ព័ត៌មានជាតិ

  ភ្នំពេញ: បុរសជនជាតិចិនម្នាក់រួមដំណើរនឹងនារីជនជាតិចិនម្នាក់ទៀតបើករថយន្តកាមរីមួយគ្រឿងបត់ឆ្លងផ្លូវក្នុងល្បឿនលឿនខ្វះការប្រុងប្រយ័ត្នត្រូវបានបុរសម្នាក់ជិះម៉ូតូលឿនចាប់ហ្វ្រាំងមិនទាន់ជ្រុលបុកពីចំហៀង ខាងមុខពេញទំហឹងបណ្ដាលឲ្យដួលទៀតបោកទៅលើសួនចិញ្ចើមផ្លូវរងរបួសធ្ងន់ធ្ងរ។ ហេតុការនេះកើតឡើងកាលពីវេលាម៉ោង ៩ និង ៣០ នាទីយប់ថ្ងៃទី ៥ ខែធ្នូឆ្នាំ ២០២១ នៅចំណុចមុខបុរីអេវូដ តាមបណ្តោយផ្លូវ សហព័ន្ធរុស្សី ស្ថិតក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថាមុនកើតហេតុគេឃើញបុរសជនជាតិចិនម្នាក់រួមដំណើរនិងនារីជនជាតិចិនម្នាក់ទៀតបើករថយន្តកាមរីពណ៌សមួយគ្រឿងពាក់ស្លាកលេខភ្នំពេញ2AV-9733ធ្វើដំណើរតាមបណ្ដោយផ្លូវសហព័ន្ធរុស្ស៊ីទិសដៅពីកើតទៅលិច លុះមកដល់ចំណុចកើតហេតុខាងលើបានបត់ឆ្វេងដៃឆ្លងផ្លូវក្នុងល្បឿនលឿនមិនប្រយ័ត្ន ខណ:នោះក៏មានម៉ូតូមួយគ្រឿងម៉ាកឌ្រីមសង់ពណ៌ខ្មៅពាក់ស្លាកលេខព្រៃវែង1K-7631ជិះដោយបុរសម្នាក់បញ្រ្ចាសទិសដៅគ្នាទិសដៅពីលិចទៅកើតក្នុងល្បឿនលឿនចាប់ហ្វ្រាំងមិនទាន់ជ្រុលបុកពីចំហៀងរថយន្តផ្នែកខាងមុខខាងស្ដាំពេញទំហឹងបណ្តាលឲ្យដួលខ្ទាតទៅលើសួនចិញ្ចើមផ្លូវបោកក្បាលរងរបួសធ្ងន់ធ្ងរ ភ្លាមនោះត្រូវបានរថយន្តសង្គ្រោះបន្ទាន់បានដឹកជនរងគ្រោះទៅសង្គ្រោះនៅឯមន្ទីរពេទ្យភ្លាម។ចំណែកតៃកុងរថយន្តជាជនជាតិចិនត្រូវបានប្រជាពលរដ្ឋឃាត់ខ្លួនរួចប្រគល់ជូនសមត្ថកិច្ច។ ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូទៅរក្សាទុករង់ចាំធ្វើការដោះស្រាយគ្នាតាមផ្លូវច្បាប់៕ដោយ កុសល់

(បន្ទាយមានជ័យ)៖ ប្រជាពលរដ្ឋបានខ្សឹបថា ឈ្មួញដុះស្លែដែលពូកែខាងជីកដីលក់ប្រចាំក្រុងសិរីសោភ័ណ មានឈ្មោះហុក និងឈ្មោះសុខា ដែលបានប្រកបរបរអាជីវកម្មជីកដីលក់ រាប់ឆ្នាំស្ទើរដុះស្លែ ដែលរណ្តៅដីនីមួយៗ ជីកគឺជ្រៅៗខ្លាំងណាស់ មិនគោរពតាមការកំណត់ ឬច្បាប់ទម្លាប់អ្វីនោះទេ។ បើតាមប្រភពមន្ត្រីជំនាញប្រាប់ថា រណ្តៅរបស់ឈ្មួញឈ្មោះហុក ខាងលើនេះ គឺសុំអជ្ញាបណ្ណសិប្បកម្មធនធានរ៉ែចេញដោយរដ្ឋបាលខេត្តខេត្តបន្ទាយមានជ័យ ដែលអាចជីជម្រៅត្រឹម៥ម៉ែត្រតែប៉ុណ្ណោះ តែបែរជាឈ្មួញ ជីកឡើងចាស់ដៃតែម្តង ដែលរណ្តៅនីមួយៗមានជម្រៅមិនក្រោម ២០ម៉ែត្រនោះទេ។ ប្រជាពលរដ្ឋបានខ្សឹបឲ្យឮថា សព្វថ្ងៃនេះ មេឈ្មួញដីដុះស្លែ ឈ្មោះហុក និងឈ្មោះសុខា កំពុងជីក រណ្តៅដីពីរកន្លែង នៅខាងជើងភ្នំកងវ៉ា ស្ថិតនៅក្នុងភូមិកងវ៉ា សង្កាត់កំពុងស្វាយ ក្រុងសិរីសោភ័ណ ខេត្តបន្ទាយមានជ័យ ដែលក្នុងមួយ ថ្ងៃៗ សកម្មភាពជីកដី និងដឹកជញ្ជូនដី មិនក្រោម ពី១០០រថយន្តនោះទេ។ ចំណែកការដឹកដីទៀតសោត មិនបានគ្របឱ្យបានត្រឹមត្រូវនោះទេ...

  កោះកុង÷ លោកជំទាវ មិថុនា ភូថង អភិបាល នៃគណ:អភិបាលខេត្តកោះកុង អញ្ជើញចូលរួមពិធីចែកអំណោយសង្រ្គោះបន្ទាន់ ជូនគ្រួសារដែលប៉ះពាល់ និងងាយរងគ្រោះដោយជំងឺកូវីដ-១៩ ចំនួន ១៥០ គ្រួសារ នៅសង្កាត់ស្ទឹងវែង សង្កាត់ដងទង់ ក្រុងខេមរភូមិន្ទ នៅព្រឹកថ្ងៃ ទី៥ ខែធ្នូ ឆ្នាំ ២០២១ ក្រោមអធិបតីភាព ឯកឧត្តម វេជ្ជបណ្ឌិត សុះ មុះសិន សមាជិកគណ: កម្មការទី៨ នៃរដ្ឋសភា អនុប្រធានសហ ភាពសហព័ន្ធយុវជនកម្ពុជា និងជាប្រធានសមាគមនិស្សិតមុស្លិមកម្ពុជា។ ក្នុងនាមអាជ្ញាធរខេត្ត សូមថ្លែងអំណរ គុណចំពោះឯកឧត្តមវេជ្ជបណ្ឌិត សុះ មុះសិន សមាជិកគណ:កម្មការទី៨ នៃរដ្ឋ សភា អនុប្រធានសហភាពសហព័ន្ធយុវ...

ខេត្តមណ្ឌលគិរី : ក្រោយពីមានការស្ងប់ស្ងាត់អស់មួយរយៈពេល រឿងបទល្មើសព្រៃឈើ ក៏ដូចជាការកាប់រុករានទន្ទ្រានដីព្រៃរបស់រដ្ឋ ស្ទើរគ្រប់កន្លែងកន្លងមក ឥឡូវនេះគេសង្កេតឃើញថា ជំងឺចាស់ ចាប់ផ្ដើម រើឡើងវិញហើយ។ ជាក់ស្ដែងកាលពីថ្ងៃទី 28 ខែវិច្ឆិកាឆ្នាំ 2021 ក្រុមអ្នកសារព័ត៌មានយើងជាច្រើនអង្គភាព បានទៅដល់ភូមិ អូររវ៉ាក់ ឃុំរយ៉ ស្រុកកោះញែក ខេត្តមណ្ឌលគិរី ពេលនោះក៏បានប្រទះឃើញបទល្មើសការកាប់ទន្ទ្រានរុករានដីព្រៃ យកមកធ្វើជាកម្មសិទ្ធិរបស់ខ្លួន ដោយប្រើប្រាស់គ្រឿងចក្រ ( អេស្កាវ៉ាទ័រ ) ត្រង់ចំណុចភូមិ អូររវ៉ាក់ ឃុំរយ៉ ស្រុកកោះញែក ខេត្តមណ្ឌលគិរី ដែលកំពុងតែធ្វើសកម្មភាពយ៉ាងសកម្ម ហាក់បីដូចជាមានច្បាប់អនុញ្ញាតត្រឹមត្រូវណាស់អញ្ចឹង។ ជាមួយគ្នានោះដែរ ក្រុមអ្នកសារព័ត៌មានយើង បានទូរស័ព្ទទៅលោក ឌឹម នី អភិបាលនៃគណៈអភិបាលស្រុកកោះញែក និង លោក...

  ភ្នំពេញ: បុរសម្នាក់បានបាក់កស្លាប់ នៅនឹងកន្លែងកើតហេតុ យ៉ាងអាណោចអាឌម៌បន្ទាប់ពីជិះម៉ូតូមួយគ្រឿងជ្រុលទៅបុកកន្ទុយរឺម៉ករថយន្ត ចតចោលតាមចិញ្ចើមផ្លូវពីក្រោយ កាលពីវេលាម៉ោង៨និង៣០ នាទីយប់ថ្ងៃទី ៤ខែធ្នូឆ្នាំ ២០២១ នៅតាមបណ្តោយផ្លូវតុង ខាងក្រោយបុរីសន្តិភាព២ សង្កាត់ពងទឹកខណ្ឌដង្កោ រាជធានីភ្នំពេញ។ សពជនរងគ្រោះមានឈ្មោះ គូច ចិត ភេទប្រុស អាយុ២៩ឆ្នាំ មុខរបរជាងដែក ស្នាក់នៅក្បែរកន្លែងកើតហេតុខាងលើ មានស្រុកកំណើត នៅឯស្រុកទ្រាំង ខេត្តតាកែវ។ តាមប្រភពព័ត៌មានពីកន្លែងកើតហេតុបានឲ្យដឹងថាមិនកើតហេតុគេឃើញកន្ទុយរឺម៉ករថយន្ត ចតនៅចំណុចខាងកើតហេតុខាងលើរយៈពេលជាច្រើនថ្ងៃមកហើយដោយក្នុងទិសដៅត្បូងជើង លុះដល់ម៉ោងកើតហេតុខាងលើ ក៍មានបុរសម្នាក់ជិះម៉ូតូឌ្រីមសង់មួយគ្រឿងស៊េរីឆ្នាំ ២០២២ ពណ៌ខ្មៅពាក់ស្លាកលេខភ្នំពេញ1JA-4622 ធ្វើដំណើរទៅដៅពីជើងទៅត្បូងបានជ្រុលទៅបុកពីក្រោយពេញទំហឹងបណ្តាលជនរងគ្រោះដួលបោកក្បាលបាក់ កស្លាប់នៅនឹងកន្លែងកើតហេតុយ៉ាងអាណោចអាធ័ម។ ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូនិងកន្ទុយរឺម៉ករថយន្តទៅរក្សាទុករង់ចាំធ្វើការដោះស្រាយគ្នានៅពេលក្រោយ។ដោយឡែកសពជនរងគ្រោះត្រូវបានសមត្ថកិច្ចធ្វើកំណត់ហេតុរួចក៏ជូនសាច់ញាតិយកទៅស្រុកកំណើតធ្វើបុណ្យតាមប្រពៃណី៕ដោយ កុសល់

ភ្នំពេញ: ស្តី្រម្នាក់បើករថយន្ត toyota prius មួយគ្រឿងខ្វះការប្រុងប្រយ័ត្នជ្រុលទៅបុកជាមួយនឹងម៉ូតូឌ្រីមសង់មួយគ្រឿង បណ្ដាលរេចង្កូតបុកបង្គោលស្លាកសញ្ញាចរាចរណ៍មួយដើមបាក់រាបដល់ដី រួចបន្តទៅបុកចូលការ៉ាសលក់រថយន្តមួយកន្លែងបណ្ដាលឱ្យរងការខូចខាតយ៉ាងដំណំ ណាល្អមិនបង្កឲ្យមានអ្នករងរបួស។ ហេតុការណ៍នេះកើតឡើងកាលពីវេលាម៉ោង១២ យប់រំលងអាធ្រាត្រឈានចូលថ្ងៃទី៤ខែធ្នូឆ្នាំ ២០២១ នៅចំណុចមុខការ៉ាស់លក់រថយន្តមួយកន្លែងតាមបណ្ដោយផ្លូវ ២០០៤ កែងនឹងផ្លូវ ឌួងងៀប ស្ថិតក្នុងសង្កាត់អូរបែកក្អមខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់ជិះម៉ូតូម៉ាកឌ្រីមសង់ស៊េរីឆ្នាំ ២០២២ មួយគ្រឿងពណ៌ខ្មៅពាក់ស្លាកលេខកណ្ដាល1AG-0552 ធ្វើដំណើរតាមបណ្តោយផ្លូវឌួងងៀប ទិសដៅពីត្បូងទៅជើងលុះមកដល់ចំណុចកើតហេតុខាងលើកែងនឹងផ្លូវ ២០០៤ បានបត់ស្ដាំដៃទៅទិសខាងកើត ខណៈនោះក៏មានស្ត្រីម្នាក់បើករថយន្ត toyota prius មួយគ្រឿងពណ៌ទឹកប្រាក់ពាក់ស្លាកលេខភ្នំពេញ2BA-5467ធ្វើដំណើរតាមបណ្តោយផ្លូវ ២០០៤ទិសដៅពីលិចទៅកើតបានជ្រុលទៅបុកជាមួយម៉ូតូពីក្រោយពេញទំហឹង បណ្ដាលឱ្យម៉ូតូវៀចជាពីរនិងបាក់កន្ទុយខាងក្រោយរងការខូចខាតយ៉ាងដំណំ ចំណែករថយន្តបានរេចង្កូតមកខាងស្ដាំដៃជ្រុលទៅបុកស្លាកសញ្ញាចរាចរណ៍មួយដើមបាក់រាបដល់ដី រួចបន្តទៅបុកចូលការ៉ាស់លក់រថយន្ដបណ្ដាលឱ្យទ្វារដែកចំនួន ៤ទៅ ៥ផ្ទាំងរងការខូចខាតនិងរថយន្តមួយគ្រឿងដាក់តាំងលក់បណ្ដាលឱ្យបែកស្តុបនិងខូចខាតបន្តិចបន្តួច។ ភ្លាមនោះគេឃើញម្ចាស់ម៉ូតូបានរត់ពីខ្លួនចេញពីកន្លែងកើតហេតុបាត់។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកកន្លែងកើតហេតុ បានឲ្យភាគីរថយន្តបង្កធ្វើការសម្រុះសម្រួលគ្នានិងភាគីម្ចាស់ការ៉ាស់រថយន្ត អស់រយៈពេលជិតមួយម៉ោង ដោយភាគីទាំងពីរ បានព្រមព្រៀងគ្នា ដោយខាងភាគីរថយន្តបង្កបានចេញសំណង៥០០ដុល្លារទៅឲ្យខាងភាគីម្ចាស់ការ៉ាស់រថយន្ត ដើម្បីបញ្ចប់រឿង...

  កោះកុង ÷ ក្រោយមានការចុះផ្សាយតាមបណ្ដាញសង្គមនានាជាច្រើនលើក ទៅលើ ករណីបំពានចំណីព្រែកតាមបណ្តោយព្រែកកោះប៉ោ ស្ថិតក្នុងភូមិនាងកុក ឃុំប៉ាក់ខ្លង ស្រុកមណ្ឌលសីមា ឃើញថានៅព្រឹកថ្ងៃទី៣០ ខែវិច្ឆិកា ឆ្នាំ២០២១ អាជ្ញាធរស្រុកមណ្ឌលសីមា និងមន្ត្រីជំនាញពាក់ព័ន្ធ បានចុះទៅធ្វើការត្រួតពិនិត្យនៅលើទីតាំងជាក់ស្តែង ក្រោមការចូលរួមពីសំណាក់លោក ហង្ស តារា ដែលជាម្ចាស់ទីតាំង ។ ក្រោយការចុះពិនិត្យ លោក ប៉ែន ប៊ុនឈួយ អភិបាល នៃគណៈអភិបាលស្រុកមណ្ឌលសីមា បានបញ្ជាក់ថា ជាលទ្ធផលក្រោមការពិនិត្យពីសំណាក់អាជ្ញាធរមានសមត្ថកិច្ច ឃើញថា លោក ហង្ស តារា ពិតជាបានចាក់ដីចូលចំណីព្រែក និងមិនបានសុំច្បាប់អនុញ្ញាតពីសំណាក់អាជ្ញាធរនោះឡើយ ហើយចំពោះការចាក់ចូលមានទំហំប៉ុណ្ណានោះ គឺលោកពុំអាចបញ្ជាក់បានទេ ។ លោកអភិបាលរងបញ្ជាក់ថា ចំពោះករណីបំពានចូលចំណីព្រែកខាងលើ លោក និងធ្វើរបាយការណ៏ជូនលោកជំទាវអភិបាលខេត្តដើម្បីសុំគោលការណ៍បន្ត ។ ដោយឡែក...

  ភ្នំពេញ: បុរសម្នាក់ចេញពីផឹកសុីនៅហាងកុងតឺន័រមួយកន្លែងរួចដឹកនារីម្នាក់ជាបុគ្គលិកហាងជូនទៅផ្ទះ ជិះម៉ូតូជ្រុលទៅបុករះខឿនសួនចែកទ្រូងផ្លូវដួលបោកក្បាលស្លាប់នៅនឹងកន្លែងកើតហេតុ យ៉ាងអាណោចអាធ័មឯនារីអ្នករួមដំណើររងរបួសស្រាល។ ហេតុការណ៍នេះកើតឡើកងកាលពីវេលាម៉ោង២ យប់រំលងទៀតឈានចូលថ្ងៃទី២៩ ខែវិច្ឆិកាឆ្នាំ ២០២១ នៅចំណុចមុខបុរីឡុងនី តាមបណ្តោយផ្លូវបេតុទួពង្រ ស្ថិតនៅក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ សពជនរងគ្រោះមានឈ្មោះសុខបញ្ញា ភេទប្រុស អាយុ ២៦ ឆ្នាំ មុខរបរជាអ្នកលក់ផលិតផល ស្នាក់នៅបុរីពិភពថ្មីចំការដូង នៅខណ្ឌដង្កោ មានស្រុកកំណើតស្រុកកំពង់បែក ខេត្តព្រៃវែង។ចំណែកនារីអ្នករួមដំណើររងរបួសស្រាលមិនស្គាល់អត្តសញ្ញាណបន្ទាប់មកបានចេញពីកន្លែងកើតហេតុបាត់។ តាមការរៀបរាប់ពីបុរសម្នាក់ដែលអះអាងថាជាមេការនៅហាងផឹកស៊ីកុងតឺន័របានប្រាប់ឲ្យដឹងថា មុនកើតហេតុគេឃើញជនរងគ្រោះជិះម៉ូតូមួយគ្រឿងម៉ាកហុងដាឃ្លីកពណ៌ក្រហមពាក់ស្លាកលេខភ្នំពេញ1FM-8194បានចូលទៅផឹកស៊ីនៅហាងទូកុងទីន័រមួយកន្លែងរួមនឹងមិត្តភក្កិពីរបីនាក់ទៀត ខណៈនាំគ្នាផឹកស៊ីបានស្គាល់នារីម្នាក់ដែលជាបុគ្គលិកបម្រើការនៅហាងកើតហេតុខាងលើ។ប្រភពដដែរបានបន្តទៀតថាក្រោយពីផឹកស៊ីចប់ស្រាប់តែជនរងគ្រោះបានឌុបនារីជាបុគ្គលិកដើម្បីជូនទៅផ្ទះ ដោយធ្វើដំណើរទៅដៅពីជើងទៅត្បូង លុះជិះមកដល់ចំណុចកើតហេតុខាងលើជនរងគ្រោះបានដកទូរស័ព្ទនិយាយស្រាប់តែរេចង្កូតទៅខាងឆ្វេងដៃជ្រុលទៅបុករះខឿនសួន ចែកទ្រូងផ្លូវបណ្ដាលឱ្យដួលអូសជាច្រើនម៉ែត្រដួលបោកក្បាលស្លាប់នៅនឹងកន្លែងកើតហេតុយ៉ាងណាដោយអាធ័មតែម្ដង ចំណែកនារីអ្នករួមដំណើរបានរងរបួសស្រាល។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូទៅរក្សាទុកបណ្ដោះអាសន្ន។ដោយឡែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅធ្វើបុណ្យនៅស្រុកកំណើតតាមប្រពៃណី៕ ដោយ កុសល់

ភ្នំពេញ: បុរសជនជាតិចិម្នាក់សង្ស័យស្រវឹងស្រាបេីករថយន្តRam Roverមូយគ្រឿងក្នុងល្បឿនលឿនជ្រុលបុករថយន្តFor Tuneerមួយគ្រឿងទៀតដែលកំពុងចតស្ងៀមរនៅមុខគ្លីនិកមួយកន្លែងងចាំប្រពន្ធពិនិត្យសុខភាព ចំពីក្រោយពេញទំហឹងរុញទៅមុខជិត១០ ម៉ែត្របណ្តាលឲ្យរងការខូចខាតយ៉ាងដំណំសំណាងល្អមិនបង្កឲ្យមានអ្នករងរបួស។ ហេតុការណ៍ នេះបានកេីតឡេីងកាលពីវេលាម៉ោង២១ និង៣០នាទីយប់ថ្ងៃទី២៨ ខែវិច្ឆិកា ឆ្នាំ២០២១ នៅចំណុខទល់មុខនឹងក្លីនិក អង់ដ្រូគ្រីន ស្ថិតតាមបណ្តោយផ្លូវលេខ៦០៨ ក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញរថយន្តForTunerមួយគ្រឿងពណ៌សពាក់ស្លាកលេខ ភ្នំពេញ2AO-2030បានចតនៅចំណុចកន្លែងកើតហេតុខាងលើ ក្នុងទិសដៅកើតលិច ដើម្បីរងចាំប្រពន្ធចូលពិនិត្យសុខភាព។ លុះដល់ម៉ោងកើតហេតុ ស្រាប់តែមានបុរសជនជាតិចិនម្នាក់បើករថយន្ត Range Rover មួយគ្រឿងពណ៌សពាក់ស្លាកលេខភ្នំពេញ2H-9799 ស្របទិសដៅគ្នាពីលិចទៅកើតក្នុងល្បឿន ក៏រេចង្កូតជ្រុលបុកពីក្រោយរថយន្តរងគ្រោះពេញទំហឹងរុនទៅមុខជិត១០ ម៉ែត្រ បណ្តាលឲ្យរថយន្តគៀបជាប់គ្នាតែម្តង ដោយរថយន្តបង្ក រងការខូចខាតផ្នែកខាងមុខថ្ពាល់ខាងស្តាំ ចំណែករថយន្តរងគ្រោះ រងការខូចខាតផ្នែកខាងក្រោយយ៉ាងដំណំ ។ សំណាងល្អមិនមានបណ្តាលឱ្យរងរបួសដល់មនុស្សណាម្នាក់ឡើយ។ ក្រោយកើតហេតុកម្លាំងសមត្ថកិច្ខមូលដ្ឋាន បានចុះមកដល់បានភាគីទាំងពីរធ្វើការសម្របសម្រួលប៉ុន្តែដោយសារ មិនត្រូវរូវគ្នា សមត្ថកិច្ចមូលដ្ឋាន...

  ភ្នំពេញ: រថយន្តកូរ៉ូឡាបុកគ្នាជាមួយរថយន្តធុនត្រាត្រង់ចំណុចស្តុបបំបែកជាបួនបណ្ដាលឲ្យរងការខូចខាតយ៉ាងដំណំនិងរងរបួសបុរសម្នាក់បែកចុងចិញ្ចើមខាង។ ហេតុការណ៍នេះកើតឡើងកាលពីវេលាម៉ោង២យប់ រំលងអាធ្រាតឈានចូលថ្ងៃទី២៦ ខែវិច្ឆិកាឆ្នាំ ២០២១ នៅចំណុចស្តុបណយប្រីតតាមបណ្តោយផ្លូវ ២០០៤ កែងនិងផ្លូវណតប្រីត ស្ថិតក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តកូរ៉ូឡាពណ៌សមួយគ្រឿងពាក់ស្លាកលេខបាត់ដំបង2B-5738ធ្វើដំណើរតាមបណ្ដោយផ្លូវណតប្រីតទិសដៅពីជើងទៅត្បូង លុះមកដល់ចំណុចស្តុបបែនជាបួនបានជ្រុលចង្កូតទៅបុកជាមួយនឹងរថយន្តម៉ាកធុនត្រាពណ៌សពាក់ស្លាកលេខភ្នំពេញ2BI-6129 បើកបរដោយបុរសម្នាក់ធ្វើដំណើរតាមបណ្តោយផ្លូវ ២០០៤ ទិសដៅពីកើតទៅលិច បញ្ឆិតផ្នែកខាងមុខចំហៀងខាងស្តាំរពេញទំហឹងបណ្ដាលឲ្យម្ចាស់រថយន្តកូរ៉ូឡារងតបួសបែកចុងចិញ្ចើមម្ខាងចំណែករដយន្តទាំងពីរគ្រឿងរងការខូចខាតយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះមកដល់បានឲ្យភាគីទាំងពីរធ្វើការសម្របសម្រួលគ្នាអស់រយៈពេលជិតមួយម៉ោងទើបភាគីទាំងពីរព្រមព្រៀងយករថយន្តទៅជួសជុលរៀងរៀងខ្លួនដើម្បីបញ្ចប់រឿង៕ដោយ កុសល់