ភ្ភ្នំពេញ: បុរសម្នាក់សង្ស័យស្រវឹងបានបេីករថយន្តកាមរីហាយប្រីតមួយគ្រឿងរួមដំណេីរជាមួយបុរសម្នាក់ទៀត ធ្វេីដំណេីរក្នុងល្បឿនលឿនជ្រុលបុកម៉ូតូពេញទំហឹងហេីយរថយន្តបង្កនៅមិនទាន់អស់ល្បឿនក៏បន្តទៅបុករថយន្តស៊េរីទំនេីបចំនួនបីគ្រឿងទៀតដែលចតចោលនៅខាងមុខហាងបណ្តាលឱ្យរងការខូចខាតយ៉ាងដំណំ និងបណ្តាលឲ្យម្ចាស់ម៉ូតូរងរបួសធ្ងន់។
ហេតុការណ៍ នេះបានកេីតឡេីងកាលពីវេលាម៉ោង១១យប់ ថ្ងៃទី២៣ ខែវិច្ឆិកា ឆ្នាំ២០២១ នៅចំណុចខាងជេីងស្តុបទន្លេបាសាក់ តាមបណ្តោយផ្លូវ១៦៣ ស្ថិតក្នុងសង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកហុងដាឌ្រីមសង់ ពណ៌ខ្មៅ ពាក់ស្លាកលេខភ្នំពេញ1AQ- 9563 ធ្វេីដំណេីរតាមបណ្តោយផ្លូវលេខ១៦៣ ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុស្រាប់តែមានរថយន្តកាមរីហាយប្រីតពណ៌ទឹកប្រាក់ ពាក់ស្លាកលេខភ្នំពេញ2V -7374 បេីកបរដោយបុរសម្នាក់នឹងមានបុរសម្នាក់ទៀតរួមដំណេីរជាមួយ បុតសម្នាក់ទៀត ធ្វេីដំណេីរតាមបណ្តោយផ្លូវ១៦៣ ក្នុងទិសដៅពីជេីងទៅត្បូងក្នុងល្បឿនលឿនបានបុកម៉ូតូចំពីមុខពេញទំហឹងបណ្តាលឱ្យអ្នកជិះម៉ូតូរងរបួសធ្ងន់ធ្ងរដាច់ជេីងទាំងសងខាង ។ ចំណែករថយន្តបង្កនៅមិនទាន់អស់ល្បឿនក៏ជ្រុលចង្កូតទៅខាងស្តាំដៃបន្តបុករថយន្តស៊េរីទំនេីបចំនួនបីគ្រឿងដោយមួយគ្រឿងម៉ាកឡិចស៊ីសRX200t ពណ៌ស ពាក់ស្លាកលេខភ្នំពេញ2BN -9868 រថយន្តឡិចស៊ីសLX 570 ពណ៌ខ្មៅ ពាក់ស្លាកលេខភ្នំពេញ2BM -7272 និងរថយន្តម៉ាកBMW ពណ៌ស ពាក់ស្លាកលេខកម្ពុជា M. M 2828 ដែលចតនៅខាងមុខហាងបណ្តាលឱ្យរងការខូចខាតយ៉ាងដំណំ។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែករថយន្តនិងម៉ូតូរួមទាំងម្ចាស់រថយន្តប hiង្កត្រូវបានសមត្ថកិច្ចជំនាញការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំយកទៅរក្សាទុករងចាំដោះស្រាយពេលក្រោយ៕ដោយ កុសល់
