ភ្នំពេញ: បុរសម្នាក់បើករថយន្តដឹកស៊ីម៉ង់ត៍មួយគ្រឿងបានគេចពីរថយន្តមួយគ្រឿងទៀតបណ្ដាលឲ្យឡើងលើខឿនសួនចែកទ្រូងផ្លូវក្រឡាប់ផ្ងារជើងម្ខាងរងការខូចខាតយ៉ាងដំណំសំណាងល្អអ្នកបើកបររងរបួសស្រាល។
ហេតុការណ៍នេះកើតឡើងកាលពីវេលាម៉ោង១ និង ៣០ នាទីយប់រំលងអាធ្រាត្រឈានចូលថ្ងៃទី១៩ ខែតុលាឆ្នាំ ២០២១ ស្ថិតនៅតាមបណ្ដោយផ្លូវមហាវិថីឈ្នះ ឈ្នះ ជិតនឹងវត្តភ្នៀត ក្នុងសង្កាត់គោករការ ខណ្ឌព្រែកព្នៅ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តហុីយ៉ាន់ដាយដឹកសុីទែនសុីម៉ងត៍ មួយគ្រឿងក្បាលពណ៌បៃតង ពាក់ស្លាកលេខភ្នំពេញ3E-8115ធ្វើដំណើរទិសដៅពីត្បូងទៅជើងលុះមកដល់ចំណុចកើតហេតុខាងលើបានគេចពីរថយន្តមួយគ្រឿងទៀតបណ្ដាលឲ្យរេចង្កូតមកខាងឆ្វេងដៃជ្រុលឡើងលើខឿនសួនចែកទ្រូងផ្លូវជាច្រើនម៉ែត្ររួចក្រឡាប់ផ្ងាជើងម្ខាង បណ្ដាលឲ្យស្មៅលម្អនៅលើសួនរកការខូចខាតអស់ជាច្រើនម៉ែត្រ និងខឿនសួនបាក់បែកអស់ជាច្រើនកង់ ចំណែករថយន្ដរងការខូចខាតយ៉ាងដំណំ។
ក្រោយកើតហេតុសមត្ថកិច្ចមូលដ្ឋានបានចុះមកដល់មកនាក់ទំនងដោយសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកដើម្បីធ្វើការដោះស្រាយគ្នាតាមផ្លូវច្បាប់៕ដោយ កុសល់
