chhaydara

  កោះកុង ÷ ក្រោយមានការចុះផ្សាយតាមបណ្ដាញសង្គមនានាជាច្រើនលើក ទៅលើ ករណីបំពានចំណីព្រែកតាមបណ្តោយព្រែកកោះប៉ោ ស្ថិតក្នុងភូមិនាងកុក ឃុំប៉ាក់ខ្លង ស្រុកមណ្ឌលសីមា ឃើញថានៅព្រឹកថ្ងៃទី៣០ ខែវិច្ឆិកា ឆ្នាំ២០២១ អាជ្ញាធរស្រុកមណ្ឌលសីមា និងមន្ត្រីជំនាញពាក់ព័ន្ធ បានចុះទៅធ្វើការត្រួតពិនិត្យនៅលើទីតាំងជាក់ស្តែង ក្រោមការចូលរួមពីសំណាក់លោក ហង្ស តារា ដែលជាម្ចាស់ទីតាំង ។ ក្រោយការចុះពិនិត្យ លោក ប៉ែន ប៊ុនឈួយ អភិបាល នៃគណៈអភិបាលស្រុកមណ្ឌលសីមា បានបញ្ជាក់ថា ជាលទ្ធផលក្រោមការពិនិត្យពីសំណាក់អាជ្ញាធរមានសមត្ថកិច្ច ឃើញថា លោក ហង្ស តារា ពិតជាបានចាក់ដីចូលចំណីព្រែក និងមិនបានសុំច្បាប់អនុញ្ញាតពីសំណាក់អាជ្ញាធរនោះឡើយ ហើយចំពោះការចាក់ចូលមានទំហំប៉ុណ្ណានោះ គឺលោកពុំអាចបញ្ជាក់បានទេ ។ លោកអភិបាលរងបញ្ជាក់ថា ចំពោះករណីបំពានចូលចំណីព្រែកខាងលើ លោក និងធ្វើរបាយការណ៏ជូនលោកជំទាវអភិបាលខេត្តដើម្បីសុំគោលការណ៍បន្ត ។ ដោយឡែក...

  ភ្នំពេញ: បុរសម្នាក់ចេញពីផឹកសុីនៅហាងកុងតឺន័រមួយកន្លែងរួចដឹកនារីម្នាក់ជាបុគ្គលិកហាងជូនទៅផ្ទះ ជិះម៉ូតូជ្រុលទៅបុករះខឿនសួនចែកទ្រូងផ្លូវដួលបោកក្បាលស្លាប់នៅនឹងកន្លែងកើតហេតុ យ៉ាងអាណោចអាធ័មឯនារីអ្នករួមដំណើររងរបួសស្រាល។ ហេតុការណ៍នេះកើតឡើកងកាលពីវេលាម៉ោង២ យប់រំលងទៀតឈានចូលថ្ងៃទី២៩ ខែវិច្ឆិកាឆ្នាំ ២០២១ នៅចំណុចមុខបុរីឡុងនី តាមបណ្តោយផ្លូវបេតុទួពង្រ ស្ថិតនៅក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ សពជនរងគ្រោះមានឈ្មោះសុខបញ្ញា ភេទប្រុស អាយុ ២៦ ឆ្នាំ មុខរបរជាអ្នកលក់ផលិតផល ស្នាក់នៅបុរីពិភពថ្មីចំការដូង នៅខណ្ឌដង្កោ មានស្រុកកំណើតស្រុកកំពង់បែក ខេត្តព្រៃវែង។ចំណែកនារីអ្នករួមដំណើររងរបួសស្រាលមិនស្គាល់អត្តសញ្ញាណបន្ទាប់មកបានចេញពីកន្លែងកើតហេតុបាត់។ តាមការរៀបរាប់ពីបុរសម្នាក់ដែលអះអាងថាជាមេការនៅហាងផឹកស៊ីកុងតឺន័របានប្រាប់ឲ្យដឹងថា មុនកើតហេតុគេឃើញជនរងគ្រោះជិះម៉ូតូមួយគ្រឿងម៉ាកហុងដាឃ្លីកពណ៌ក្រហមពាក់ស្លាកលេខភ្នំពេញ1FM-8194បានចូលទៅផឹកស៊ីនៅហាងទូកុងទីន័រមួយកន្លែងរួមនឹងមិត្តភក្កិពីរបីនាក់ទៀត ខណៈនាំគ្នាផឹកស៊ីបានស្គាល់នារីម្នាក់ដែលជាបុគ្គលិកបម្រើការនៅហាងកើតហេតុខាងលើ។ប្រភពដដែរបានបន្តទៀតថាក្រោយពីផឹកស៊ីចប់ស្រាប់តែជនរងគ្រោះបានឌុបនារីជាបុគ្គលិកដើម្បីជូនទៅផ្ទះ ដោយធ្វើដំណើរទៅដៅពីជើងទៅត្បូង លុះជិះមកដល់ចំណុចកើតហេតុខាងលើជនរងគ្រោះបានដកទូរស័ព្ទនិយាយស្រាប់តែរេចង្កូតទៅខាងឆ្វេងដៃជ្រុលទៅបុករះខឿនសួន ចែកទ្រូងផ្លូវបណ្ដាលឱ្យដួលអូសជាច្រើនម៉ែត្រដួលបោកក្បាលស្លាប់នៅនឹងកន្លែងកើតហេតុយ៉ាងណាដោយអាធ័មតែម្ដង ចំណែកនារីអ្នករួមដំណើរបានរងរបួសស្រាល។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូទៅរក្សាទុកបណ្ដោះអាសន្ន។ដោយឡែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅធ្វើបុណ្យនៅស្រុកកំណើតតាមប្រពៃណី៕ ដោយ កុសល់

ភ្នំពេញ: បុរសជនជាតិចិម្នាក់សង្ស័យស្រវឹងស្រាបេីករថយន្តRam Roverមូយគ្រឿងក្នុងល្បឿនលឿនជ្រុលបុករថយន្តFor Tuneerមួយគ្រឿងទៀតដែលកំពុងចតស្ងៀមរនៅមុខគ្លីនិកមួយកន្លែងងចាំប្រពន្ធពិនិត្យសុខភាព ចំពីក្រោយពេញទំហឹងរុញទៅមុខជិត១០ ម៉ែត្របណ្តាលឲ្យរងការខូចខាតយ៉ាងដំណំសំណាងល្អមិនបង្កឲ្យមានអ្នករងរបួស។ ហេតុការណ៍ នេះបានកេីតឡេីងកាលពីវេលាម៉ោង២១ និង៣០នាទីយប់ថ្ងៃទី២៨ ខែវិច្ឆិកា ឆ្នាំ២០២១ នៅចំណុខទល់មុខនឹងក្លីនិក អង់ដ្រូគ្រីន ស្ថិតតាមបណ្តោយផ្លូវលេខ៦០៨ ក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញរថយន្តForTunerមួយគ្រឿងពណ៌សពាក់ស្លាកលេខ ភ្នំពេញ2AO-2030បានចតនៅចំណុចកន្លែងកើតហេតុខាងលើ ក្នុងទិសដៅកើតលិច ដើម្បីរងចាំប្រពន្ធចូលពិនិត្យសុខភាព។ លុះដល់ម៉ោងកើតហេតុ ស្រាប់តែមានបុរសជនជាតិចិនម្នាក់បើករថយន្ត Range Rover មួយគ្រឿងពណ៌សពាក់ស្លាកលេខភ្នំពេញ2H-9799 ស្របទិសដៅគ្នាពីលិចទៅកើតក្នុងល្បឿន ក៏រេចង្កូតជ្រុលបុកពីក្រោយរថយន្តរងគ្រោះពេញទំហឹងរុនទៅមុខជិត១០ ម៉ែត្រ បណ្តាលឲ្យរថយន្តគៀបជាប់គ្នាតែម្តង ដោយរថយន្តបង្ក រងការខូចខាតផ្នែកខាងមុខថ្ពាល់ខាងស្តាំ ចំណែករថយន្តរងគ្រោះ រងការខូចខាតផ្នែកខាងក្រោយយ៉ាងដំណំ ។ សំណាងល្អមិនមានបណ្តាលឱ្យរងរបួសដល់មនុស្សណាម្នាក់ឡើយ។ ក្រោយកើតហេតុកម្លាំងសមត្ថកិច្ខមូលដ្ឋាន បានចុះមកដល់បានភាគីទាំងពីរធ្វើការសម្របសម្រួលប៉ុន្តែដោយសារ មិនត្រូវរូវគ្នា សមត្ថកិច្ចមូលដ្ឋាន...

  ភ្នំពេញ: រថយន្តកូរ៉ូឡាបុកគ្នាជាមួយរថយន្តធុនត្រាត្រង់ចំណុចស្តុបបំបែកជាបួនបណ្ដាលឲ្យរងការខូចខាតយ៉ាងដំណំនិងរងរបួសបុរសម្នាក់បែកចុងចិញ្ចើមខាង។ ហេតុការណ៍នេះកើតឡើងកាលពីវេលាម៉ោង២យប់ រំលងអាធ្រាតឈានចូលថ្ងៃទី២៦ ខែវិច្ឆិកាឆ្នាំ ២០២១ នៅចំណុចស្តុបណយប្រីតតាមបណ្តោយផ្លូវ ២០០៤ កែងនិងផ្លូវណតប្រីត ស្ថិតក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តកូរ៉ូឡាពណ៌សមួយគ្រឿងពាក់ស្លាកលេខបាត់ដំបង2B-5738ធ្វើដំណើរតាមបណ្ដោយផ្លូវណតប្រីតទិសដៅពីជើងទៅត្បូង លុះមកដល់ចំណុចស្តុបបែនជាបួនបានជ្រុលចង្កូតទៅបុកជាមួយនឹងរថយន្តម៉ាកធុនត្រាពណ៌សពាក់ស្លាកលេខភ្នំពេញ2BI-6129 បើកបរដោយបុរសម្នាក់ធ្វើដំណើរតាមបណ្តោយផ្លូវ ២០០៤ ទិសដៅពីកើតទៅលិច បញ្ឆិតផ្នែកខាងមុខចំហៀងខាងស្តាំរពេញទំហឹងបណ្ដាលឲ្យម្ចាស់រថយន្តកូរ៉ូឡារងតបួសបែកចុងចិញ្ចើមម្ខាងចំណែករដយន្តទាំងពីរគ្រឿងរងការខូចខាតយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះមកដល់បានឲ្យភាគីទាំងពីរធ្វើការសម្របសម្រួលគ្នាអស់រយៈពេលជិតមួយម៉ោងទើបភាគីទាំងពីរព្រមព្រៀងយករថយន្តទៅជួសជុលរៀងរៀងខ្លួនដើម្បីបញ្ចប់រឿង៕ដោយ កុសល់

បន្ទាយមានជ័យ៖ អភិបាលខេត្តជាប់ព្រំដែនកម្ពុជា-ថៃ ចំនួន៣រូប រួមមានខេត្តបន្ទាយមានជ័យ បាត់ដំបង និងខេត្តស្រះកែវប្រទេសថៃ រួមកម្លាំងគ្នារកដំណោះស្រាយបញ្ហាសេដ្ឋកិច្ច ក្រោយជំងឺកូវីដ១៩ ដែលធ្វើឲ្យប៉ះពាល់ដល់ជីវភាពប្រជាពលរដ្ឋទាំងពីរ លើកឡើងពិភាក្សាចំនួន៣ចំណុចសំខាន់” កិច្ចប្រជុំនេះ ធ្វើឡើងនៅរសៀលថ្ងៃទី២៥ខែវិច្ឆិកា ឆ្នាំ២០២១ នៅស្រុកអរញ្ញ ខេត្តស្រះកែវ ប្រទេសថៃ។ ប្រតិភូកម្ពុជា មានឯកឧត្តម អ៊ុ រាត្រី អភិបាលខេត្តបន្ទាយមានជ័យ ឯកឧត្តមសុខ លូ អភិបាលខេត្តបាត់ដំបងភាគីថៃ លោក ព្រីនយ៉ា ភូថង អភិបាលខេត្តស្រៈកែវ និងមន្ត្រីរាជការ កងកម្លាំប្រដាប់អាវុធបានចូលរួមជាច្រើនរូបទៀត។ កិច្ចប្រជុំពិភាក្សានេះបានលើកឡើងចំនួន៣សំខាន់មកពិភាក្សា លើទីតាំងច្រកព្រំដែនចំនួន៤ គឺ ប្រជុំពិភាក្សាបើកច្រកជាប់ព្រំដែនខេត្តបន្ទាយមានជ័យ (មានច្រកអន្តរជាតិប៉ោយប៉ែត ច្រកតំបន់ម៉ាឡៃ ច្រកតំបន់បឹងត្រកួន)និង ខេត្តបាត់ដំបង (មានច្រកអន្តរជាតិគីឡូ១៣) ស្រុកសំពៅលូន ឈមភាគីច្រកខៅឌិន...

  ភ្នំពេញ: ក្មេងប្រុសជាកម្មករសំណង់អាយុ១៥ឆ្នាំម្នាក់មកធ្វើការសំណង់ជាមួយបងថ្លៃបាន៣ថ្ងៃ ត្រូវខ្សែរភ្លើងឆក់ស្លាប់ ខណ:រាយខ្សែរភ្លើងតអំពូលភ្លើងយកទៅដាក់មុខនៅក្នុងការដ្ឋាន បង្កឲ្យមានការភ្ញាក់ផ្អើលកាលពីវេលាម៉ោង១៩ យប់ថ្ងៃទី២៤ ខែវិច្ឆិកាឆ្នាំ ២០២១ នៅចំណុចការដ្ឋានសំណង់មួយកន្លែង ស្ថិតនៅក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ។ សពជនរងគ្រោះមានឈ្មោះ រតនា ភេទប្រុស អាយុ១៥ឆ្នាំ មានស្រុក នៅឯខេត្តកំពង់ធំ បច្ចុប្បន្នស្នាក់នៅជាមួយឪពុកម្ដាយរួមនិងបងប្អូន ៣ នាក់ទៀត នៅភូមិថ្មី ឃុំកុមាររាជា ស្រុកត្រាំខ្នា ខេត្តតាកែវ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុ ជនរងគ្រោះបានតអំពូលភ្លើងយកមកដាក់បំភ្លឺនៅមុខការដ្ឋាន ដោយកន្លងមកធ្លាប់មានជនសង្ស័យបានផ្លោះរបងចូលលួចសម្ភារៈរបស់ជនរងគ្រោះ ដើម្បីដាក់បំភ្លឺព្រោះនៅខាងមុខការដ្ឋានងងឹតពេក ដើម្បីកុំឲ្យជនសង្ស័យហ៊ានចូលលួចរបស់របរទៀត និងងាយស្រួលមើលផង លុះដល់ពេលកើតហឹតុខាងលើ ជនរងគ្រោះដើរយកអំពូលភ្លើងទៅដាក់ ស្រាប់ តែដើរកាត់ទឹកដក់ជាប់និងគំនខ្សាច់កន្លែងកើតហេតុខាងលើបណ្តាលឲ្យឆ្លងចរន្តឆក់របួសធ្ងន់ធ្ងរ ហើយរងគ្រោះបានស្រែកឲ្យគេជួយ ខណៈនោះក៏មានការភ្ញាក់ផ្អើលអ្នកនៅធ្វើការជាមួយបាននាំគ្នាចូលទៅជួយដែរយែអកុសលជនរងគ្រោះបានស្លាប់បាត់បង់ជីវិតទៅហើយ។បើតាមការរៀបរាប់ពីម្ដាយជនរងគ្រោះបានប្រាប់ឲ្យដឹងថាកូនរបស់គាត់បានមកធ្វើការសំណង់ជាមួយបងថ្លៃទើបបានរយៈពេល៣ថ្ងៃប៉ុណ្ណោះតែអកុសលត្រូវបានខ្សែភ្លើងឆក់ស្លាប់បាត់បង់ជីវិតយ៉ាងអាណោចអាធ័មបែបនេះ។ ក្រោយកើតហេតុសមត្ថកិច្ចមូលដ្ឋានបានចុះមកពិនិត្យនៅទីតាំងកន្លែងកើតហេតុខាងលើរួចបានទំនាក់ទំនងទៅផ្នែកជំនាញកោសល្យវិច្ច័យចុះមកពិនិត្យ ដោយប្រាប់ថាជនរងគ្រោះពិតជាត្រូវខ្សែភ្លើងឆក់ពិតប្រាកដមែន រួចធ្វើកំណត់ហេតុ ប្រគល់សពជូនសាច់ញាតិយកទៅធ្វើបុណ្យនៅស្រុកកំណើតតាមប្រពៃណី៕ដោយ កុសល់ ...

  ភ្នំពេញ: យុវជនប្រុសស្រីមួយក្រុមជិះម៉ូតូជាច្រើនគ្រឿងបានប្រទះនិងក្រុមក្មេងស្ទាវប្រុសស្រីចំនួន៤នាក់ បានឈប់ម៉ូតូមួយគ្រឿងក្បែរវត្តសំរោងអណ្តែត ខណ: យុវជនប្រុសស្រី៣នាក់បានឈប់ម៉ូតូរួចសួរនាំស្មានតែម៉ូតូអស់សាំងបំរុងជួយ បែជាត្រូវក្មេងស្ទាវទាំងនោះយកកាំបិតផ្គាក់ដុំថ្មនិងដែកឆាបដេញកាប់និងចាក់សំណាងបណ្តាលឲ្យនារីរងរបួសស្រាល និងវាយកម្ទេចម៉ូតូជនរងគ្រោះមួយគ្រឿង បង្កឲ្យមានការភ្ញាក់ផ្អើលដល់កម្លាំងសមត្ថកិច្ចចុះជួយអន្តរាគមន៍ កាលពីវេលាម៉ោង២យប់ រំលងអាធ្រាត្រឈានចូលថ្ងៃទី២៥ ខែវិច្ឆិកាឆ្នាំ ២០២១នៅចំណុចជាប់របងវត្តសំរោងអណ្ដែត ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។ តាមការរៀបរាប់ជនរងគ្រោះបានប្រាប់ឲ្យដឹងថាមុនកើតហេតុរូបគេមានគ្នាប្រុសស្រីជាង ១០ នាក់ជិះម៉ូតូចំនួន៥គ្រឿង ទើបនឹងចេញពីម្តុំបូរីឈូកវ៉ា គោលបំណងជូនមិត្តភ័ក្តយកមកម្ដុំកន្លែងកើតហេតុខាងលើ លុះមកដល់ចំណុចកើតហេតុខាងលើ ដោយមិនទាន់បានជូនមិត្តភក្កិដល់ផ្ទះផង ក៏ប្រទះឃើញក្មេងស្ទាវប្រុសស្រីមួយក្រុមមានគ្នា៤នាក់ ក្នុងនោះមានស្រីម្នាក់ ឈរក្បែរម៉ូតូមួយគ្រឿង។ប្រភពដដែលបានបន្តទៀតថាខណ:រូបគេដែលជិះម៉ូតូឌ្រីមសង់ពណ៌ខ្មៅ១គ្រឿងពាក់ស្លាកលេខភ្នំពេញ1AQ-3756បានឌុបនារីពីរនាក់ខាងក្រោយ ចំណែកមិត្តភ័ក្រផ្សេងទៀតបានបន្តដំណើរនៅខាងមុខ ខណៈរូបគេក៏បានឈប់ម៉ូតូរួចសួរនាំទភលើក្មេងស្ទាវទាំងនោះ ស្មានតែម៉ូតូអស់សាំង ហើយបំរុងជួយដោយនៅទីកន្លែងនេះស្ងាត់ពេកគេ ខណៈកំពុងតែសួរនាំស្រាប់តែក្មេងស្ទាវមួយក្រុមនោះបានដើរចូលក្នុងរួចយកកាំបិតផ្គាក់ដែកឆាបនឹងដុំថ្មដេញកាប់និងចាក់ពួកគេ ហើយពួកក្មេងស្ទាវទាំងនោះបានស្រែកថាពួកអញរហស្សនាមក្រុមអាញ៉ាកាច ៣១៧ ធ្វើឲ្យរូបគេនិងមិត្តភ័ក្រ្តភ័យស្លន់ស្លោររត់ស្រែកឱ្យមិត្តភក្ត្រជួយ តែត្រូវបានក្រុមក្មេងស្ទាវនោះវាយកំទេចម៉ូតូរួចបម្រុងលើកយកម៉ូតូទៅ តែត្រូវបានមិត្តភ័ក្តត្រឡប់មកក្រោយវិញហើយស្រែកថាប៉ូលីសមកហើយ ទើបពួកវាទាំងនោះនាំគ្នាររត់គេចខ្លួនបាត់ស្រម៉ោល។ ក្រោយកើតហេតុកម្លាំងសមត្ថកិច្ចបានចុះមកដល់រួចនាំជនរងគ្រោះទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលគោកឃ្លាងដើម្បីសមត្ថកិច្ចស្រាវជ្រាវរកចាប់ជនដៃដល់មកផ្ដន្ទាទោសតាមផ្លូវច្បាប់៕ដោយ កុសល់ ...

  ខេត្តព្រះសីហនុ ៖ នៅថ្ងៃពុធ ទី២៤ ខែវិច្ឆិកា ឆ្នាំ២០២១ ដោយមានការដឹកនាំបញ្ជារ ពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងជំនាញផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្ត បានធ្វើប្រតិបត្តិការបង្ក្រាបករណីលួចកាត់ខ្សែរភ្លើងមួយករណី ដោយឃាត់ខ្លួនបានជនសង្ស័យចំនួន០៣នាក់ជាអ្នកលួច និង០១នាក់ ជាអ្នកទទួលផលចោរកម្ម។ សុំបញ្ជាក់ថា នៅថ្ងៃទី ១៩ ខែវិច្ឆិកា ឆ្នាំ២០២១ វេលាម៉ោង ២៣ និង ៣០នាទី កម្លាំងជំនាញផែនការងារនគរបាលព្រហ្មទណ្ឌ បានជិះល្បាតតាមដងផ្លូវ ដល់ចំណុចផ្លូវក្រោយសាលាក្តីសង្ឃឹម ស្ថិតនៅ ភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ ក៏ប្រទះឃើញជនសង្ស័យចំនួន ០៣នាក់ ជិះម៉ូតូ ០១គ្រឿង ម៉ាក...

  ខេត្តព្រះសីហនុ÷រសៀលថ្ងៃអង្គារ ទី២៣ ខែវិច្ឆិកា ឆ្នាំ២០២១ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញសំណេះសំណាល និងនាំយកអំណោយ របស់សម្តេចតេជោនាយករដ្ឋមន្ត្រី ចែកជូនប្រជាពលរដ្ឋទីទ័លក្រ ចាស់ជរាគ្នានទីពឹងក្នុងស្រុកព្រៃនប់ ខេត្តព្រះសីហនុ ដើម្បីទុកប្រើប្រាស់នារដូវរងានេះ។ ប្រជាពលរដ្ឋទីទ័លក្រ ចាស់ជរាគ្នានទីពឹងចំនួន ២២០នាក់ មកពីឃុំចំនួន៨ រួមមាន៖ ឃុំអណ្តូងថ្ម ៤៤ នាក់ ឃុំសំរុង ៣២នាក់ ឃុំវាលរេញ ២៨នាក់ ឃុំសាមគ្គី ១៨នាក់ ឃុំទឹកល្អក់ ៤នាក់ ឃុំទឹកថ្លា ២២នាក់ ឃុំជើងគោ ៧នាក់ ឃុំតានៃ ៦៥នាក់។ ឯកឧត្តម គួច ចំរើន បានពាំនាំនូវការផ្តាំផ្ញើសួរសុខទុក្ខ និងសេចក្តីនឹករលឹកពីសម្តេចតេជោនាយករដ្ឋមន្ត្រី ជូនចំពោះប្រជាប្រជាពលរដ្ឋទីទ័លក្រ និងចាស់ជរាគ្មានទីពឹងនៅស្រុកព្រៃនប់ សម្តេចតែងតែគិតគូរអំពីសុខទុក្ខរបស់បងប្អូនប្រជាពលរដ្ឋទៅទូទាំងប្រទេស ពិសេសប្រជាពលរដ្ឋខេត្តព្រះសីហនុ ដែលមានការខ្វះខាតស្បៀងនៅចុងរដូវវស្សា ដោយមិនទុកឱ្យប្រជាពលរដ្ឋណាម្នាក់ខ្វះស្បៀងដោយយើងមិនបានដឹងនោះទេ។...

(បន្ទាយមានជ័យ)៖សមត្ថកិច្ចចម្រុះកម្ពុជា នៅរសៀលថ្ងៃទី២៤ ខែវិច្ឆិកា ឆ្នាំ ២០២១នេះ បានប្រគល់ពលរដ្ឋថៃចំនួន១០៣នាក់ ក្នុងនោះវិជ្ជមានកូវីដ១៩ ចំនួន៣៤នាក់ ដែលរស់នៅក្នុងទឹកដីកម្ពុជាទៅខាងភាគីថៃវិញ ការប្រគល់នេះ ធ្វើនៅលើស្ពានមិត្តភាពកម្ពុជា.ថៃ នៅច្រកទ្វារព្រំដែនអន្តរជាតិប៉ោយប៉ែត។ សមត្ថកិច្ចប្រាប់ថា ប្រជាពលរដ្ឋថៃចំនួន១០៣នាក់ មានស្រី៤២នាក់ ក្នុងនោះ មានអ្នកវិជ្ជាមានកូវីដ¬១៩ ចំនួន៣៤ ស្រី១២នាក់។ វិធីប្រគល់និងទទួលនេះ ខាងភាគីកម្ពុជាមានសមត្ថកិច្ចចម្រុះ ដឹកនាំដោយលោកឧត្តម សេនីយ៍ទោ ជា អេងយ៉ុង ស្នងការ ស្នងការដ្ឋានបច្ចេកទេស សន្តិសុខ នៃកងរាជអាវុធហត្ថលើផ្ទៃប្រទេស ចំណែកភាគីថៃវិញ ដឹកនាំដោយលោក ឧត្តមសេនីយ៍ទោ យិងខៈខៃ ឡូត អគ្គៈស្នងការរងនគរបាលជាតិទទួលការងារគ្រប់គ្រងការជួញដូរមនុស្ស រួមដំណើរដោយសមត្ថកិច្ចពាក់ព័ន្ធមួយចំនួន។ អ្នកនាំពាក្យអាវុធហត្ថលើផ្ទៃប្រទេសបានបញ្ជាក់ប្រាប់ថា លោកមិនអាចជម្រាប ពីទីតាំងដែលនាំពួកគេមក និងមានជាប់ពាក់ព័ន្ធករណីអ្វីខ្លះនោះទេ ព្រោះដើម្បីរក្សាការទំនាក់ទំនង...