ភ្នំពេញ: បុរសម្នាក់ស្រវឹងស្រាជោគជាំបើករថយន្តហាយលេនឌ័រពាក់ស្លាកខក្លែងក្លាយមួយគ្រឿងក្នុងល្បឿនលឿនបានជ្រុលទៅបុកម៉ូតូពីក្រោយខណៈកំពុងឈប់ចាំភ្លើងស្តុបពេញទំហឹងបណ្ដាលឲ្យខ្ទាតជាច្រើនម៉ែត្របណ្ដាលឲ្យនារីម្នាក់រងរបួសធ្ងន់សន្លប់ស្ដូកស្ដឹង។
ហេតុការណ៍បង្កគ្រោះថ្នាក់ចរាចរណ៍នេះ កើតឡើងនៅវេលាម៉ោង៨ និង ៤០នាទីយប់ថ្ងៃទី ១៣ ខែតុលាឆ្នាំ ២០២១ នៅចំណុចក្រោមស្ពានអាកាសផ្សារដីហុយ តាមបណ្តោយផ្លូវសហព័ន្ធរុស្សី ក្នុងសង្កាត់ទឹកថ្លាខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញនារីវ័យក្មេងម្នាក់ជិះម៉ូតូម៉ាកឌ្រីមសង់ស៊េរីឆ្នាំ ២០១៧ មួយគ្រឿងពណ៌ខ្មៅពាក់ស្លាកលេខតាកែវ1N-4120ធ្វើដំណើរទិសដៅពីកើតទៅលិច ខណៈមកដល់ចំណុចកើតហេតុខាងលើ បានឈប់រង់ចាំស្តុប ខណៈនោះក៏មានបុរសម្នាក់ស្រវឹងស្រាជោគជាំបើករថយន្តម៉ាកហាយលេនឌ័រពណ៌ខ្មៅមួយគ្រឿងពាក់ស្លាកលេខព្រៃវែង2A-0373 ធ្វើដំណើរមកពីក្រោយក្នុងល្បឿនលឿនបានបុកម៉ូតូពីក្រោយពេញទំហឹងខ្ទាតជាច្រើនម៉ែត្របណ្ដាលឲ្យម្ចាស់ម៉ូតូរងរបួសធ្ងន់ធ្ងរ។ភ្លាមនោះកម្លាំងសមត្ថកិច្ចកំពុងប្រចាំការនៅក្រោមស្ពានអាកាសផ្សារដីហុយធ្វើការឃាត់ខ្លួននិងចាប់វាយខ្នោះភ្លាមៗដើម្បីទុកប្រគល់ជូនជំនាញបន្ត។សូមបញ្ជាក់ផងដែរស្កាកលេខដែលពិតប្រាកដគឺរថយន្តHYUNAI GRACEនោះទេ។
ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកដល់រួចបានវាស់ជាតិស្រវឹងដោយមានកំរិតជាតិអាកុលនៅក្នុងខ្លួនទៅដល់០,៩២រួចសមត្ថកិច្ចយករថយន្តនិងអ្នកបើកបររួមទាំងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីធ្វើការដោះស្រាយគ្នាតាមផ្លូវច្បាប់៕ដោយ កុសល់
