ភ្នំពេញ: បុរសម្នាក់សង្ស័យស្រវឹងស្រាខ្លាំងបើករថយន្តកាមរីហាយប៊្រីតមួយគ្រឿងក្នុងល្បឿនលឿនដូចហោះរេចង្កូត ជ្រុលទៅបុករបងបូរីណតប៊្រីតអស់១ផ្ទាំង ធំ ឯរថយន្តដាច់បំណែកចេញពីរថយន្តរាយពេញផ្លូវ និងដាច់ម៉ាស៊ីនខ្ទាតចេញពីរថយន្តជិត៣០ម៉ែត្រ។ចំណែករថយន្តខូចខាតស្ទើរទាំងស្រុង។
ហេតុការណ៍នេះកើតឡើងកាលពីវេលាម៉ោង១ និង៤៥ នាទីយប់ឡូទៀតឈានចូលថ្ងៃទី ១៧ ខែតុលាឆ្នាំ ២០២១ នៅចំណុចរបងបូរីណតប៊្រីត តាមបណ្តោយផ្លូវលូបី ក្នុងសង្កាត់អូបែកក្អមខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតឃើញបុរសម្នាក់សង្ស័យស្រវឹងស្រាជោគបើករថយន្តកាមរីហាយប្រ៊ីតពណ៌ខ្មៅមួយគ្រឿងពាក់ស្លាកលេខភ្នំពេញ2AC-3168ធ្វើដំណើរទិសដៅពីត្បូងទៅជើង ក្នុងល្បឿនលឿនដូចហោះ លុះមកដល់ចំណុចកើតហេតុខាងលើបានរេចង្កូតមកខាងស្ដាំដៃឡើងលើចិញ្ចើមផ្លូវជ្រុលទៅបុករបងបុរីណតប៊្រីតបណ្ដាលឲ្យបាក់អស់១ផ្ទាំងធំ ឯរថយន្តដាច់បំណែកចេញពីរថយន្តរាយពេញផ្លូវនិងម៉ាស៊ីនដាច់ចេញពីរថយន្តខ្ទាតជិត ៣០ ម៉ែត្រ ចំណឺករថយន្តរងការខូចខាតស្ទើរទាំងស្រុង។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយគ្នាតាមច្បាប់៕ដោយ កុសល់
