chhaydara

  ភ្នំពេញ: បុរសម្នាក់រួមនឹងបុរសពីរនាក់ទៀតបើកម៉ូតូសណ្ដោងរឺម៉កដឹកអន្ទាដែកមួយគ្រឿងខណៈមេឃកំពុងភ្លៀងបានជ្រុលចង្កូតទៅកៀររថយន្តស៊េរីទំនើបមួយគ្រឿងម៉ាកREVO បណ្ដាល,ឲ្យរងការខូចខាតផ្នែកខាងឆ្វេងខាងក្រោយយ៉ាងដំណំ។ ហេតុការនេះកើតឡើងកាលពីវេលាម៉ោង ៧និង ២០ នាទីយប់ថ្ងៃទី ២៣ខែកញ្ញាឆ្នាំ ២០២១ នៅចំណុចមុខហាងមីហិរ តាមបណ្ដោយផ្លូវ ២០១១ ក្នុងសង្កាត់គោកឃ្លាង ខណ្ឌសែនសុខរាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់រួមដំណើរនឹងបុរសពីរទៀតបើកម៉ូតូសណ្ដោងរឺម៉កដឹកអន្ទាដែកមួយគ្រឿងធ្វើដំណើរតាមបណ្ដោយផ្លូវ ២០១១ ទិសដៅពីជើងទៅត្បូង ខណៈមេឃកំពុងធ្លាក់ភ្លៀងបានរេចង្កូតទៅខាងឆ្វេងដៃកៀររថយន្តរីទំនើបមួយគ្រឿងម៉ាក TOYOTA HILUX REVO ពណ៌សពាក់ស្លាកលេខភ្នំពេញ2BO-2328ធ្វើដំណើរបញ្ច្រាសទិសដៅគ្នាពីត្បូងទៅជើង ចំផ្នែកខាងក្រោយចំហៀងខាងឆ្វេង ខូចខាតយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកដល់កន្លែងកើតហេតុហើយបានឲ្យភាគីទាំងសងខាងធ្វើការសម្រុះសម្រួលគ្នាអស់រយៈពេលជិតមួយ ម៉ោង នៅមិនត្រូវគ្នាទើបជំនាញធ្វើការវាស់វែងនិងយកអ្នកបើករ៉ឺម៉កយកទៅរក្សាទុកនៅអធិការដ្ឋាននគរបាលខណ្ឌសែនសុខរងចាំធ្វើការដោះស្រាយគ្នានៅពេលក្រោយ៕ដោយ កុសល់

  ភ្នំពេញ ៖ គ្រោះអគ្គិភ័យមួយបានឆាបឆេះផ្ទះចុងភៅ ទទួលធ្វើម្ហូបបុណ្យ ម្ហូបការ យ៉ាងសន្ធោសន្ធៅបង្កការភ្ញាក់ផ្អេីលដល់បងប្អូនប្រជាពលរដ្ឋនិងសមត្ថកិច្ចចុះអន្តរាគមន៍ភ្លាមៗកាលពីវេលាម៉ោង៤ និង០០នាទីរសៀលថ្ងៃទី២៣ ខែកញ្ញា ឆ្នាំ២០២១ ស្ថិតនៅផ្លូវបេតុង ផ្ទះលេខ380A ក្នុងភូមិទ្រា សង្កាត់ស្ទឹងមានជ័យទី១ ខណ្ឌមានជ័យ ។ ម្ចាស់ផ្ទះរងគ្រោះខាងលើឈ្មោះ ស៊ីវ សាំង ភេទប្រុស អាយុ ៦០ឆ្នាំ មុខរបរមេចុងភៅ ស្នាក់នៅចំណុចកើតហេតុខាងលើ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុក្រុមគ្រួសារម្ចាស់ផ្ទះបានចេញទៅក្រៅបាត់ សល់តែស្ត្រីវ័យចំណាស់ម្នាក់នៅចាំផ្ទះ ដោយម្ចាស់ផ្ទះបានបើកធុងហ្គាសចោលហើយភ្លេចបិទវិញ ទើបបណ្ដាលឲ្យផ្ទុះធុងហ្គាសឆាបឆេះយ៉ាងសន្ធោសន្ធៅ បង្កការភ្ញាក់ផ្អេីលដល់ប្រជាពលរដ្ឋដែលរស់នៅក្បែរនោះនាំគ្នាជួយយកបំពង់បាញ់ពន្លត់អគ្គីភ័យ ទប់ស្កាត់កុំឲ្យមានការរាលដាលឆាបឆេះដល់ផ្ទះផ្សេង និងរាយការណ៍ទៅសមត្ថកិច្ចជំនាញបង្ការ និងពន្លត់អគ្គីភ័យជាច្រេីនគ្រឿងមកធ្វេីការបាញ់ពន្លត់ ។ តែដោយសារស្ថានភាពភ្លើងឆេះខ្លាំងពេកគ្រប់គ្រងស្ថានការណ៍មិនបាន ទេីបបណ្ដាលឲ្យឆាបឆេះផ្ទះខាងលើនេះតែម្ដង តែមិនរាលដាលដល់ផ្ទះអ្នកជិតខាងនោះឡេីយ ។ សូមបញ្ជាក់ថា នៅក្នុងប្រតិបត្តិការជួយសង្គ្រោះនេះមិនបណ្ដាលឲ្យមនុស្សណាម្នាក់រងរបួសនោះទេ ហេីយសមត្ថកិច្ចបានប្រើប្រាស់រថយន្តពន្លត់ អគ្គិភ័យសរុបទាំងអស់ ចំនួន...

បន្ទាយមានជ័យ៖ នគរបាលបាលការពារព្រំដែនគោកលេខ911 ប៉ុស្តិ៍សិលាខ្មែរ សហការជាមួយកម្លាំងយោធាឃាត់ជនជាតិថៃ និងពលករខ្មែរចំនួន07នាក់ បំរ៉ុងលួចឆ្លងដែនទៅប្រទេសថៃ នៅវេលាម៉ោង17 និង30នាទី ថ្ងៃទី22 ខែកញ្ញា ឆ្នាំ2021 នៅចំណុចមុខប៉ុស្តិ៍សិលាខ្មែរ ក្នុងភូមិសិលា ឃុំ អូរបីជាន់ ស្រុកអូរជ្រៅ ខេត្តបន្ទាយមានជ័យ។ សមត្ថកិច្ចបានឲ្យដឹងថា ខណៈដែលជនជាតិថៃចំនួន03នាក់ (ស្រី) និងពលករខ្មែរចំនួន04នាក់ (ប្រុស) ជាអ្នកនាំផ្លូវសរុបចំនួន07នាក់ បាននាំគ្នាដើរបំរ៉ុងលួចឆ្លងដែនតាមច្រករបៀងចេញទៅប្រទេសថៃនៅចំណុចខាងលើនោះ កម្លាំងនគរបាលនៃវរសេនាតូចការពារព្រំដែនគោកលេខ911 ប៉ុស្តិ៍សិលាខ្មែរ សហការជាកម្លាំងយោធា ស្ទាក់ចាប់តែម្តង។ សមត្ថកិច្ចដដែលបានឲ្យដឹងថា ក្រោយពីស្ទាក់ចាប់ រួចមក ជនជាតិថៃចំនួន 03នាក់ និងពលករខ្មែរចំនួន 04នាក់ ជាអ្នកនាំផ្លូវបំរ៉ុងលួចឆ្លងដែនចេញទៅប្រទេសថៃនោះ ត្រូវបានកម្លាំងសមត្ថកិច្ចបញ្ជូនទៅកាន់ទីបញ្ជាការវរៈសេនាតូចនគរបាលការពារព្រំដែនគោកលេខ911 ដើម្បីសួរនាំនិងរៀបចំសំណុំរឿងបញ្ជូនបន្តនៅថ្ងៃស្អែក៕ដោយ ក្តាមស្រែ

  (ខេត្តបាត់ដំបង) ក្រុមអាជីវករជាអ្នកទិញបន្លែផ្លែឈើដឹកតាមរថយន្តស៉ាំយ៉ុងបាននាំគ្នាប្រមូលផ្តុំធ្វើការតវ៉ាសុំឲ្យមន្ត្រីគយច្រកអន្តរជាតិដូង បន្ធូរបន្ថយសេវាបង់ពន្ធលើការដឹកជញ្ជូន។ ការប្រមូលផ្ដុំនេះធ្វើឡើងនៅថ្ងៃទី ២៣ ខែកញ្ញា ឆ្នាំ ២០២១ នៅបរិវេណខាងមុខស្នាក់ការគយដូង ស្ថិតក្នុងស្រុកកំរៀង ខេត្តបាត់ដំបង គោលបំណងដើម្បីស្នើសុំឲ្យមន្ត្រីការិយាល័យគយ និងរដ្ឋាករដូងបន្ធូរបន្ថយសេវាបង់ពន្ធលើការដឹកជញ្ជូន និងនាំចេញនូវទំនិញ បន្លែផ្លែឈើគ្រប់ប្រភេទ។ ពលរដ្ឋបានលើកឡើងថា ចំពោះការបង់ពន្ធជូនរដ្ឋពួកគាត់មិនជំទាស់ទេតែសុំឲ្យបង់ក្នុងតម្លៃដូចលើកមុន ដែលក្នុង០១រថយន្តសាំយ៉ុងបង់ត្រឹមតែ ៥ ទៅ ៦ម៉ឺនរៀលប៉ុណ្ណោះ ប៉ុន្តែបច្ចុប្បន្ននេះមន្ត្រីគយតម្រូវឲ្យបង់ចាប់ពី ១០ ទៅ ២០ម៉ឺនរៀល បើតម្លើងបង់ពន្ធច្រើនពេកពួកគាត់មិនមានប្រាក់ចំណេញទេ ម៉្យាងទៀតកំពុងប៉ះពាល់ដោយសារជំងឺកូវីដ-១៩ផង។ ពាក់ព័ន្ធបញ្ហាខាងលើ លោក សុខ គឹមខុន អភិបាលស្រុកកំរៀងបានលើកឡើងថា÷ ក្រុមអាជីវករដែលតវ៉ានេះភាគច្រើនជាអ្នកចម្ងាយក្រៅពីអ្នកខេត្តបាត់ដំបង ពួកគាត់បានប្រមូលផ្តុំគ្នាតាំងពីអំឡុងម៉ោងជិត ១១និង០០នាទីព្រឹក ហើយមកទល់ម៉ោង ១និង០០នាទី នៅមិនទាន់រំសាយនៅឡើយទេដោយសារពួកគាត់មិនព្រមទទួលយកការសម្របសម្រួលពីអាជ្ញាធរស្រុក។ ចំពោះមុខនេះនៅរសៀលថ្ងៃដដែលលោកអភិបាលរងខេត្តបាត់ដំបងទទួលបន្ទុក នឹងអញ្ជើញចូលខ្លួនដើម្បីរកដំណោះស្រាយសមស្របណាមួយឲ្យល្អទាំង០២ភាគី រវាងមន្ត្រីគយច្រកដូង និងក្រុមអាជីវករខាងលើ៕ដោយ ភ្នំខៀវ ...

ខេត្តប៉ៃលិន ៖ នៅកន្លែងធ្វើឆៀករថយន្ត គេសង្កេតឃើញមានរថយន្តតូចធំមួយចំនួន បានហួសសុពលភាព ដែលត្រូវឆៀកម្តងទៀត ដោយអ្នកខ្លះហួសរហូតដល់ ១ខែ ២ខែ និងខ្លះទៀតហួសដល់៥ទៅ៦ខែឯណោះ ដោយត្រូវបានពិន័យចាប់ពី៥០០រៀល ដល់២០០០រៀលក្នុង១ថ្ងៃ ។ ដូច្នេះ ប្រជាពលរដ្ឋ ដែលមានរថយន្តជិតដល់ថ្ងៃត្រូវធ្វើឆៀកម្តងទៀត ត្រូវប្រញាប់យករថយន្តទៅឆៀកដើម្បីកុំឱ្យមានការផាកពិន័យ ។ ការធ្វើឆៀករថយន្តនៅខេត្តប៉ៃលិនដំណើរការកាលពីដើមសប្តាហ៍នៅថ្ងៃទី២០ដល់ថ្ងៃ ទី២៤ខែកញ្ញា ឆ្នាំ២០២១ទើបបញ្ចប់ដែល ស្ថិតនៅក្នុងបរិវេណមន្ទីរសាធារណការ និងដឹកជញ្ជូនខេត្តប៉ៃលិន ។ ប្រភពព័ត៌មានពីប្រជាពលរដ្ឋ ដែលយករថយន្តទៅឆៀកបានរៀបរាប់ឱ្យដឹងថា ៖ ពី១ថ្ងៃទៅ១ថ្ងៃ ពួកគាត់ចេះតែភ្លេចយករថយន្តរបស់ខ្លួន ដែលហួសសុពលភាពថ្ងៃខែកំណត់ទៅឆៀក ដោយអ្នកខ្លះហួស១ខែ ខ្លះហួស២ ទៅ៣ខែ និងមានអ្នកខ្លះទៀតហួសថ្ងៃកំណត់ឆៀក រហូតដល់ជិត១ឆ្នាំផងដែរ ។ ដូច្នេះ គាត់ត្រូវបង់ថ្លៃពិន័យម្នាក់ៗ ទៅតាមរថយន្តតូច ឬធំ ដោយគិតជាថ្ងៃ...

  ខេត្តព្រះសីហនុ÷នៅរសៀលថ្ងៃទី២២ ខែកញ្ញឆ្នាំ២០២១សកម្មភាពសប្បុរសធម៌របស់.ខ២៧ដែលមាន ឯកឧត្តម ជួន ណារិន ជាប្រធានក្រុមការងារគណបក្សប្រជាជនកម្ពុជា ចុះជួយសង្កាត់៣ និងជាប្រធានគណៈកម្មការ ខ២៧ បានចាត់ក្រុមការងារ នាំយកអំណោយមូលនិធិ ខ២៧ មកប្រគល់ជូនប្រជាពលរដ្ឋដែលមានជីវភាពខ្វះខាត ក្រលំបាកព្រមទាំងពិការ ដោយសារជំងឺ ដុះផ្សិតខួរក្បាល គ្រួសារដែលបានផ្ដល់ជូននោះគឺមានឈ្មោះ កែវ សុីអុីន ភេទប្រុស អាយុ២៦ឆ្នាំ មានទីលំនៅបច្ចុប្បន្នក្រុមទី៣១ ភូមិ៣ សង្កាត់លេខ៣ ក្រុងព្រះសីហនុ/ខេត្តព្រះសីហនុ។ សកម្មភាពនេះបានឆ្លុះបញ្ចាំងឱ្យឃើញថាជាការចូលរួមចំណែកជួយដល់សង្គម ម្យ៉ាងវិញទៀតជំនួយសប្បុរសធម៌នេះ នឹងបន្តធ្វើទៅតាមភូមិក្រុមផ្សេងៗផងដែរ ហើយការនាំយក អំណោយជាគ្រឿងឧបភោគបរិភោគទាំងអស់នេះ។ អំណោយដែល បានផ្តល់ជូន ដោយក្នុងមួយគ្រួសារទទួលបាន៖ 1/ អង្ករ២០គីឡូ 2/ មីមួយកេស 3/ ត្រីខកំប៉ុងមួយឡូ 4/ ទឹកត្រី១យួរ 5/ ទឹកសុីអុីវ១យួរ 6/ ស្ករមួយគីឡូ 7/ អំបិលមួយគីឡូ 8/ ប៊ីចេង...

  ភ្នំពេញ: បុរសម្នាក់បានដួលបោកក្បាលស្លាប់នៅនិងកន្លែងកើតហេតុនិងម្នាក់ទៀតរងរបួសស្រាល បន្ទាប់ពីជិះម៉ូតូឌុបគ្នាក្នុងល្បឿនលឿនបណ្តាលឲ្យទាក់ដៃចង្កូចនិងរថយន្ដមួយគ្រឿងដួលចូលក្រោមរថយន្តមួយគ្រឿងទៀតខណ:បើកស្របគ្នា កាលពីវេលា ម៉ោង៦និង៥៩នាទីយប់ ថ្ងៃទី២២ ខែកញ្ញា ឆ្នាំ២០២១ ស្ថិតនៅមុខអគ្គីសនីទួលសង្កែ ជាប់ផ្សារទួលសង្កែចាស់ តាមបណ្ដោយផ្លូវ៦៨ ក្នុងភូមិផ្សារតូច សង្កាត់ទួលសង្កែទី១ ខណ្ឌប្ញស្សីកែវ រាជធានីភ្នំពេញ។ សពជនរងគ្រោះមានឈ្មោះ ឆក ម៉េង លាប់ អាយុ២៥ឆ្នាំ ជនជាតិខ្មែរ មុខរបរអ្នកបោច មាន់ ស្នាក់នៅដីថ្មី ក្នុងសង្កាត់ក្រាំងធ្នង់ ខណ្ឌ សែនសុខ ។ មានស្រុកកំណើតនៅភូមិព្រែកតាប៉ែន ឃុំព្រះប្រសប់ ស្រុកខ្សាច់កណ្ដាល ខេត្តកណ្ដាល(អ្នកបើកម៉ូតូ)ចំណែកអ្នករួមដំណើររងរបួសស្រាលមិនស្គាល់អត្តសញ្ញាណនោះទេ។អ្នកទាំងពីរជិះម៉ូតូម៉ាកស៊ុយស៊ុគី លេត ពណ៌ក្រហម ពាក់ស្លាកលេខភ្នំពេញ1CK.1932. ។ តាមប្រភពពីបុរសម្នាក់ដែលរួមដំណើរជាមួយជនរងគ្រោះបានប្រាប់ឲ្យដឹងថា មុនពេលកើតហេតុពួកគេបានចេញពីក្នុងរោងចក្រដើម្បីយកមាន់ឲ្យបងប្អូនជីដូនមួយ ដោយជិះម៉ូតូ តាមបណ្ដោយផ្លូវ៦៨ ទិសដៅពីកើតទៅលិចក្នុងល្បឿនលឿន...

  ភ្នំពេញ: បុរសម្នាក់បើករថយន្តហាយលេនឌ័រមួយគ្រឿងលឿនដូចហោះជ្រុលទៅបុកថូផ្ការនិងរបងមន្ទីរសម្រាកព្យាបាល មួយកន្លែងបណ្ដាលឲ្យបែកថូផ្ការមួយចំនួននិងរបងបណ្តាលឲ្យទ្រេតរងការខូចខាតយ៉ាងដំណំ រួចចុះពីលើរថយន្តហៅកង់បីជិះគេចខ្លួនចេញពីកន្លែងកើតហេតុត្រូវសមត្ថកិច្ចតាមឃាត់បានមកវិញ។ ហេតុការបង្កឲ្យមានការភ្ញាក់ផ្អើលនេះកើតឡើងកាលពីវេលាម៉ោង ១០ និង ១០ នាទីយប់ថ្ងៃទី២២ ខែកញ្ញាឆ្នាំ ២០២១ នៅចំណុចមុខមន្ទីសម្រាកព្យាបាល នីអូឡាយហ្វ៍ តាមបណ្ដោយផ្លូវ ៥៩៨កែងនឹងផ្លូវ ១៩៨៦ ក្នុងសង្កាត់បឹងកក់ទី ២ ខណ្ឌទួលគោក រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តហាយលេនឌ័រពណ៌ក្រហមមួយគ្រឿងពាក់ស្លាកលេខភ្នំពេញ2BA-3892ធ្វើដំណើរតាមបណ្ដោយផ្លូវ ១៩៨៦ ទិសដៅពីលិចទៅកើត ក្នុងល្បឿនលឿនដូចហោះ លុះមកដល់ចំណុចកើតហេតុខាងលើកែងនឹងផ្លូវ៥៩៨ រថយន្តទៅត្រង់ មិនបង្អង់ល្បឿនជ្រុលថូផ្ការបែកអស់មួយចំនួននិងរបងបន្តទៅបុករបងមន្ទីរពេទ្យបណ្ដាលឲ្យទ្រេតឯរថយន្តផ្ទប់ជាប់រងការខូចខាតផ្នែកខាងមុខយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះដល់ ទីតាំងកន្លែងកើតហេតុ ស្រាប់តែម្ចាស់រថយន្តបានហៅម៉ូតូកង់បីជិះគេចខ្លួន ត្រូវបានប្រជាពលរដ្ឋរាយការណ៍ជូនសមត្ថកិច្ច នាំគ្នាជិះម៉ូតូដេញឃាត់ជាប់បានមកវិញយកមកកន្លែងកើតហេតុធ្វើការដោះស្រាយគ្នា បន្ទាប់មកម្ចាស់រថយន្តបានទទួលខុសត្រូវទាំងស្រុង ហើយប្រាប់ថាធានាខុសត្រូវចេញសំណងថ្លៃការខូចខាតដើម្បីប្រញាប់រឿង៕ដោយ កុសល់  

ភ្នំពេញ: បុរសម្នាក់បើករថយន្តកាមរីហាយប្រ៊ីតមួយគ្រឿងខ្វះការប្រុងប្រយ័ត្នបណ្ដាលឲ្យរេខង្កូចទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលឲ្យបាក់មួយកង់ ឯរថយន្តដាច់កាឡេកង់មុខទៅរួច។ ហេតុការនេះកើតឡើងកាលពីវេលាម៉ោង ៧ យប់ថ្ងៃទី ២២ ខែ កញ្ញាឆ្នាំ ២០២១ នៅចំណុចមុខវិទ្យាល័យ ជាស៊ីម សាមគ្គីតាមបណ្តោយផ្លូវ២៧១ ក្នុងសង្កាត់ស្ទឹងមានជ័យទី១ ខណ្ឌមានជ័យរាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តកាមរីហាយប្រ៊ីតមួយគ្រឿងពណ៌ទឹកប្រាក់ពាក់ស្លាកលេខភ្នំពេញ2T-1752ធ្វើដំណើរតាមបណ្តោយផ្លូវ ២៧១ទិសដៅពីជើងទៅត្បូងលុះមកដល់កើតហេតុខាងលើខណៈដែលផ្លូវកោងនិងខ្វះការប្រុងប្រយ័ត្នបណ្ដាលឲ្យរេចង្កូតមកខាងឆ្វេងដៃជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលឲ្យបាក់អស់មួយកង់ ឯរថយន្តខូចខាតផ្នែកខាងមុខខាងឆ្វេងដាច់ក្រឡេកង់ទៅមុខលែងរួច។ភ្លាមនោះម្ចាស់រថយន្តបង្កបានបើកទ្វាចេញពីកន្លែងកើតហេតុបាត់។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំម្ចាស់ចូលខ្លួនមកដោះស្រាយគ្នាតាមផ្លូវច្បាប់៕ដោយ កុសល់

  ខេត្រព្រះសីហនុ ៖ គ្រោះថ្នាក់ចរាចរណ៍មួយបានកើតឡើង រវាង រថយន្តដឹកដីមួយគ្រឿង បុករះជាមួយនឹងរថយន្តនិងម៉ូតូផ្សេងៗទៀត ជ្រុលទៅបុកចូលផ្ទះប្រជាពលរដ្ឋដែលនៅត្រង់ចំណុចផ្លូវ៨០១ ចំណោតវត្តលើ ស្ថិតក្នុងភូមិ២ សង្កាត់លេខ២ ក្រុងព្រះសីហនុ/ខេត្តព្រះសីហនុ។ កាលពីវេលាម៉ោង១២និង៣០នាទីថ្ងៃត្រង់ទី២២ ខែកញ្ញា ឆ្នាំ២០២១ បណ្តាលឲ្យមនុស្សយ៉ាងតិច៥នាក់រងរបួសធ្ងន់ស្រាល ត្រូវបានសមត្ថកិច្ចបញ្ជូនទៅកាន់មន្ទីរពេទ្យ។ ប្រភពពីសមត្ថកិច្ចនគរបាលចរាចរណ៍បន្ថែមឲ្យដឹងថា ក្នុងហេតការណ៍គ្រោះថ្នាក់ចរាចរណ៍មួយនេះ បណ្តាលអោយម៉ូតូ ៤ គ្រឿងបានរងការខូចខាត រួមជាមួយម៉ូតូកង់បីឥណ្ឌា មួយគ្រឿង និងរថយន្តម៉ាក NISSAN មួយគ្រឿង នឹងមនុស្សចំនួន ៥ នាក់រងរបួស ក្នុងនោះរបួសធ្ងន់ម្នាក់ផងដែរ។ សមត្ថកិច្ចបានឲ្យដឹងទៀតថា ជនរងគ្រោះទាំង៥ រួមមាន៖ ១ ឈ្មោះ គឹម ចន្ថា ភេទស្រី អាយុ ២៨ ឆ្នាំ...