ភ្នំពេញ: នារីរូបស្រស់ម្នាក់បើករថយន្តស៊េរីទំនើបម៉ាកBMWមួយគ្រឿងបត់ចូលក្នុងព្រលានយន្តហោះ មិនប្រយ័ត្នត្រូវបុរសពីរ នាក់ជិះម៉ូតូមួយគ្រឿងក្នុងល្បឿនលឿនបុកពីចំហៀងពេញទំហឹងបណ្ដាលឲ្យរងរបួសធ្ងន់។
ហេតុការនេះកើតឡើងកាលពីវេលាម៉ោង៧និង ៤០ នាទីយប់ថ្ងៃទី ១០ខែតុលាឆ្នាំ ២០២១ នៅចំណុចមុខលានយន្តហោះពោចិនតុង តាមបណ្តោយផ្លូវសហព៏ន្ធរុស្ស៊ី ក្នុងសង្កាត់កាកាបទី១ ខណ្ឌពោធិ៍សែនជ័យរាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញនារីរូបស្រស់ម្នាក់បើករថយន្តស៊េរីទំនើបម៉ាក BMWមួយគ្រឿងពណ៌សពាក់ស្លាកលេខសៀមរាប2B-8688ធ្វើដំណើរតាមបណ្ដោយផ្លូវសហព័ន្ធរុស្ស៊ីទិសដៅពីកើតទៅលិច លុះមកដល់ចំណុចកើតហេតុខាងលើបានបត់ឆ្វេងដៃចូលក្នុងព្រលានយន្តហោះពោធិ៍ចិនតុង ខណៈ:នោះក៍មានបុរស២ នាក់ជិះម៉ូតូឌ្រីមសង់មួយគ្រឿងស៊េរីឆ្នាំ២០២១ ពណ៌ខ្មៅពាក់ស្លាកលេខត្បូងឃ្មុំ1J-1789ធ្វើដំណើរបញ្ច្រាស់ទិសគ្នាពីលិចទៅកើតក្នុងល្បឿនលឿនចាប់ហ្វ្រាំងមិនទាន់ជ្រុលបុកពីចំហៀងរថយន្តផ្នែកខាងស្ដាំពេញទំហឹងបណ្ដាលឱ្យដួលបងទៅថ្នល់រងរបួសធ្ងន់ត្រូវបានរថយន្តសង្គ្រោះបន្ទាន់បញ្ជូនទៅសង្គ្រោះនៅឯមន្ទីរពេទ្យភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយកទៅរក្សាទុករង់ចាំធ្វើការដោះស្រាយគ្នាតាមផ្លូវច្បាប់៕ដោយ កុសល់
