ភ្នំពេញ ៖ សមត្ថកិច្ចនគរបាលខណ្ឌឬស្សីកែវឃាត់ខ្លួនជនសង្ស័យម្នាក់ករណីគ្រឿងញៀនកាលពីម៉ោង ១២ថ្ងៃត្រង់ ថ្ងៃទី១៧ខែកញ្ញាឆ្នាំ២០២១ នៅចំណុចមាត់ច្រាំងទន្លេក្រុម៣ ភូមិ១សង្កាត់ច្រាំងចំរ៉េះ ខណ្ឌឫស្សីកែវ រាជធានី ភ្នំពេញ។
លោកហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា ជនសង្ស័យមានឈ្មោះសុះ ហ្វារី អាយុ ២០ឆ្នាំជនជាតិ ខ្មែរមានទីលំនៅ ភូមិ៣សង្កាត់ច្រាំងចំរេះ១ខណ្ឌឬស្សីកែវ រាជធា នីភ្នំពេញ មុខរបរ មិនពិតប្រាកដ ។ សម្ភារៈដក ហូតម្សៅក្រាមពណ៌សថ្លាសង្ស័យជាគ្រឿង ញៀន ចំនួន ០៥ កញ្ចប់។
បច្ចុប្បន្ន ជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅសាលាដំបូង រាជធានីភ្នំពេញចាត់ការបន្តតាមនីតិវិធី។
ចំណែកករណីទី២ សមត្ថកិច្ចនគរបាលខណ្ឌឫស្សីកែវឃាត់ខ្លួនជនសង្ស័យ៣នាក់ករណីជួញ ដូរថ្នាំញៀនកាលពីម៉ោង១០និង៣០នាទី យប់ថ្ងៃទី១៧ ខែកញ្ញា ឆ្នាំ២០២១ នៅចំណុចភូមិ ច្រាំងចំរ៉េះ សង្កាត់ច្រាំងចំរ៉េះខណ្ឌឫស្សីកែវ រាជធានីភ្នំពេញ។
លោកហ៊ាង ថារ៉េត អធិការនគរបាលខណ្ឌឬស្សី កែវបានឲ្យដឹងថាជនសង្ស័យ ៖
ទី១.ឈ្មោះ ផល សុខចាន់ ភេទ ស្រី អាយុ១៦ឆ្នាំ មានទីលំនៅ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ។
២.ឈ្មោះ អៀម ដុល្លា ភេទ ប្រុស អាយុ៣៤ឆ្នាំ មានទីលំនៅ ភូមិក្រោលគោ សង្កាត់គីឡូម៉ែ ត្រលេខ៦ ខណ្ឌឬស្សីកែវ រាជធានីភ្នំពេញ។
៣. ឈ្មោះ ពៅ សារឿន ភេទ ប្រុស អាយុ៣៨ឆ្នាំមានទីលំនៅ ភូមិច្រាំងចំរេះ សង្កាត់
ច្រាំងចំរ៉េះទី១ ខណ្ឌឬស្សីកែវ រាជធានីភ្នំពេញ។
សម្ភារៈដកហូតរួមមានក្រាមពណ៌សថ្លាសង្ស័យជាគ្រឿងញៀន ចំនួន ០២កញ្ចប់ធំ និង ០១កញ្ចប់តូច (ជារបស់ជនសង្ស័យឈ្មោះ ពៅ សារឿន និង ឈ្មោះ ផល សុខចាន់) ជញ្ជីងសំរាប់ថ្លឹង ០១។
បច្ចុប្បន្ន ជនសង្ស័យទាំង៣នាក់ និងវត្ថុតាងកំពុងឃាត់ខ្លួនបណ្តោះអាសន្ននៅអធិការដ្ឋាន
នគរបាលខណ្ឌឫស្សីកែវ ដើម្បីកសាងសំណុំ រឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕
