ភ្នំពេញ: បុរសម្នាក់បើករថយន្ត lexus rx400h មួយគ្រឿងខណៈមេឃកំពុងភ្លៀងបានជ្រុលទៅបុកដុំថ្មមួយដុំដែលធ្លាក់ពីលើរថយន្តដឹកដីនៅចំកណ្ដាលផ្លូវបណ្ដាលឲ្យរថយន្តដាច់កាឡេកង់ខាងមុខទៅរួច។
ហេតុការណ៍នេះកើតឡើងកាលពីវេលាម៉ោង ៩និង ១០ នាទីយប់ថ្ងៃទី១៦ ខែតុលាឆ្នាំ ២០២១ នៅចំណុចមុខសាលារៀនបឹងត្របែក តាមបណ្ដោយផ្លូវព្រះមុនីវង្ស ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញដុំថ្មមួយដុំដែលធ្លាក់ពីលើរថយន្តដឹកដីដែរនៅចំកណ្ដាលផ្លូវ ខណ:ដល់ម៉ោងកើតហេតុខាងលើស្រាប់តែមានបុរសម្នាក់បើករថយន្ត lexus rx400h មួយគ្រឿងពណ៌សពាក់ស្លាកលេខភ្នំពេញ2AC-8208ធ្វើដំណើរទិសដៅពីជើងទៅត្បូងជ្រុលទៅមុខដុំថ្មពេញទំហឹងបណ្ដាលឲ្យរថយន្តដាច់កាឡេកង់ខាងមុខខាងឆ្វេងទៅមុខលែងរួច។
ក្រោយកើតហេតុសមត្ថកិច្ចមូលដ្ឋាននិងជំនាញបានចុះដល់ចំណុចទីតាំងកើតហេតុខាងលើបានពិនិត្យជាក់ស្ដែងដោយមិនប៉ះពល់ដល់សម្បត្តិសាធារណៈទើបសមត្ថកិច្ចឲ្យម្ចាស់ហៅរថយន្តស្ទូចយកទៅជួសជុលដោយខ្លួនឯង៕ដោយ កុសល់
