ភ្នំពេញ ៖ រថយន្តស៊េរីទំនេីបម៉ាក Ford Ranger បានបុករថយន្តម៉ាក Toyota Prius កំពុងឆ្លងផ្លូវពីចំហៀងពេញទំហឹង ទៅផ្ទប់និងរបាំងថ្ម បណ្ដាលឲ្យរងការខូចខាតយ៉ាងដំណំ តតែមិនបង្កឲ្យមនុស្សរងរបួស។
ហេតុការនេះបានកេីតឡេីងកាលពីវេលាម៉ោង២ ររំលងអាធ្រាត្រ ឈានចូលថ្ងៃ ទី១ ខែវិច្ឆិកា ឆ្នាំ២០២១ នៅតាមបណ្ដោយផ្លូវម៉ៅសេទុង កែងផ្លូវ១៩៩ ក្នុងសង្កាត់ទួលស្វាយព្រៃ២ ខណ្ឌបឹងកេងកង រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា មុនកើតហេតុគេឃេីញរថយន្តម៉ាក Toyota Prius ពណ៌ទឹកប្រាក់ ពាក់ស្លាកលេខភ្នំពេញ 2BJ-6057 បេីកបរដោយបុរសម្នាក់ជាជនជាតិបរទេស ធ្វេីដំណេីរតាមបណ្ដោយផ្លូវម៉ៅសេទុង ទិសដៅពីត្បូងមកជេីង ខណៈឆ្លងស្ទុបបានពាក់កណ្ដាលផ្លូវ ក៏មានរថយន្តស៊េរីទំនេីបម៉ាក Ford Ranger ពណ៌ស ពាក់ស្លាកលេខភ្នំពេញ 2BC-9796 ធ្វេីដំណេីរតាមបណ្ដោយផ្លូវ១៩៩ ទិសដៅពីកេីតទៅលិចក្នុងល្បឿនលឿន និងមិនប្រយ័ត្នបានជ្រុលទៅបុករថយន្ត Toyota Prius ពីចំហៀងពេញទំហឹងវិលទៅផ្ទប់និងរបាំងថ្មរងការខូចខាតយ៉ាងដំណំ ។ ចំណែករថយន្តបង្កម៉ាក Ford Ranger បានបន្តទៅមុខប្រហែល៣០ម៉ែត្រទេីបឈប់រថយន្តចុះគេចខ្លួនបាត់ ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វេីការវាស់វែងយករថយន្តទាំងពីរគ្រឿងខាងលេីនេះទៅរក្សាទុក នៅការិយាល័យចរាចរណ៍ផ្លូវគផកនៃស្នងការដ្ឋាននគរបាលរាជធានីភ្នំពេញ រង់ចាំធ្វើការដោះស្រាយគ្នាតាមច្បាប់ ៕ដោយ កុសល់
