រ ឈានចូលថ្ងៃទី ១៨ ខែកញ្ញា ឆ្នាំ ២០២១ ។ សមត្ថកិច្ចបានឲ្យដឹងថា ម្ចាស់ផ្ទះរងគ្រោះមានឈ្មោះ ទិត្យ ភក្តី ភេទប្រុស អាយុ៣០ឆ្នាំ មុខរបប បុកគ្រិះ ។ តាមសម្ដីបុរសជាម្ចាស់ផ្ទះរងគ្រោះបានប្រាប់ឲ្យដឹងថា នៅយប់ថ្ងៃកេីតហេតុ រូបគាត់និងប្រពន្ធកូន បានសម្រាកក្នុងផ្ទះដូចសព្វដង ។ ក្រោយមកស្រាប់តែមានផ្សែងហុយពីខាងក្រៅផ្ទះ រួចគាត់ក៏ចេញមកមេីលស្រាប់តែភ្លេីងឆាបឆេះសម្ភារៈមួយចំនួន ទេីបបុរសជាម្ចាស់ផ្ទះបានយកបំពង់ពន្លត់អគ្គីភ័យមកបាញ់អស់ចំនួន៣បំពង់ តែមិនរលត់ ក៏ទាក់ទងទៅអាជ្ញាធរមូលដ្ឋានឲ្យជួយចេញរថយន្តពន្លត់អគ្គីភ័យមកបាញ់ពន្លត់ ។ បន្ទាប់ពីទទួលបានព័ត៌មានខាងលេីនេះភ្លាមៗ រដ្ឋបាលខណ្ឌច្បារអំពៅ បានចេញរថយន្តពន្លត់អគ្គីភ័យចំនួន១គ្រឿង និងមានរថយន្តពន្លត់អគ្គីភ័យមួយគ្រឿងទៀតរបស់ក្រុមហ៊ុនបុរីប៉េងហួត ចុះមកជួយបាញ់ទឹកពន្លត់ដែរ តែក្នុងករណីអគ្គីភ័យខាងលេីនេះ អាជ្ញធរមូលដ្ឋានបានប្រេីពេលតែកន្លះម៉ោង និងប្រេីប្រាស់ទឹកតែ១ឡានប៉ុណ្ណោះ...

  ភ្នំពេញ ៖ មនុស្សប្រុសស្រី៧នាក់ ដែលជាអ្នកមេីលការខុសត្រូវនិងអ្នកលេងហ្គេមបាញ់ត្រីខុសច្បាប់មួយកន្លែងក្នុងមជ្ឈមណ្ឌល ជីន សសេង ទីក្រុងអានីម ក្បែរស្ពានហង្ស កោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន ត្រូវបានសមត្ថកិច្ចឃាត់ខ្លួនកាលពីវេលាម៉ោង១០ និង២០នាទីយប់ ថ្ងៃទី១៧ ខែកញ្ញា ឆ្នាំ២០២១ ។ តាមប្រភពព័ត៌មានបានឲ្យដឹងថា ទីតាំងខាងលេីនេះបានលួចលាក់បេីកលេងហ្គេមបាញ់ត្រីជាច្រេីនថ្ងៃ ខែមកហេីយ ទេីបនៅយប់ថ្ងៃទី១៧ កញ្ញា នេះ កម្លាំងគណៈបញ្ចាការឯកភាពខណ្ឌចំការមនធ្វេីការចុះបង្ក្រាបឃាត់ខ្លួនមនុស្សប្រុសស្រី៧នាក់បញ្ចូនទៅកានអធិការដ្ឋាននគរបាលខណ្ឌចំការមន ដេីម្បីអនុវត្តន៍តាមនីតិវិធី ច្បាប់ ។ ចំណែកវត្ថុតាងទាំងប៉ុន្មាននៅក្នុងទីតាំងខាងលេី គឺអាជ្ញាធរបិតទ្វាចាក់សោរទុកចោលជា បណ្ដោះអាសន្ន ។ គួរបញ្ចាក់ផងដែរថា ទីតាំងហ្គេមបាញ់ត្រីខាងលេីនេះ មិនត្រឹមតែជាល្បែងខុសច្បាប់នោះទេ ថែមទាំងល្មេីសនិងសេចក្ដីសម្រេចរបស់រដ្ឋបាលរាជធានីភ្នំពេញ ផងដែរ ៕ដោយ កុសល់

ព្រះសីហនុ៖​ លោក សាយ សំអាល់ រដ្ឋមន្ត្រីក្រសួងបរិស្ថាន បានអញ្ជើញប្រគល់រង្វាន់ជ័យលាភីមាសសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងសម្ពោធសួនជីវៈចម្រុះ សួនព្រឹទ្ធាចារ្យ ជុំ ហ៊ល សួនអំណានព្រឹទ្ធាចារ្យ លឹម ណៃ និងតារាងប៉េតង់ ស្ថិតនៅក្នុងបរិវេណសាលាវិទ្យាល័យ ហ៊ុន សែន មិត្តភាព ស្ថិតនៅសង្កាត់លេខ៤ ក្រុង ខេត្តព្រះសីហនុ​កាលពីរសៀលថ្ងៃទី ១៧ ខែកញ្ញា។ ក្នុងឱកាសនោះ លោក សាយ សំអាល់ បានថ្លែងការកោតសរសើរចំពោះគណៈគ្រប់គ្រង លោកគ្រូ អ្នកគ្រូ បុគ្គលិកសិក្សា នៅវិទ្យាល័យហ៊ុន សែន មិត្តភាព ដែលបានខិតខំប្រឹងប្រែងថែរក្សាការពារបរិស្ថានរហូតទទួលបានជ័យលាភីមាសសាលាមេត្រីបរិស្ថានឆ្នាំ២០២១ ពីក្រសួងបរិស្ថាន លើការបញ្ជ្រាបចំណេះដឹង ការផ្លាស់ប្ដូរផ្នត់គំនិត ការលើកកម្ពស់ស្មារតីស្រលាញ់បរិស្ថាន...

មណ្ឌលគិរី៖ មន្ទីរបរិស្ថានខេត្តមណ្ឌលគិរីនៅថ្ងៃទី១៧ កញ្ញា ២០២១ ​បានបង្ហាញពីវត្តមានសត្វត្រយ៉ងចង្កំក-សដ៏កម្រ ដែលត្រូវបានប្រទះឃើញក្នុងដែនជម្រកសត្វព្រៃស្រែពករបស់ខេត្តមណ្ឌលគិរី ក្នុងពេលចុះស្រាវជ្រាវប្រមូលទិន្នន័យធ្វើបច្ចុប្បន្នភាពធនធានធម្មជាតិនិងសត្វព្រៃនាពេលថ្មីៗនេះ។ មន្រ្តីឧទ្យានុរក្សផ្នែកស្រាវជ្រាវសត្វព្រៃនិងជីវៈចម្រុះ ដោយមានការចូលរួមនិងគាំទ្រពីគម្រោងស្រាវជ្រាវរបស់អង្គការ WWF បានចុះសិក្សាស្រាវជ្រាវទីតាំងទ្រនំ និងធ្វើជំរឿនត្រយ៉ងចង្កំក-ស នៅក្នុងដែនជម្រកសត្វព្រៃស្រែពក។ ក្នុងនោះបានប្រទះឃើញទីតាំងទ្រនំត្រយ៉ងចង្កំក  ស ចំនួន៣កន្លែង និងមានសត្វត្រយ៉ងចង្កំក-សចំនួន១១ក្បាល និងបានឃើញកុកពាក់អំបោះចំនួន ០៤ក្បាល ផងដែរ។ យោងតាមការបញ្ជាក់ពីមន្ទីរបរិស្ថានខេត្តមណ្ឌលគិរីថា សត្វត្រយ៉ងចង្កំក-ស  ភាគច្រើនពួកវាមានទីជម្រកនៅតាមតំបន់ ខ្ពង់រាប ព្រៃភ្នំ ជាព្រៃរបោះ នឹងព្រៃស្រោង ដែលសំបូរទៅដោយប្រភពទឹក ដូចជា ថ្លុក ត្រពាំង បឹងបួ អូរ ព្រែក ស្ទឹង និងទន្លេ ជាដើម។ សត្វត្រយ៉ងចង្កំក-ស វាក៏ជាប្រភេទសត្វបក្សីមានដោយកម្រផងដែរ។ ប៉ុន្តែវាក៏មានវត្តមានតិចតួចនៅរដ្ឋខ្លះនៃប្រទេសឥណ្ឌា និងមួយចំនួនតូចទៀតនៅប្រទេស ឥណ្ឌូណេស៊ី...

ព្រំដែនកម្ពុជា ថៃ ៖ ទាហានឈុតខ្មៅថៃ ឃាត់ខ្លួនពលករខ្មែរចំនួន ៨នាក់ នៅភូមិសាស្រ្តពីរកន្លែងផ្សេងគ្នា ខណៈពេលដែលពួកគេលួចឆ្លងដែនចូលទៅក្នុងទឹកដីថៃ ដោយខុសច្បាប់។ ពលករខ្មែរបានចំនួន ៦នាក់ នៅព្រឹកថ្ងៃទី១៦ ខែកញ្ញា ឆ្នាំ២០២១ ត្រូវកម្លាំងយោធាព្រំដែនលេខ ១៣ និងកម្លាំងកងរយលេខ ១៣០២ បានស្ទាក់ចាប់។ ចំណែកពលករ២នាក់ទៀត បានរត់គេចខ្លួន ត្រង់ចំណុច ភូមិថាន់ចៃ ក្នុងឃុំថាប់ព្រិច ស្រុកអារញ្ញប្រាថេត ខេត្តស្រះកែវ ប៉ុន្តែនៅទីបំផុត កម្លាំងកងរយបានតាមចាប់ខ្លួនពលករដែលរត់គេចយកមកវិញដល់ត្រង់ចំណុវផ្លូវបំបែកថាន់ចៃ។ ពលករទាំងអស់បានសារភាពថា ពួកគេត្រូវបានមេខ្យល់ណាត់ឱ្យជួបជុំគ្នានៅក្នុង ឃុំបឹងបេង ស្រុកម៉ាឡៃ ខេត្តបន្ទាយមានជ័យ មុនពេលចេញដំណើរឆ្លងដែន ដោយបង់ប្រាក់ទៅឱ្យមេខ្យល់ក្នុងម្នាក់ៗចាប់ពី ៣.០០០ ទៅ ៤.០០០ បាត។ ក្រោយពីបានត្រួតពិនិត្យសុខភាពរួចមក ពលករទាំងអស់ ត្រូវបានទាហានឈុតខ្មៅថៃប្រគល់ទៅឱ្យកម្លាំងអធិការ ខ្លងណាំសៃ...